رواية حرم الفهد الفصل الأول 1 - بقلم سمية احمد

كنت ماشية وخارج من باب العمارة لقيت حد بيقولي كده. التفت وبصيت لقيته هو. كالعاده كل يوم الصبح يجر شكل معايا ونفضل في خناقات زي القط والفار. رديت بنرفزه: عايز أي؟ رد بهدوء: عايزك في الحلال يابنت الناس. أتكلمت غرام بنرفزة: وأنا قولتلك يا فهد إحنا منفعتش مع بعض. شوف إنت فين وأنا فين. رد ببرود: إنتي اللي مش راضية تفهمي إن ده كله ميفرقش معايا ومصممة على قرارك.

مردتش عليه ومشيت. ولوني عارفة إني لما أرجع مش هيسبني في حالي. بس برضو لازم أوقفه عند حده.

"أعرفكم بنفسي أنا غرام عندي 20 سنة في تانية كلية. والدي مات وأنا عندي 15 سنة. وقتها هربنا أنا وماما وجينا الإسكندرية عشان عمامي ميunkوش مكاننا. استأجرنا شقة. أه بالمنسبة الشقة دي في عمارة فهد. مهو صاحب العمارة أصلاً. من وقت ما جيت وهو بيعاملني بطريقة غريبة. بس اعترف أنه بيحبني من سنة. مش عارفة بس أنا شايفه بعيد عنه. هو ابن بشوات. صاحب سلسلة محلات مجوهرات غير العمارات اللي عندهم متأجرة. مفيش حد من عائلته هيتقبل بيا. إحنا منفعتش حتى لو بنحب بعض. في حاجات هتمنعنا."

راحت غرام الكلية وسابت فهد مكانه. فضل واقف مكانه. اتكلم بتعب: ربنا يهديكي. تعبتي قلبي معاكي. طلع على بيته لقى أخته ومامته بيجهزوا السفرة. "السلام عليكم." ردت هدى والدة فهد: وعليكم السلام يا حبيبي. نورت البيت. قبل جبين والدته ليقول بابتسامة هادئة: منورة بيكي يا ست الكل. قعد فهد وهدى وأخته ندى. بعدها بشوية خلص فهد الفطار وخرج على محله بتاعه. دخل محل الإدارة. ولقى صاحبه أياد قاعد مستنيه في المكتب.

اتكلم أياد بمرح: إيه يا عم روميو. كل ده فين؟ بصله فهد بعصبية. سكت أياد لأنه عارف إن غرام عند فهد خط أحمر. فهد بجدية: أخبار الشغل إيه؟ أياد: كل حاجة تمام. بس محلات فرع القاهرة عليها ضغط شغل. تابعت الحسابات بس في لخبطة. يا ريت تروح في أسرع وقت تعمله. فهد: روح إنت شوف الدنيا هناك إيه. أياد: البضاعة الجديدة وصلت مستنية تعيينك بس. أومأ له بهدوء. قعد فهد وأياد يتكلموا حوالين الشغل.

رجعت غرام من الجامعة وهي طالعة على شقتهم اللي في الدور التاني. لقت بنت عم فهد داليا. بتكره غرام جدا. عدت غرام من جنبها بتجاهل. داليا بتلقيح: بقي سي فهد لا مؤاخذة الخياطة وبنتها في عمارة البشوات. عمرك ماكنتي تحلمي بيها لأنتي ولا أمك. قربت منها غرام وضربتها بالقلم: اسمعي يا حلوة. أنا واحدة خلقي ضيق. وأي حد بيعصبني بجيبه من شعره. أما الخياطة اللي بتتكلمي عليها أشرف منك مليون مرة. سماعة. دفعتها غرام وطلعت على بيتهم.

دخلت البيت لقت مامتها قاعدة على المكنة بتشتغل. نور مامت غرام: نورتي البيت يا حبيبتي. "منورة بيكي يا ست الكل. ها. عاملة أكل إيه؟ نور بحب: عاملة أكلك المفضلة مكرونة بشاميل. باست رأس مامتها بحب وراحت أوضتها وغيرت هدومها. رجعت بعدها بشوية لقيت مامتها مجهزة السفرة ومستنياها. اتكلمت نور بخبث: إلاه. قولولي مشفتيش فهد انهارده؟ بصت لمامتها: أشوف ليه؟ وأنا مالي.

نور بخيبة: جتك غيبة. بقي واحد زي فهد يترفض. ده كفاية أنه بيحبك. إنتي مش شايفة بنات الشارع كلها ميتة عليه إزاي. بيتمنوا نظرة واحدة بس منه. غرام بمرح: أنا اللي بنتك مش هو. نور بتمني: ياريته هو اللي ابني. غرام: أموت وأعرف عملك العمل في أنهي حتة. نزلت غرام عشان تجيب حاجات من المكتبة. لسه هتفتح البواب حسيت بحد بيسحبها تحت السلم في الضلمة وووو.