رواية حوريتي الجميلة الفصل الأول 1 - بقلم نور محمد

هي دي العروسه؟! ايوه ياأمي هي. يعني ملقتش غير دي تاجي تخطبها؟ ليه ياأمي مالها وحشه!! ايوه وحشه انت مش شايف شكلها إيه، رفيعه وسمره وملامحها حتى مش حلوه. لو سمحتي ياأمي أنا اللي هجوزها مش إنتي، وهي عجباني كده. أنا بس بقول بنات العيله أولى وحلا منها كمان ياابني. لا ياأمي أنا عاوز دي. ماشي براحتك لما نشوف آخرتها إيه؟ خير ياام حسن شيفاكي بتهمسي إنتي وابنك من وقت، في حاجة؟ لا مفيش بنتكلم عن العروسه بس.

تمام إيه رأيك بقى في عروسة ابنك؟ بصراحة ياختي هي يعني وحـ.. طنط هو عمي هيتأخر كتير؟ لا مسافة الطريق بس يابني. احم طيب ممكن كوباية ميه. حاضر دقيقة بس. ماما ممكن تهدي إنتي ليه عاوزة تدمرى كل حاجة؟ يابني دي مش من مقامك أو مقامنا اسمع مني بنات العيله كتير وأحسن منها. لا أنا عاوز دي ومصمم عليها كمان. ماشي ياحسن براحتك. الميه يابني. تسلمي ياطنط بس ممكن تستعجلي عمي علشان عندي شغل. حاضر هكلمه دقيقة بس.

وبعدين بقى هنفضل كده كتير أنا زهقت. معلش ياأمي استحملي شوية علشاني. لا كده كتير بصراحة دي قلة ذوق مش كفاية أجه لبنته مهندس قد الدنيا، مكنتش تحلم بيه، لا وكمان بيتأخر علينا، تعال يابني بنات الناس كتير. معلش ياام حسن أصل شغله بعيد عن هنا بس زمانه في الطريق. ياأمي نستني شوية كمان الغايب حجته معاه. يووه بقى ماشي لما نشوف آخرتها. وبعد وقت وصل الأب. السلام عليكم. وعليكم السلام.

بضيق: وعليكم السلام يابو حور إيه ياخويا كل ده في الطريق. بإحراج: معلش مكنش فيه مواصلات. لا عادي والا يهمك ياعمي، بس ندخل في الموضوع علطول علشان أنا عندي شغل. أكيد يابني اتفضل. أنا جيت أتقدم لبنت حضرتك حور وليا الشرف طبعًا. حور؟ أيوه يا عمي في حاجة. لا بدا يابني، وأنا موافق طبعًا مش هلاقي أحسن منك لبنتي. تمام على بركة الله نقرأ الفاتحة. لا استني أنا عندي كلام لسه عاوزة أقوله. اتفضلي ياام حسن ده حقك.

بص بقى ياخويا ده جواز، وزي ما إنت شايف ابني مهندس قد الدنيا وكمان حلو مشاء الله يعني مال وجمال. أيوه عندك حق كملي. تمام بقى أنا عندي شروط علشان الجواز ده يكمل. شروط؟ ياأمي إنتي بتقولي إيه؟ اسكت أنا أمك وعارفه مصلحتك فين؟ إيه شروطك ياام حسن؟ بص بقى اللي أوله نور آخره سلامة ياخويا وأنا حيلتي حسن وهند بس طلعت بيهم من الدنيا. تمام مفهوم كملي.

أولًا أنا ابني هيجوز في بيتي هو عنده شقته الخاصة، بس أنا عاوزاه يفضل معايا في البيت قولت إيه؟ امم ماشي وايه كمان. وكمان أنا معنديش جو أهلي وحشوني وعاوزة أقعد معاهم يومين بنتك لو دخلت بيتي مفيش خروج منه غير في الحالات الضرورية بس ها قولت إيه؟ لا طبعًا مش موافقين. موافقين ياام حسن. إنتي بتقولي إيه يا علي؟ طيب عن إذنكم ياجماعة هتكلم مع مراتي دقيقة بس. إذنك معاك اتفضل. ياأمي إنتي ليه مصرة تدمرى كل حاجة؟

وأنا عملت إيه يعني! إيه الشروط دي أكيد هيرفضوا وده اللي عاوزاه إنتي مش كده، أصلًا الشروط دي صعبة على أي حد وأنا مش موافق عليها. إنتي تسكتي خالص أنا بعمل كده لمصلحتك. لا مش هسكت حرام اللي بتعمليه معايا ده، أنا هقول لعمي أول ما يرجع إنك كنتي بتهزري بس. لا ياحسن عارف لو عملت كده أنا مش هقف في فرحك أبدا وإنت حر بقى. ماشي ياأمي، ربنا يستر. إنت إزاي توافق على الشروط دي يا علي؟

وإنتي عاوزاني أعمل إيه يا هبه ده عريس لقطة مستحيل بنتك تلاقي زيه تاني، وبعدين أنا المهم عندي هو مستقبل بنتي. بس أنا مش موافقة دي عاوزة تحرمني من حور يا علي. يعني عاجبك قعدتها قدامك كده بعد خمسة وعشرين سنة خلاص بنتك شوية كمان وتبور ياهبه افهمي بقى. فاهمه بس يعني. مفيش أنا شايف الولد موظف ومحترم كمان وبأذن الله هيسعدها. ماشي يا علي اللي تشوفه.

كانت تقف أمام غرفتهم وهي كاتمة دموعها وصوتها، بعد ما سمعت كلامهم وأول ما حست إنهم خارجين، جرت غسلت وشها بسرعة ورجعت الصالون تاني. معلش اتأخرنا عليكم، واحنا موافقين ياام حسن على شروطك. عين العقل يابو حور نقرأ الفاتحة بقى. وفي الليل في غرفة حور كانت ماسكة فونها بتردد. أرن عليه أو لا، بس أنا لازم أرن عليه ضروري. الوو السلام عليكم. وعليكم السلام مين؟ أنا حور. حور بجد عاملة إيه؟

كويسة الحمد لله، بصراحة أنا رنيت علشان عاوزاك في موضوع مهم. تمام اتفضلي. لا مش هنا أنا عاوزة أقابلك بكرة ممكن. بكرة!! طيب ممكن نأجلها لبعد الخطوبة أفضل علشان أهلك. لا لازم أقابلك ضروري بخصوص الخطوبة. تمام بكرة في كافيه (**) الساعة (**) هكون في انتظارك. اتفقنا بكرة بإذن الله أشوفك سلام. سلام. وفي الصباح جهزت حور نفسها لمقابلة حسن وأخدت إذن أهلها بعد ما كذبت عليهم طبعًا بس كان لازم تعمل كده وطلعت. أتأخرت عليك.

لا اتفضلي اطلبلك عصير. لو ممكن. تمام ممكن اتنين عصير لو سمحت. اتفضلي عاوزه تقولي إيه؟ بصراحة أنا فضلت الليل كله بفكر كويس في ارتباطنا سوى و.. عارف إنك زعلتي من كلام أمي امبارح بس أنا ناوي ا.... أنا مش موافقة على الجواز ده. إيه!!