رواية حورية الأحمد الفصل الحادي عشر 11 - بقلم سارة مازن

احمد وراح على هاني: أنا بطلب إيد حور منك يا عمو. هاني بغموض: مش موافق. احمد بصدمة: إيه؟ حور بزعل: بعد إذنكم أنا رايحة غرفتي. احمد بعيون مرغرغة: ليه يا عمو كدا؟ أنت عارف إني بحب حور ومليش غيرها. هاني: استنى يا حور. حور بزعل: نعم يا بابا؟ هاني بضحك: هو انتوا قلبتوها دراما ليه كدا؟ أنا بهزر يا دُنا منك ليها. حمادة بضحك: شربوا المقلب. احمد بأعصاب سايبة: والله أنا جسمي بيرتعش من اللي أنت عملته دا يا عمو.

حور جريت على بابها وحضنته: تسلملي يا بابًا يارب. حمادة: طب هنعمل خطوبة قصيرة كدا على ما تظبط شوية حاجات. هاني: وده رأيي برضه، يعني تبقى شهرين تلاتة كدا. احمد: إيه شهرين تلاتة؟ لا أنا مش هستحمل. حمادة بضحك: بس يا ولااااا اختشي، اصبر مجتش من تلات شهور. حور بتضحك بكسوف. احمد: حاضر، هصبر وأمري لله. هاني: خلاص يبقى الخطوبة الأسبوع اللي جاي. حمادة: يبقى توكلنا على الله يا سانيه. سانيه من فوق: نعم يا حاج؟

حمادة: زرغطي يا يام أحمد، خطوبة أحمد الأسبوع اللي جاي. ملك طلعت بسرعة: إيه؟ في إيه يا مرات عمي؟ خطوبة مين؟ سانيه بفرحة: أحمد خطوبته على حور الأسبوع اللي جاي. لولولولولولولووووووي! ملك: إيه؟ واغمي عليها. سانيه: حبيبتي، احسبي يا جماعة، تعالوا شلوها معايا. احمد وهاني وحور وحمادة جريوا علشان يشوفوها. حمادة شالها ودخلها غرفتها. وحور جابت ميه وحاولوا يفوقوها. ملك بعد مدة قصيرة فاقت. هاني: أنتِ كويسة يا حبيبتي؟

سانيه: إيه اللي حصلك يا بنتي؟ ملك بصت على احمد: أنا كويسة الحمد لله، محتاجة أنام بس. سانيه: ماشي يا حبيبتي، يلا يا جماعة نسيبها ترتاح. حور: ألف سلامة عليكي يا ملك. ملك مردتش وأدتها ظهرها. وكلهم طلعوا من غرفتها. ملك: الووو، أنتوا لازم تيجوا. ميمي أمها: ليه؟ إيه اللي حصل؟ ملك: هيتخطبوا الأسبوع اللي جاي. ميمي: تِتْك خيبة، وإنتي مش بتعرفي تعملي حاجة كدا؟ ملك: طب أنا أعمل إيه يعني؟

ميمي: خلاص أنا أقول لأبوكي وهنيجي ونشوف هنعمل إيه. ملك: ماشي. ميمي: يلا سلام. عند حور واحمد كانوا واقفين في البلكونة. حور: أنا زعلانة على ملك أوي يا احمد. احمد: وأنا كمان، بس هي مش كويسة. حور: متقولش عليها كدا. احمد: طيب خلاص، سيبك من الموضوع دا. أنا مبسوط إن كلها شهرين وهتبقى ليا يا حور. حور بحب: اااممم، هانت يا كوكي. احمد: قلب كوكي والله. احمد بضحك: متجيبي بوسة تصبيرة؟ حور ضربته في صدره: بس يا احمد، بطل قلة أدب.

احمد: الله، طب تعالي في حضني طيب. حور: على فكرة بقى، إحنا المفروض إننا منحضنش بعض. احمد: ليه؟ ليه بقى إن شاء الله؟ حور: أنا عارفة إن الموضوع مش عادي، لأننا من صغرنا متعودين نحضن بعض، بس إحنا كبرنا بقى يا احمد. احمد بتفهم: اوكي، حبيبتي، اللي يريحك. وبعدين كلها كان شهر ومش هيبقى حضن بس يا جميل. حور بكسوف: فيه إيه يا احمد؟ الله، أنا ماشية. احمد بضحك: خلاص يا مجنونة، تعالي. حور: لو اتكلمت بالأسلوب دا تاني همشي والله.

احمد: خلاص، ماشي، متزعليش نفسك يا عم، والله وأنت حلو كدا. حور ضحكت: خلاص بقى يا ابني. وفضلوا يهزروا ويضحكوا مع بعض. عند ميمي وحمدي... ميمي بخبث: حاج، عاوزين نروح عند أخواتك نقعد معاهم الكام يوم دول. حمدي: إن شاء الله يا حاجة، أنا عاوز أروح والله علشان أخواتي وحشوني أوي، والعيال كمان. ميمي: خلاص، بكرة إن شاء الله يا حاج. حمدي: ماشي يا ميمي.