رواية حورية الأحمد الفصل العشرون 20 - بقلم سارة مازن

ميمي: وبس كدا بس اللي هيموتني من التفكير إنها غيرت الفستان ليه؟ ملك: آه، أنا استغربت أوي بردو. دخل عليهم هاني وحمادة وأحمد، وبقت المعازيم اللي بره. أحمد: علشان كشفت خطتكم. ميمي بفزع: إيه خطة إيه؟ وكم دخلين كده ليه؟ ملك: راحت تستخبى ورا مامتها. أحمد مسك المايك: بصوا يا جماعة، أنا عارف إن اللي أنتو هتشوفوه ده صعب قد إيه، وفي كمية حقد وغل قد إيه. أولًا كده، مرات عمي عايزاني أتجوز بنتها علشان تاخد كل حاجة أنا بملكها.

حمدي بعصبية: بس يا أحمد، أنت بتقول إيه! أحمد: استنى يا عمي، متتعصبش، اعرف الأول هي عملت إيه، وبعد كده قرر هتتعصب على مين. أكمل لكم طبعًا، بعد ما عرفت إني بحب حور اتجننت، وبقت عايزة تأذينا بأي طريقة. مرة خلت واحد يفك فرامل العربية بتاعتي علشان نعمل حادثة، والحمد لله عدينا منها على خير، وكانت هتتجن برضه. ومرة تانية حطت زيت على السلم علشان حور تقع من عليه، يحصلها حاجة، والحمد لله برضه عدت على خير.

ومرة تالتة حطت بودرة في فستان حور علشان تشوه جسمها، والحمد لله برضه ربنا خلاني آخد بالي علشان تعدي على خير. وفي حاجات كتير أوي حصلت، بس دول أكتر حاجة فيها كمية حقد مش طبيعية. كل ده وحور عمالة تعيط. سانيه: طب وأنت عرفت كل الحاجات دي إزاي يا ابني؟ أحمد: من الكاميرات يا ماما، متنسيش اللي من كام سنة كان فيه حرامي، وبعدها ركبنا كاميرات مخفية في أماكن محدش يعرف يشوفها غير اللي عارف مكانها، وبس.

حمدي راح عند ميمي وملك: أنا مش عارف أنتو عملتوا كل ده ليه. وضرب ميمي قلم قدام الناس كلها. ميمي بصت في الأرض. حمدي: أنتِ طالق. ملك: ليه كده يا بابا؟ حمدي: ضربها بس يا قليلة الرباية يا رخيصة. حازم: خلاص يا بابا، تعالا معايا. كل الناس اللي معزومة عمالين يبصوا على ملك وميمي باستحقار. ميمي طلعت على غرفتها بسرعة هي وملك. أحمد: يلا يا جماعة، ولا أي حاجة حصلت. حمادة وهاني: الحمد لله إننا خلصنا منها ومن حقدها.

والدي جي شغل الأغاني من جديد. حور بعيون مليانة دموع عمالة تبص على أحمد. أحمد راح ليها وأخذها في حضنه قدام الناس كلها. أحمد: مش قولتلك أوعي تعيطي تاني. حور: أنا بحبك، ربنا يخليك ليا يا كوكي. أحمد: قلب كوكي.