رواية هوس الفهد الفصل الرابع 4 - بقلم مريم محمد

فهد: عشقي تعالي. عشق مسحت الدمعة اللي نزلت منها: انتي يا بت انتي إزاي تمسكي إيد فهد؟ فهد: عشق اهدي. عشق: اسكت انت يا خاين. لارا بدلع مسكت إيد فهد واتكلمت: مين دي يا فهد؟ فهد: بنت عمي وفرحنا الأسبوع اللي جاي. عشق: ده في أحلامك. فهد بغضب: عشققق اسكتي. عشق قربت من لارا ضربتها بالقلم وبصت لفهد بكسرة وحزن وطلعت تجري من الشركة. لارا: الجربوعة دي إزاي تضربني؟

فهد بغضب: اخرسي، سيرة عشق متجيش على لسانك، ومن النهارده مفيش شغل بينا. فهد قال آخر كلامه وطلع من الشركة، شاف عشق واقفة بره بتعيط. فهد: عشقة. عشق: انت مالكش دعوة. فهد: ممكن تفهمي بقى، هيا اللي كل شوية تحط إيدها على إيدي وأنا أشيلها، يعني كنت بصدها. عشق: ولما زعقتلي قدامها؟ فهد: عمري ما كنت هزعقلك قدامها، بس لما قولتي ده في أحلامك اتعصبت وده خلاني أزعقلك. عشق ببكاء: بس برضو مش هكلمك.

فهد: بعد ما انتي ضربتيها أنا قولتلها كمان إني مش هشتغل معاها. عشق: ويبقى اسمي بخرب لحضرتك شغلك. فهد قرب منها خدها في حضنه: تؤ تؤ، مش بتخربي حياتي، لأنك انتي حياتي. عشق بفرحة بصتله: بجد يا فهدي؟ فهد بهيام: بجد يا عيون فهدك. وقرب منها عشان يبوسها. عشق بتحذير: فهد، احنا في الشارع. فهد: يلعن أبو الشارع. وقرب باسها من شفايفها، قبلة طويلة. بعد قليل بعد عنها بصعوبة. فهد: بحبك يا عشقي. عشق: وأنا بحبك يا فهدي.

بعد أيام، في آخر الأسبوع، تم كتب الكتاب. بارك الله لكما وبارك عليكما وجمع بينكما في خير.