رواية هوس الفهد الفصل الثامن 8 - بقلم مريم محمد

فتحت عشق عينها على حاجة رطبة على شفايفها. كان فهد. بعد فهد عن شفايفها واتكلم: صباحية مباركة يا عروسة. عشق بخجل: الله يبارك فيك. قرب منها فهد تاني وباسها. عشق: فهد بقا بطل قلة أدب. فهد: تؤ تؤ، أنا عايز أعيد أمجاد امبارح. عشق لسه هتتكلم لكن سكتتها بوسة فهد. *** عند غادة، سكرتيرة فهد، كانت قاعدة عند مكتبها بتخلص آخر حاجة في شغلها. فاجأة دخل عزت، أبو عشق. عزت باستغراب: انتي مين؟ غادة بخجل:

أنا غادة، السكرتيرة بتاعت مستر فهد. عزت بابتسامة: آه تمام، أنا عزت عم فهد. غادة: طبعاً عارفة حضرتك. دخل عزت المكتب وهو حاسس إن قلبه اتقبض لما شاف غادة وحاسس إنه عايز ياخدها في حضنه. *** نرجع تاني عند فهد، كان بيلبس. عشق: يعني إحنا رايحين فين دلوقتي؟ فهد: الحاجة عزمانا على غدا وهنروح. عشق: اممم. فهد: وبعد ما نخلص القعدة معاهم هروحك وأروح على شغلي. عشق: شغل إيه يا فهد؟ وإحنا بقالنا يومين متجوزين. فهد: عندي شغل كتير.

عشق بصوت عالي: فهد! انت بتهزر؟ لا طبعاً. فهد: عشق، صوتك يوطى. عشق بحزن حست إن دموعها هتنزل بس مسكت نفسها: ماشي يا فهد. اتنهد فهد بصوت عالي واتكلم بعصبية: يلا يا عشق. بصتله عشق بلوم، ولسه هتمشي، بس فهد مسك إيدها وشدها لحضنه وفضل يلمس على شعرها. فهد: حقك عليا يا قلبي، خلاص مفيش شغل. يلعن أبو الشغل. بصتله عشق بفرحة: يعني مش هتروح الشغل؟ فهد بفرحة لفرحتها: تؤ تؤ. قربت عشق بخجل باست شفايفه وبعدت.