رواية حور ياسين الفصل التاسع عشر 19 - بقلم مي

حور وقفت بعيد عنهم أوي وردت على فون. حور: الو يا أسر، عامل إيه؟ أسر: الحمد لله، إحنا في مصر. حور: طيب يا أسر، ماما عاملة إيه دلوقتي؟ أسر: كويسة يا حور. حور: طيب هي هتروح عند الدكتور امتى؟ أسر: بكرة الدكتور نازل مصر وهي تعمل العملية هنا. حور: مش كانت هتعملها هناك؟ أسر: بس هي أصرت تنزل مصر عشانك. حور: ماشي يا أسر. أسر: خدي محمد عايز يكلمك. حور: الو يا حبيبي، عامل إيه؟ محمد: الحمد لله يا روح قلب أخوك، واحشتني.

حور: وإنت كمان واحشتني أووووي والله. ... : حووووووووور! حور لفت بسرعة: ياسين، والله أنا بكلم محمد مش أسر. ياسين بغيرة: دا على أساس إن محمد مش شب يعني. حور: شب بس، والله دا أخويا يعني عادي. ياسين: طيب كملي كلامك معاه يا حور، وحسابنا بعدين عشان بس الناس. حور: أكمل كلامي؟ أنا قفلت في وشه. ياسين: ماشي يا حور، وبعدين كان تقدري تكلمي وإنتي قاعدة، مش لازم تقومي، مش إحنا اتفقنا إننا صحاب؟ حور: أيوا صحاب، بس إنت ساعات بتتعصب.

ياسين: تمام، أوعدك أحاول متعصبش تاني. حور: يعني لو أسر رن عليا أرد، حتى لو قدامك؟ ياسين: حور حبيبتي، مش لازم تزودي الموضوع، يعني تكلمي بحدود، واحمدي ربنا إن سكت على إنك مشيتي من غير ما أعرف وإني فضلت أدور عليكي زي المجنون. حور: إيه اللي عرفك إني هنا، ولا هي صدفة؟ ياسين: لا مش صدفة، العصفورة قالتلي. حور: عصفورة مين؟

ياسين: إيمان، بعد ما إنتي قومتي قامت وراكي، وبعدها بدقيقتين رجعت تاني وقالتلي بصوت واطي إنك بتكلمي حد، وأنا جيت بس. حور: بذمتك دي عصفورة؟ ياسين بضحك: صراحة لا. يلا عشان إحنا اتأخرنا عليهم. حور: يلا. وراحوا قعدوا معاهم تاني. ملك: كل دا؟ حور: أصل ياسين قفشني وأنا بتكلم. ملك: وعملتي إيه؟ حور: ولا حاجة، قولتله إني كنت بكلم أسر. ملك: اسكتي بقا. ملك: ماشي يا ختي. إيمان: أنا زهقت، يلا نروح. ياسين: يلا.

وركبوا العربيات ورجعوا الأقصر ونزلوا ودخلوا. حنان: جيتوا بدري يعني. ياسين: إيمان زهقت. تاليا: حور، ملك، أنا هروح بقا. ياسين: أوصل تاليا بيتها. سيف: حاضر، يلا يا تاليا. وخرجوا. أدهم: ياسين، أنا ماشي بقا، سلام. ياسين: لا استنى، أنا عايزك. ودخلوا المكتب. حور: أنا طالعة بعد إذنكم. ملك: خديني معاكي يا أختي. وطلعوا سوا. وفضلت حنان وإيمان وأسماء ومنال. عند ياسين، دخلوا هو وأدهم وقعدوا. ياسين: جهزت كل حاجة؟ أدهم: أيوا جهزت.

ياسين: تمام. أدهم: بس إنت طلبت إنها تكون جاهزة ليه؟ ياسين: أديك شوفت خالتي وإيمان مش ناوين على خير، والنهاردة لو مكنتش حور قالتلي إن دا محمد، كنت زماني قاتلها. أدهم: لا، ولحقت شافتها وقالتلك. المهم يا ياسين، أوعى تزعق أو تتخانق أو تزعل حور قدامهم، إنت عارف إن دا هدفهم، فـ حاول إنك تهدي عصبيتك وغيرتك شوية. ياسين: هحاول. أدهم: طيب، أنا همشي بقا، سلام. ياسين: سلام. ومشي أدهم وفضل ياسين في المكتب. منال: مالك يا إيمان؟

إيمان: محدش كان مهتم بينا في الخروجة دي، أكننا مش موجودين أصلًا. حنان: لا يا حبيبتي، متقوليش كدا. إيمان: لا يا خالو، هما مش بيحبونا، الحب كله الاهتمام رايح لـ حور هانم. حنان: لا يا حبيبتي، متقوليش كدا، إنتوا بنات خالتهم. منال: خلاص يا إيمان، اطلعوا إنتوا دلوقتي. إيمان: حاضر يا ماما. وطلعت هي وأسماء. منال بخبث: شوفتي يا حنان، إيمان وأسماء زعلانين بسبب حور. كرهت ولادك في ولادي، ويا عالم الدور الجاي على مين.

حنان: لا، متقوليش كدا يا منال، أنا ولادي عمرهم ما يكرهوا حد عشان حد تاني. منال: أهم كرهوا وتجاهلوا بناتي طول الخروجة. أنا طالعة أنام، تصبحي على خير يا حبيبتي. حنان: وإنتي من أهله. وطلعت العقربة، قصدي منال. حنان قعدت تفكر في كلام منال. عند حور، أول ما طلعت أوضتها خدت شاور ولبست وقعدت، وملك خبطت ودخلت. ملك: حووور! حور: نعم. ملك: مالك؟ حور: ماما بكرة هتروح عند الدكتور عشان هيحددوا ميعاد العملية بتاعتها.

ملك: ودا اللي مزعلك؟ ربنا يشفيها يا رب. حور: وأنا عايزة أروح معاها. ملك: طب ما تروحي. حور: وياسين أكيد مش هيوافق، عشان أسر هيبقا هنا. ملك: وإنتي مالك بـ أسر يعني؟ حور: مش بيحب إني أتكلم معاه ولا أقف معاه ثانية. ملك: قوليله يمكن يوافق عشان خاطر مامتك. حور: بكرة بإذن الله هقوله. ملك: بإذن الله يا قلبي. أنا هنام عندك النهاردة. حور: لا بقا كدا كتير، إنتي عندكيش أوضة؟ ملك: لا عندي، بس عايزة أنا في أوضتك عادي يعني.

حور: ماشي، يلا اطفي النور ونامي، تصبحي على خير. ملك: وإنتي من أهله. عند ياسين، خرج من مكتبه وكانت مامته بس هي اللي قاعدة لوحدها. ياسين: أومال فين الباقي؟ حنان: طلعوا ناموا. ياسين: طيب، أنا طالع، عايزة حاجة؟ حنان: ياسين، استني، عايزة حاجة. ياسين قعد: اتفضلي يا ماما، سمعك. حنان: ياسين، إنت مش بتحبني وممكن تعمل عشان أي حاجة، وبتسمع كلامي ومش بتحب تزعلني. ياسين: أكيد طبعًا يا ست الكل، بس إيه الأسئلة دي كلها؟

حنان: ياسين، أنا عايزك تجوز إيمان بنت خالتك. ياسين: إيمان مين؟ إنتي نسيتي إني متجوز يا أمي، ولا إيه؟ حنان: بس حور كلها سنة ولا اتنين وتطلقوا يا ياسين. ياسين: لما نبقى نتطلق بقا يا ماما، مع إني متأكد إن مستحيل أسيب حور. حنان: طيب، بلاش عشان إنت هتطلق. اتجوز إيمان عشان خاطري يا ياسين، أنا كنت واعدة خالتك إنك هتبقى لإيمان، عايزاني أخلف بوعدي؟ ياسين: ماما، إنسي، أنا مش هتجوز غير حور اللي هي أصلًا مراتي.

حنان بصوت عالي: ياسين، أنا قولت اللي عندي، ولو مجوزتش إيمان أنا همشي وأسيب البيت، إنت فاهم؟ ياسين: ماما، إنتي بتقولي إيه؟ إنتي عارفة ومتأكدة إني بحب حور، وإنتي دلوقتي عايزة تجوزيني واحدة مبحبهاش ولا بطيقها أصلًا عشان وعد؟ حنان: هو دا اللي عندي يا ابن الصاوي، يا تجوز إيمان، يا همشي ومش هتشوف وشي تاني لحد آخر يوم في عمري يا ياسين. ياسين بصوت عالي صحى كل اللي في البيت: قولت مش هتجوزها، أنا مش بحبهااااا!

حنان بزعيق: أيوة طبعًا، إنت بتحب واحدة بتحب غيرك، واحدة كل اللي عايزاة فلوس وبس، يا ياسين، حور مش بتحبك إنت، سامع؟ ملك وحور وإيمان ومنال وأسماء نزلوا. حور سمعت كلام حنان وعيطت. ياسين: ماما، حور دي بنتك اللي ربيتيها. حنان: وإيه اللي بسبب تربيتي ليها ابن بيعلي صوته عليا يا أستاذ ياسين، واللي عندي قولته، يا تجوز بنت اختي، يا مش هتشوف وشي تاني، وإنت عارف إني مش بتكلم وبس. وسابته وطلعت، وطلعت وراها منال وبناتها.

حور واقفة بتعيط وملك جنبها بطبطب عليها. حور راحت عند ياسين: وافق يا ياسين عشان متزعلش منك وتسيب البيت فعلًا، وأنا مش عايزة كدا. ياسين بغضب: إنتي مجنونة؟ أنا عارف إنك مش بتحبيني، بس أنا بحبك ومستحيل أتجاوز غيرك، إنتي فاهمة؟ حور بعصبية وعياط: وأنا قولتلك اسمع كلام ماما يا ياسين. وسابته طلعت أوضتها وملك طلعت وراها. ياسين طلع أوضته وكان بيكسر أي حاجة يشوفها قدامه: ماشي يا حور، عايزاني أسمع كلام ماما، ماشي.

وخد دش وحاول ينام. عند حور، أول ما طلعت عيطت أوي: آآآآآه يارب، أنا تعبت خلاص، خدني عندك، زهقت وجيت لآخري خلاص. وفضلت تعيط وملك دخلت تهديها وفضلت معاها لحد ما نامت. عند سيف، وصل تاليا ورجع ملقاش حد صاحي، طلع نام. تاني يوم الصبح، الكل صحي ونزلوا تحت ما عدا حور. وقعدوا كلهم فطروا سوا، وأول مرة ياسين ما يسألش على حور. حنان: ها، قولت إيه يا ياسين؟ ياسين: موافق يا أمي. منال بفرحة وخبث: مبروك يا حبايبي.

حنان: مبروك خلاص يا منال، إحنا بإذن الله كمان شهر نكون عندكوا بنتقدم لإيمان رسمي، عقبال أسماء. منال: يارب يا حبيبتي، يارب. سيف: هو في إيه؟ أنا مش فاهم حاجة. منال: أصل ياسين طلب إيد إيمان. سيف: ياسين مين؟ وإيمان مين؟ طب وحور؟ إنتوا بتهزروا؟ حنان: لا مش بنهزر. وكل وانت ساكت. سيف قام: نفسي اتسدت عن الأكل. وقام طلع فوق. عند حور، خبط على الباب. حور: تعالي يا ملك. سيف: أنا مش ملك. حور: ادخل يا سيف.

سيف دخل: هو إنتي عارفة بالهبل اللي تحت دا؟ حور: أيوا عارفة وموافقة عليه كمان. سيف: لا، إنتوا كدا بتستهبلوا كلكم. حور: خلاص يا سيف، اللي حصل حصل. سيف: هو إيه اللي حصل حصل؟ هتسيبي حبيبك لغيرك؟ حور: حبيبي إيه؟ سيف: تبقي هبلة لو فاكراني مش عارف إنك بتحبي ياسين يا حور. حور بعياط: بحبه، بس خلاص يا سيف، مش مكتوبلنا نبقى سوا خلاص. سيف: طيب، متعيطيش خلاص. وبعدين إنتي رايحة على فين كدا؟

حور: رايحة عند عيلة النصار، أسر ومحمد وماما جايين ياخدوني شوية كدا عشان هنروح مع ماما الدكتور. سيف: وياسين عارف؟ حور: هيعرف دلوقتي وأنا نازلة. حور لقت حد بيمر بالعربية، بصت من البلكونة لقت عربية أسر. حور: أنا هنزل دلوقتي عشان هما جم أهم تحت. سيف: طيب، تعالي أنزل معاكي. ونزلوا الاتنين سوا. ملك: الأقمر رايحة فين على كدا؟ حور: رايحة مع ماما عند الدكتور، ما إنتي عارفة. ملك: قولتي لياسين؟

حور: مكنش فاضي، عشان كدا مش قولت حاجة. في الوقت دا خرجت حنان والباقي من أوضة السفرة. ياسين: إنتي لابسة ورايحة على فين يا حور؟ حور: رايحة مع ماما عند الدكتور. ياسين: ومقولتليش لي امبارح يا حور؟ حور: مكنش في وقت. منال: سيبها يا ياسين تروح، ما هي بنت هناء تلقيها زيها ورايحة عشان تخلي أسر يحبها، وبعدين يا حبيبي إنت كدا ولا كدا هتطلقها، فـ سيبها من دلوقتي أحسن، دا إنت هتاخد ست ستها. ....

: غلطانة. حور ست البنات كلهم، متقرنيش حور بحد تاني، إنتي فاهمة؟