رواية حورية حمزة الفصل السابع 7 - بقلم الكاتبة الصغيرة

حور ضربت حمزه. حمزه بعصبيه: إيه اللي عملتيه ده؟ حور بهدوء: عشان الجواز ده جواز على ورق وبس، ده لو ناسياه. حمزه كان هيمد إيده يضربها بس نزل إيده ومد على السرير. حمزه وهو مغمض عينه: متناميش هنا. حور برفعة حاجب: أمل هنام فين يعني؟ حمزه شاورلها على الكنبة. حور: لأ طبعًا مش هنام على الكنبة. حمزه بهدوء: خلاص نامي على الأرض، عمتاً إنتي مش هتنامي على السرير. حور أخدت مخدة وأرتحت تنام على الكنبة. ***

هارون: مين كان يصدق إن حمزه يتجوز. ماهر: آه والله يا بابا، ده أنا كنت مفكر هيعيش من غير ما يتجوز. أم حمزه: لأ يا خويا، ابني زينة الشباب واتجوز واحدة قمر. مي بهزار: تقصدي ابنك المأيح ده؟ ده خسارة فيه حور أصلاً. أم حمزه: لأ يا بتي متقوليش كده. هارون: اسكتوا بقى، يلا كل واحد يقوم ينام، وإنتي يا مي قومي عشان إنتي ملحقتيش ترتاحي. مي باحترام: حاضر يا جدو. كلهم قاموا راحوا على أوضهم. *** تاني يوم الصبح.

حمزه وحور قاموا على خبط على الباب. حمزه بسرعة: قومي نامي على السرير بسرعة. حور راحت قعدت على السرير وحمزه راح يفتح. مي: اوعى كده، عايزة أدخل لـ حور. حمزه وسعلها عشان تدخل. مي بفرحة: حوريتي. حور بضحك: تعالي يا حبيبتي. حمزه بقلة صبر: يلا امشوا عايز أناام. مي بهزار: تعالي نخرج يا بنتي بدل ما ياكلونا. خرجوا. *** تحت. هارون: تعالي يا حور افطري. أم حمزه: إيه اللي نزلك يا حبيبتي؟ كنا هنطلعلكوا الفطار.

مي بحماس: أنا اللي نزلتها عشان أخويا الكئيب ده عايز ينام. أم حمزه بضحك: بت يا صفية. صفية: نعم يا ستي. أم حمزه: روحي اندهي لـ سيدك ماهر. صفية مشيت. أم حمزه: اقعدي يا حور، اقعدي يا مي عشان تاكلوا يا حبايبي. ماهر بنوم: صباح الخير. أم حمزه: صباح النور يا حبيبي، اقعد افطر يا ماهر بستغراب: أمل فين حمزه وماجد؟ أم حمزه: حمزه فوق لسه نايم، وماجد نايم برضو. أم ماجد جت. ماجد: صباح الخير يا جماعة. كلهم ردوا عليها.

أم ماجد: ماجد لسه نايم ولا إيه؟ أم حمزه: أيوا نايم لسه، إنتي عارفة إنه تعب امبارح. صفية: ستي، في ناس بيقولوا إنهم يعرفوا الست حور. أم حمزه بستغراب: مين يعرفك هنا يا بنتي؟ حور: مش عارفة يا ماما. أم حمزه: طب تعالي نشوف. حور بصدمة: إيه ده؟ سارة ونيرة و…