رواية هوس مريض الفصل الأول 1 - بقلم سمسمة

الباب بيخبط وفتحت، لاول مره في حياتي حماتي بتزورني في بيتي. ماسه: طنط، اهلا وسهلا يا حبيبتي، اتفضلي. حماتي: شكرا، كمال نزل؟ ماسه: لسه من خمس دقايق، ارنلك عليه يرجع؟ حماتي: لا، انا عايزاكي انتي. ماسه: اتفضلي يا طنط، بس ثواني اجيبلك حاجه تشربيها. حماتي: لا، انا عايزاكي انتي، مش عايزه اشرب حاجه. ماسه: دي اول مره تدخلي بيتنا من ٤ سنين جواز، مينفعش متشربيش حاجه، ثواني بس.

حماتي: اقعدي بقي، متتعبيش قلبي، انا اصلا جايه بالعافيه وما صدقت كمال ينزل وطلعت، انا جايه احذرك. ماسه بعدم فهم: من ايه؟ حماتي: كمال، كمال اتجنن، شكله عايز يخليكي متخلفيش للابد. ماسه بحزن: ما انا مش بخلف يا طنط. حماتي: لا يا حبيبتي، بتخلفي عادي، كمال هو اللي عنده المشكله، وهو عرف وخلى اخته بما انها دكتوره نسا تقولك ان المشكله من عندك، وانا عرفت من الاول بس سكتت، ده ابني برضو. ماسه بعدم تصديق: إ إإنتى بتقولى ايه؟

انتى بتهزرى صح؟ انا عارفه انك مش بتحبينى، بس مش لدرجه تقولى عن ابنك كده، مش للدرجادى. حماتي ببكاء: على عيني اقول كده، بس انا بقولك الحقيقه، كمال اتجنن، باين عايز يمرضك لحد ما تشيلي الرحم، انا ام ومقدرتش اشوفك كده، وعلى عيني اقولك الكلام ده، واخته مسايساه وماشيه معاه في الموضوع، وبالنسبالها عادي، اول مره اعرف اني ربيت اولاد بالحقد والقسوه دي، انا اسفه. ماسه: طيب وهو بيعمل معايا كده ليه؟ ده انا بحبه ومستحيل اسيبه.

حماتي: خايف في يوم تعرفي الحقيقه وتسيبيه، وهو مهووس بيكي، اوعي تشربي او تاكلي من اللي بيقدمهولك، هند اتفقت معاه يحطلك الدوا في الشرب او الاكل. ماسه: انا مش مصدقه، انتي ليه بتشككي كده؟ عايزانا نبعد عن بعض ليه؟ انا بحبه وهو بيحبني. حماتي: ابني اتجنن وانا متأكده، انتي خلي بالك، انا حذرتك، لو مش هتسمعيني يبقي دي حاجه ترجعلك، بس اوعي كمال يعرف اني جيت هنا ولا كلمتك، فاهمه؟ ماسه: فاهمه.

حماتي مشيت وانا فضلت قاعده مش مستوعبه اللي بيحصل ولا اللي حماتي قالته، فضلت قاعده لوقت طويل، بدي لنفسي مليون سبب ان كمال حب حياتي، مش ممكن يعمل كده.

انا ماسه، اسمي 25 سنه، اتجوزت كمال من 4 سنين، وكنت بحبه من قبلها، كان معيدي في الجامعه، وبعدها اتجوزني، نجدني من بيتي بصراحه، مامتي ماتت بعد ما اتولدت، وبابا اتجوز، وانتوا عارفين بقي مرات الاب وتحكماتها واهتمامها باولادها وكأني جايه من الشارع، كمان حبني فوق ما كنت متخيله وعوضني عن حنان ابويا اللي عمري ما شوفته غير مع اخواتي، لما جه كمال عشان يتجوزني كانت هي وبناتها هتموت، بس بعد ما اتجوزنا وقعدنا فتره من دون اولاد،

كمال اخدني عند اخته نكشف، وكانت المفجأه اني مش بخلف ومفيش اي امل للموضوع من اساسه، لحد ما كرهت كل حاجه وبطلت الدوا، طبعا من ورا كمال، هو فاكر اني منتظمه عليه، بس انا برميه وعمري ما اخدته، غصب عني بكرهه جدا، بس مستحيل كمال يعمل فيا كده، انا عمري ما شوفت منه غير كل حب وحنان، حتى لما حماتي رفضت تدخل بيتنا بدون اي سبب واضح، هو كان واقف معايا، بس حماتي إزاي تقول على ابنها كده؟

دي بتحبه قوي، انا مش فاهمه اي حاجه. فوقت من شرودي. ماسه: يانهار، كمال قرب ييجي وانا مجهزتش الغدا. جريت ماسه وعملت الاكل بسرعه، وكمال جه. كمال بوش ضاحك: القمر بتاعي عامل ايه؟ ماسه اخدته بالحضن: وحشتني قوي يا كيمو، اتأخرت ليه؟ كمال: امممم، اتأخرت علشان القمر بتاعي كان عايز مني هديه. ماسه: بس انا مطلبتش هدايا. كمال بحضن اكبر واحتواء اكتر لماسه: مش لازم القمر يطلب، تعالي بقي هنا، وحشتيني، تعالي نفتح الهديه.

ماسه: الاول تاخد دوش، الحمام جاهز ونتغدا، وبعدين نشوف الهديه سوا. كمال: ماشي يا قمرى، هدخل بسرعه واجيلك، اوعي تفتحيها من غير ما اشوفها. ماسه: عيب عليك يا صاحبي، هستناك. كمال بضحك: صاحبك، ماشي يا شبح. ماسه في نفسها: ما هو حلو اهو، امال في ايه؟ حماتي بتقول كده ليه؟ اكيد عايزه توقع بينا، اكيد، انسي اللي قالته بقي وطنشي. راحت ماسه المطبخ بسعاده وخلصت باقي الاكل، وراحت تشوف كمال خلص ولا لسه، بس اللي حصل...