رواية هوس العشق الفصل الأول 1 - بقلم عائشة الكيلاني

انا عايزة طلاق. عبير: انتي اتجننتي؟ انتي عايزة الناس تتكلم علينا يا فتون؟ فتون بتعب وعصبية: هو كل حاجة الناس؟ أنا تعبت يا عبير، تعبت. ضرب وشك وإهانة. مش هو ده اللي حبيته؟ فتون مسحت المكياج من على وشها بغضب. مكياج، مكياج، كل ده مكياج. ضحكة كدابة، ابتسامة كدابة. كل ده كدب. بضحكها علشان أبين إني مبسوطة وآخر راحة. أسر اتغير أوي، مش ده الإنسان اللي حبيته. ده حد تاني غير اللي حبيته. عبير، أرجوكي، وقفي جنبي. اتكلمي مع بابا.

عبير بهدوء: حاضر، هحاول أقوله وربنا يستر. بعد شوية. الأب: يعني إيه مش قادرة يا فتون؟ هو لعب عيال؟ مش ده اللي وافقتي عليه بكامل وعيك؟ ولا ضربك على إيدك؟ فتون بهدوء: لا يا بابا، محدش ضربني على إيدي. بس مش قادرة أستحمل، والله ما قادرة. أسر اتغير أوي، مبقاش هو الشخص اللي حبيته. مش هو يا بابا. ده بيضربني، عارف يعني إيه؟

الأب ببرود: ما جراش حاجة. تلقي إنتي اللي سايبة العوج زي أمك الله يرحمها. فتون تموت، تولعي، مفيش بنات بتطلق. عايزة الناس تاكل وشنا؟ هتطلقي يبقى تغوري في أي داهية بعيد عني. جوزك كويس، كفاية إنه معيشك مليكة. فسح وخروجات وحياة عمرها ما أمك تحلم بيها. فتون قامت بهدوء: أنا آسفة على إزعاجك. جيت أحكي همي وأصدعك. فتون مشيت وهي ماسكة دموعها. بعد شوية. فتون: مساء الخير. سماح: طب مفيش ازيك يا ماما؟ فتون غمضت عيونها ولفّت

وشها ليها: ازيك يا طنط. سماح: طنط إيه وزفت إيه؟ أنا حماتك وفي مقام أمك. فتون بابتسامة: حضرتك على راسي، بس مفيش حد في مقام أمي. بحبك وكل حاجة، بس مقدرش أقولك أو أقول لأي ست يا ماما. أنا عندي أم واحدة ومقش هتتكرر. عن إذنك. فتون طلعت. سماح سندت على الباب: ماشي يا فتون، قابلِ بقا. فتون وصلت شقتها، فتحت الباب ودخلت أوضتها وبصت للأوضة بصدمة. فتون بانهيار: هي حصلت لي ليه كده؟ دول دخلوا أوضتي إزاي؟ وحاجاتي فين؟

دول مبهدلين الدنيا. هنضف كل ده إزاي؟ فتون حطت إيديها على بطنها بدموع: أنا مش قادرة أستحمل، بس هعيش عشانك. لازم أعيش عشانك. بس أنا تعبت. فتون رتبت أوضتها والشقة كلها وهي هتموت من الوجع والتعب. بليل أسر جاه. أسر بغضب: انتي قولتي إيه لأمي مخليها منهارة كده؟ فتون من غير أي تعبير: مقولتش. طلبت مني أقول ماما فرفضت، وقلت ليها إنها فوق راسي بس كلمة ماما مستحيل أنطقها. أسر، في حاجة عايزة أقولك عليها.

أسر بهدوء مخيف: والله مم. طب قولي. فتون بخوف: أنا حامل. فجأة كف نزل على وشها. فتون حطت إيديها على وشها ودموعها بتنزل. أسر بغضب مفرط مسكها من شعرها: يعني كدابة وقولت ماشي. بتوقعي بيني وبين أمي وقولت معلش. لكن تستغفلني؟ اهو ده اللي مش ممكن يحصل، لأني مش مغفل. حامل إزاي ها؟ ابن مين ده يا فتون؟ انطقي. فتون بصدمة: انت بتقول إيه؟ يعني إيه ابن مين؟ يعني هيكون ابن مين غيرك؟ حامل في ابنك. أسر بابتسامة سخرية: ابني؟

طب إزاي وأنا مش بخلف.