رواية حورية في عالم الوحوش الفصل الأول 1 - بقلم يوستينا سامي

في مستشفى كبيرة دخل أسد وهو شايل بنت على إيده ودماغها بتنزف أسد بعصبية: أنا عايز أي دكتور يجي هنا حالا البت بتموت الدكتور بحدة: إيه ده؟ انت اتجننت؟ وطي صوتك، انت في مستشفى محترمة وفي مرضى هنا أسد بعصبية: ده أنا هطربق المستشفى دي على دماغكم واحد واحد.. أنجز انت لسه هتتكلم.. بقولك بتموت في إيديا.. أي حد يلحقها بسرعة الدكتور بخضة من صوته: طيب.. حاضر.. أنت روحي بسرعة، قولي لهم يجهزوا أوضة العمليات بسرعة

الممرضة: حاضر يا فندم وجرت تجهز أوضة العمليات، وفعلا نقلوها للعمليات أسد كان واقف برا مضايق أوي عشان هو اتأخر على البيت وكمان موبايله فاصل أسد بخنقة: أففف.. هو يومي فقري من أوله، أنا كنت ناقص يعني أدخل نفسي في حوارات وقضايا الممرضة خرجت من الأوضة أسد بغرور: إيه طمنيني على البت اللي جوه، هتعيش ولا أي هتموت و هتودينا في داهية في يومها ده الممرضة باستغراب من أسلوبه: معرفش يا فندم.. بس الدكتور قال إنه جرح سطحي

بس فقدت دم كتير أسد بزهق: طيب كويس أوي.. أمشي أنا بقى وربنا معاكوا.. ويا ريت تخلوا بالكم منها الممرضة مسكت إيده: تمشي فين يا فندم.. أنت مستحيل تمشي لحد ما البت اللي جوه دي تفوق أسد شال إيديها من عليه بعنف: أوعي كده.. انت عبيطة يا بت ولا إيه.. أوعي تلمسيني تاني.. وبعدين أنا مالي بالبت اللي جوه دي، أنا أصلا معرفهاش.. ما يجي شي تولع أففف أسد بملل: ويا ترى إيه فصيلة دمها يا دكتور؟ الدكتور: فصيلة دمها B

أسد بحدة: طيب أنا فصيلة دمي زيها.. ممكن أنا اتبرع لها بدمي لو ينفع يعني.. ويا ريت بسرعة عشان أنا اتأخرت أوي على الميعاد الدكتور بخنقة منه ومن طريقته: طيب اتفضل معايا لو سمحت وفعلا دخل أسد الأوضة مع حور وشافها نايمة على السرير فاقدة الوعي وفعلا أسد اتبرع بالدم لحور بعد وقت مش كبير خرج برا الأوضة وقعد على الكرسي بملل: الله يخربيتك يا شيخة ويخربيت ده يوم أنا شفتك فيه وقعد أسد يفكر مين البنت دي.. يا ترى مين البنت دي؟