رواية حرم اليزيد الفصل الثاني والثلاثون 32 - بقلم حياة الكيوت

بارك الله لكما وبارك عليكما وجمع بينكما في خير قصي يحضن تاليا بفرحة وهي تبادله الحضن. قصي: مبروك علينا. تاليا تبتسم له وتروح ناحية أهلها، لكن بتلاقيهم بعدوا عنها ومشيوا. تاليا تتنهد بحزن. قصي يربت على كتفها ويركبها العربية ويمشوا. يمر شهر على زواجهم. في هذا الشهر: كان قصي وتاليا يتمشون في البحر. تاليا: تعالى نقعد هناك في الحتة دي، الأكل بتاعهم حلو أوي. قصي: ماشي. ويجلسان.

الطباخ: إيه ده، مدام تاليا نورتي كالعادة. كشري بالشطة واحط ملعقتين زيادة، صح؟ تاليا بضحكة: صح. الطباخ بضحك: حالا يجهز يا بنتي. قصي باستغراب: منين عرف طلبك؟ تاليا بحماس وابتسامة وهي تتذكر: كنت باجي هنا على طول مع عدي وناكل من عنده، فهو حافظنا وكنا دايماً بنطلب منه هو بس نفس الطلب. بعدين بنتمشى شوية لقدام و... قصي بغيره وزعل مكتوم: بتحبيه أوي؟ تاليا بتلقائية بدون ملاحظة: أوي أوي. بعدين بتنتبه وتسكت.

قصي: تعالي نسهر سوا. تاليا: ماشي، بس إيه ده؟ ده فيلم رومانسي. قصي: أيوه. تاليا: لأ مش حلو، جيب فيلم رعب. قصي: رعب آخر الليل، مش هتنامي؟ تاليا بسعادة وهي بتفتكر: لأ، متعودة. كنا بنسهر أنا وعدي نحضر فيلم رعب. وبتكمل بضحك: في البداية مكناش نعرف ننام من الخوف، بس بعدها اتعودنا. قصي يسرح في كلامها بوجع، وتاليا ما بتنتبهوش. تاليا: في إيه يا بني؟ سرحت مرة واحدة. ما تجيب الفيلم. قصي يبتسم ويغير الفيلم.

تاليا: إيه البرفان اللي انت جايبه ده يا قصي؟ قصي: ليه مش حلو؟ تاليا: عادي، بس في أحلى منه. قصي بابتسامة: زي إيه؟ نقيلي على ذوقك. تاليا وهي بتمسك واحد: ده حلو أوي، خده. قصي يشمه: الله، ده حلو أوي. أحلى من بتوعي. طلعتي مذوقة. بس عرفتيه إزاي؟ تاليا بابتسامة: عدي كان بيجيب منه على طول، وكل اللي معاه في الشغل يسأله اسمه إيه وجبته منين. قصي بتصنع الابتسامة: تمام يا تاليا. قصي

وهو بيبص على السفرة بتعجب: إيه كل اللي عاملاه ده يا تاليا؟ تاليا بعد فهم: أكل يعني هيكون إيه يا قصي؟ قصي: أنا مبحبش الفراخ وعندي حساسية من الفراولة، تقومي تعملي لي عصير فراولة؟ تاليا وهي بتضرب إيدها على رأسها: صح، أنا مش عارفة إزاي راح عن بالي كده خالص. حقك عليا يا قصي. أعملك فطار تاني دلوقتي. قصي بتساؤل وهو بيتمنى عكس الإجابة: عدي كان بيحب الفراخ أوي وعصير الفراولة، صح؟ تاليا باستغراب: أيوه، صح. عرفت إزاي؟

قصي بسخرية: عشان بتلخبطي بينا كتير. قصي: يلا، من زمان ما خرجناش الولاد مشوار. تاليا: يلا. ويخرجوا ومعاهم الأطفال سيلا ومحمد. قصي: بالأول حنروح ناكل، أخدكم على فين؟ تاليا: في مطعم بعد الإشارة دي، أكل تحفة. كانوا قاعدين على الترابيزة اللي في المطعم وبيأكلوا. قصي: حرفياً، الأكل طعمه حلو. ما قولتيليش منين عرفتيه؟ أول مرة أشوف المطعم ده. تاليا: عرفت من... ويقاطعه صوت حد بينادي عليها. : تاليا!!!

تاليا بتلف وتبص عليه: إيه ده، عدي!!! قصي كان متابع وعايز يشوف موقفها. بيجي وبيسلم عليها. عدي: انتي بتعملي هنا إيه؟ ومين ده اللي معاكي؟ تاليا بتوتر: ده... ده... ده يبقى... عدي: مالك اتوترتي كده يا بنتي؟ ده يبقى مين؟ وبيلف على قصي. قصي وهو بيمد إيده: أنا أبقى جوزها. عدي بصدمة وبيصص لتاليا: انتي اتجوزتي!!! تاليا وحست بالزعل عليه: آه. عدي بزعل وتلقائية بدون قصد وهو بيبص عليها بلوم: ليه؟ قصي برفعة حاجب: أفندم!!!

تاليا بتغيير موضوع: انت مشوفتش سيلا النهاردة؟ تعالى اخد... عدي بمقاطعة وهو حاسس إن دموعه خلاص هتنزل: مش النهارده، هبقى أزورها يوم تاني. وبيجري بسرعة قبل ما دموعه تخونه وتنزل. تاليا بتبص عليه بزعل وبتسكت. وقصي ملاحظ تعبيراتهم لبعض. ونرجع من الأحداث: الممرضة بخضة: المريضة قلبها وقف!! الدكتور: إيه؟ بسرعة اعملي الإنعاش. الممرضة: واحد.. اتنين.. تلاتة. مرجعش ليها النبض برضو!!! الدكتور بيأس: خلاص، ماتت. وبيطلع.

الممرضة: خلاص، هجرب لآخر مرة وو... الممرضة بصدمة: دكتوووووووور!!! منه بصوت مهزوز: قصييي!!! الممرضة بفرحة: إيه ده؟ انتي صحيتي!!! منه بهمس وتعب: قصي، قصي فين؟ الممرضة: استني أنده الدكتور. الدكتور بيفحصها بعدين بيتكلم. الدكتور: دي معجزة كبيرة إنك تفوقي من أول يوم جيتي فيه للمستشفى وأنتي بالغبوبة. أنا قولت الحالة دي استحالة تصحى وكنتي عايشة على الأجهزة، بس إرادتك قوية. منه وهي بتتلفت: قصي فين؟

الدكتور: قصدك على الراجل اللي كان بيزورك على طول؟ منه: أيوه، هو. مفيش غيره. الدكتور: والله ليه فترة من وقت ما اتجوز بطل يجي. هو يقرب لك إيه؟ أنا كنت فاكره جوزك، بس بعد ما سمعت إنه اتجوز عرفت إنه مش جوزك، بس بصراحة كان باين إنه متعلق فيكي أوي. منه بصدمة: اتجوز إزااااي؟ قصي استحالة يعمل فيا كده!!! لا لا، أكيد انت غلطان. وبتحاول تقوم بسرعة بس ما بتقدرش. منه بخضة: أنا ليه مش قادرة أقوم؟

الدكتور: اهدي، ليكي فترة طويلة في غيبوبة، فأكيد مش هتعرفي تمشي على طول. منه: فترة قد إيييييييييييه؟ الدكتور: سنة وداخلة في التانية. منه بصدمة: سنة!!! سنة كاملة بعيدة عن ابني وجوزي. معقولة أنا غبت كل ده وقصي اتجوز فيا؟ طب ليييييييييييه؟ ليييييييييييه يعمل فيا كده؟ وبتحاول تقوم من تاني. الدكتور بأسف وشفقة: يا مدام، ارتاحي. قولتلك مش هتعرفي تقومي.

منه بزعيق: اعمل أي حاجة، جيب لي عكازة أو كرسي أسند فيهم. أنا لازم أمشي من هنا بسرعة حالا!!! الدكتور: طب استني للصبح واحنا نتصل بجوزك وياخدك. منه بعصبية وزعيق: بقولك دلوقتي حالا، جيب لي حاجة. الدكتور بعد إصرار منها بيجيب لها عكازات وبيسندوها لبرا وبيوصلها. عند قصي وتاليا كانوا نايمين بيصحوا على صوت زعيق تحت. : قصي انت فيييييييين؟ تاليا بخضة: إيه الصوت ده؟ قصي بيركز مع الصوت بخضة وبينزل يتأكد من اللي سامعه.

قصي بصدمة: منه!!! منه بفرحة: قصي. تاليا باستغراب: مين دي يا قصي؟ منه بشك: انتي اللي مين؟ تاليا: أنا مراته. منه بدموع: هو ده الحب بجد؟ ياااااه يا قصي، يا ما قولتيلي بحبك، بس طلع كل ده كدب. مصدقتش منه، خلاص روحت خلعت على طول. يا ترى كمان بتضحك عليها زيي؟ وقولتلها بحبك هاااه؟ تاليا بعد فهم: البت دي بتقول إيه يا قصي؟ أنا مش فاهمة. قصي يتنهد: دي منه مراتي. تاليا بصدمة: انت بتقول إيه؟ مراتك؟ ده اللي هو إزاي؟

انت مش مفهمني إنها ميـ*ـتة!!! منه بصدمة: وكمان ممو*تني خالص للدرجادي يا قصي؟ انت واحد كداب وحيوان. اتفوو عليك!!! تاليا بخيبة: لا استني دقيقة، انت إزاي تعمل فيا كده يا قصي؟ قصي بتمثيل الصدمة بمعنى سخرية: عملت فيكي إيه يا تاليا؟ انتي كمان؟ تاليا بصدمة وخيبة: لا وبتتريق؟ قصي انت أزبل واحد شوفتو في حياتي. كداب. كلكم كدابين.

قصي: أنا ولا فهمتك إن مراتي ميـ*ـتة، وانتي أظن عارفة عملتي إيه ودمرتي علاقة حبنا. الكلام ده لقيتكم الفتوة في دقيقتين. أنا قولتلك وقعت من الدرج والحادثة دي مرت عليها سنة. ده اللي قولتهولك. تاليا: أيوه، بس أنا افتكرتها ميـ*ـتة عشان كده وافقت. منه ببكاء: أنا آخد ابني وأروح، مش هستنى منك حاجة تانية. قصي بهدوء: ادخلي جوه يا منه، عند محمد. نامي والصبح نتكلم. ويلا يا تاليا نطلع على فوق. منه بدموع: برضو عشان محمد؟

برضو عشان ابننا؟ انت عمرك ما حبيبتنيش يا قصي، ولا من زمان ولا دلوقتي. انت بس عايزني عشان محمد. انت أناني زي أبوك. بجد أنا كنت نادمة وهاعتذر لك، بس أنا آسفة بس لنفسي، لأن كل مرة بقول إن إني غلطانة إني قولتلك كده، بس كل مرة بتثبت لي إن إني صح أكتر من المرة اللي قبلها. انت نسخة أسوأ من أبوك. عارف أبوك ظلمتوا معاك لما شبهتو بيك. هو شيطان وانت إبليس. بكرهكك يا قصي، بكرهكك. قصي

وهو ماسك دموعه بالعافية: اهو طلعتي بتفهمي. أنا مخليكي عشان ابننا مش أكتر. وبيطلع على فوق بسرعة جري. تاليا: قصي استنى. بس قصي بيطلع على فوق وبيقفل الباب على نفسه. منه عيونها بتتملئ بالدموع وما بتشوفش قدامها والعكازات اللي سانده عليهم بيقعوا وبتقع هي على الأرض. تاليا بتبصلها وبتمد لها ايدها وبتفتكر موقفها مع عدي وأمه: هاتي ايدك.

منه بتبصلها مسافه بعدين بتمد لها ايدها وتقوم معاها وبتقعد في السرير في غرفه الأطفال جنب محمد بس سيلا بتفوق وبتقعد تعيط وتاليا بتقعد عشان تنيمها. منه وهي لافة وشها الناحية التانية: ليه؟ تاليا بعدم فهم: ليه ايه؟ منه بهدوء: ليه ساعدتيني بعد اللي حصل؟

تاليا بهدوء: انا معنديش مشكلة معاكي يا منه انا مشكلتي مع قصي وصدقيني لو كنت اعرف انك عايشة أو هو متجوز وربنا مكنتش هوافق صدقيني انا متاسفة لك بجد وصدقيني خلي النهار يطلع بس وانا اخد بنتي واطلب منه الطلاق. منه بانتباه وبتشاور على سيلا وبتتكلم بوجع: دي بنتكوا؟ تاليا بانتباه وتوضيح: لا دي بنتي انا مش بنت قصي. منه: اه. تاليا بتبسم لها وبتسكت وبتنيم بنتها وتنام جنبها. ومنه بتبص على محمد بحب وتنام جنبه. في الصباح.

منه: تاليا. تاليا بابتسامة: ايوه. منه: هوا انتي يعني كنتي متجوزة قبل قصي بجد ودي بنتك منه مش من قصي. تاليا بضحكك: اه وربنا اطمني. منه: لا بسأل عادي انا كده كده هطلق منه. تاليا وهي بتتذكر أساسها لما أطلقت من عدي: تطلقي بسببي لا انا استحاله اسمح بده صدقيني هطلق. منه بوجع: لا مش عشان كده عشان هوا ما بيحبنيش وما صدق متى بعدت عنه عشان يعيش حياته هوا بيحبك انتي خليكي معاه. تاليا: لا.

منه: اسمعيني انتي بتحبيه وهوا بيحبك ايه المانع انكوا تبقوا مع بعض؟ تاليا: لا لا انا كنت فاهمه غلط. منه: لا ما تدمريش حياتك بسببي انا كده كده هطلق منه فخليكي معاه انتو بتحبوا بعض. تاليا: طب بصي بما ان قصي ما طلقكيش امبارح يبقى ماهانش عليه انه يطلقك. منه: لا ده عشان ابنه مش اكتر. تاليا: انا متأكده ان قصي بيحبك لانوا كان ممكن يطلقك بس ما طلقكيش بس هوا مجر.. وح من كلامك. منه: بس هوا اتجوز عليا.

تاليا: عندك وجهة نظر بس اعتبريه عقاب ليكي على أي كلام وحش قولتيه ليه بعدين انا هطلق منو يا بنتي بعدين بصي ابنك متعلق بابوه اوي سامحيه هو قلبه طيب بس بيدور على اللي يحبه عشان هوا ناقص ده والشخص ده كان انا بس هو ما حبنيش. منه: بس اللي أهون عليه مره أهون عليه الف. تاليا بنفي وتفكير: مظنش ده انا متأكده انوا بيحبك انتي ما بيحبنيش وحتى لو خيرتيه هيقول بيحب انتي. منه بسخريه: بتهزري.

تاليا بتأكيد: لا ومتاكده واوي كمان ولو تحبي يلا نسأله كمان. وبتمشي لعندها وبتوقفها بسرعة وبتسندها وهما خارجين بيتلاقوا مع قصي. منه وتاليا بيبصوا لبعض ثانيه. تاليا ومنه بصوت واحد: اختار واحدة فينا يا قصي!!! احنا استحاله نقعد مع بعض انت تختار واحد بس اللي تكمل معاك ودي تكون اللي تحبها بجد وده آخر كلام!!!

قصي بيبص عليهم مسافه ونظره بيتوقف عند تاليا وهو بيبصلها بحب وعيونه بتلمع لدرجه ان تاليا اتوترت وخافت انوا يختارها ومنه قد الأمل اللي فيها تلاشى مع نظراته ونزلت رأسها بإحباط. قصي: انا اختار منه. منه بتبصله بصدمة وتاليا بتغمض عينها باطمئنان. تاليا بهدوء: طلقني!!! قصي بيسرح فيها مسافه بعدين بيكمل بوجع: انتي طالق بالتلاته يا تاليا!!! تاليا بتاخد بنتها على طول وبتمشي وسط نظرات اسف منه. منه لقضي بعد ما خرجت: قصي.

قصي: ما تقوليش حاجه يا منه عارفة طلقتها ليه؟ منه: ليه؟ قصي بدموع: علشانها هي عشان هيا تستاهل بجد كانت دايما بتعاملني كويس كانت انسانه طيبه عمرها ما عايرتنيش بماضيا زيك كانت بتسمعني على طول عمرها ما عاملت محمد وحش رغم أنه مش ابنها بس ما فرقتش بينه وبين بنتها. منه بوجع: امال طلقتها ليه لو هي كده؟

قصي: عشان هي ما حبتنيش بجد هي كانت فاهمه مشاعرها تجاهي غلط هي بتحب طليقها وهو بيحبها وبعد ما تخلص عدتها هيتجوزها وبنتها مش هتلاقي حد احن عليها من ابوها وأهلها اللي مقاطعينها يرجعولها دي عملت كل ده عشاني حاربت الدنيا وأهلها و وقفت في وش الكل وعمرها ما شمتتش فيا أو عايرتني إنما انتي انا حبيتك و قولتلك حاجات ما بقولهاش لحد عشان بحبك وانتي عملتي ايه عايرتيني بيها وكسر.. تيني مية حته وخليتيني بدور على الحب والطبطبة من الناس وخليتيني اخاف من الناس وافكر مية مره قبل ما اتكلم.

منه: قصي انا اسفة بجد انا بحبك. قصي بوجع: ياااه بعد ايه بعد ما مرمطتيني وجر.. حتيني يا منه.... وبيطلع ويسيبها. عند تاليا بتقف قدام بيت أهلها مسافه بتردد بعدين بتخبط الباب وما هي إلا ثواني والباب اتفتح وكان نادر كالعادة. نادر بابتسامة: تاليا!!! .... وبيحضنها بسرعة وبياخد منها سيلا وبيحضنها برضو. قمر: نادر مين على الباب اتاخرت كده ليه.... تاليا... وبتجري عليها تحتضنها....... كده برضو با بنتي نهون عليكي.

تاليا بدموع وهي بتحتضنهم: حقكم عليا. نادر بلوم: اتصلت عليكي كنتي واحشاني انتي وسيلا بس مبيدخلش معايا انتي حظرتيني ليه؟ تاليا: شديتني من شعري. نادر وبيحضنها: حقك عليا يا ستي. سليم وبياخدها من حضن نادر: ايه ده تاليا!! بعدها تاليا بتدخل وبتقعد مسافه بعدين بتعرفهم كل حاجه وهما بيوقفوا معاها وبيساندوها بعد اربعة شهور. تاليا: لا يا بابا.

سليم: يا بنتي ده ليه شهر من وقت ما عدتك خلصت وهو بيتقدم كل شويه ارحميه بعدين انتي عارفه انوا مش ذنبوا وهو بعد عن اهلوا خالص من وقتها ده غير انوا أهله ندمانين. تاليا بتنهيدة: خلاص اللي تشوفه يا بابا.... انا رايحه الشغل ددلوقتي..... وبتطلع. وهي ماشيه بتلاقي كل شويه حد يرمي ورده عليها بتبسم وبتضحك على تصرفاته بس ما بتبينش وبتكمل مشي لحد ما جاء ووقف قدامها. تاليا وهي تصطنع الجمود: بتعترض طريقي ليه؟

عدي بصدمه: مش واخده بالك من كل الورد ده؟ تاليا وهي ماسكه ضحكتها: لا. عدي: على العموم خدي البوكيه ده مني. تاليا: لا. عدي: يلا خديه ما تتكسفيش ... وما بيديهاش فرصه وبيحطوا في ايدها. تاليا: انا همشي دلوقتي... وبتمشي بسرعة. عدي وهو ماشي وراها: ما تحن يا جن... ايه ده عمي ابوكي بيتصل فيا ياربي سيلا يكون جرالها حاجه... وبيرد بسرعه. تاليا بتفهم ابوها بيتصل ايه فبتحاول تمشي بسرعه.

عدي وهو بينزل التلفون: اقفي هنا يا تاليا لما نشوف بيتصل ايه عشان لا قدر الله سيلا جرالها حاجه نروح بسرعة نلحقها. تاليا بتهرب: لا لا سيلا كويسه. عدي ما بيسمعهاش وبيحط التلفون في ودنه وبيكمل بفرحه: ايه ده بجد يا عمي وافقت.... وبيبصلها بفرحه وهو بيتكلم وبيقعد يعملها حركات عشان يغيظها. تاليا بتمشي بسرعه من قدامه بغيظ عدي بيقفل وبيمشي وراها بسرعة. عدي: خدي هنا يا بت اقفي عشان ركبي مش شغاله بالسرعه بتاعتك والله.....

وبيكمل بضحك... وانا اقول ليه من قبل شويه بتتهربي مع اني بقولك سيلا. تاليا: غيرت رأيي انا. عدي: لابسه الاسود ليه وانا لسه حي. تاليا بصدمة وضحك: والله انت اهبل يا عدي امشي ربنا يهديك. وبتمشي من قدامه بسرعة وهي بتضحك وهو بيبصلها بعيونه لحد ما اختفت وبيضحك عليها. بتمر فتره بدون أحداث تذكر لحد ما يجي كتب كتاب عدي وتاليا. بارك الله لكما وبارك عليكما وجمع بينكما في خير. : مبروك. تاليا بتبص على مصدر الصوت بصدمه: قصي!!!

وكان جايب معاه مروه وغزل. قمر كانت لسه هتتخانق بس بصت على منه بصدمه: ايه ده خديجه!!! منه بتبسم لها بعدم فهم بس فهمت انها قاصداها. قمر: انتي شبهها اوي. بسنت بابتسامه: فعلا شبهها اوي سبحان الله كأنها هي انتي بنت مين اسمك ايه؟ منه: منه محمد البحيري. الكل بصدمه: انتي بنت البحيري انتي بنت خديجه!!! قمر بتحضنها بلهفه: انتي بنت خديجه. منه: انا ما فاهمه حاجه والله.

بسنت: وبتحكيلها جزئيه يزيد اللي كلكوا عارفينها بعدها حصلت مشاكل ومرات يزيد (مروه) سرقت ورثي انا واولادي وعملت حاجات مش كويسه معانا فاحنا قاطعناها وخديجه عشان كانت بتتعامل معاها احنا زعلنا منها وقاطعناها ورفضنا نقابلها نهائي بس بعدها دورنا عليها ما لقيناهاش. منه بهدوء: هي ما... تت من زمان اوي كمان كنتو فين وبتحكيلهم اللي حصل.

مروة بدموع: سامحوني انا خوفت على مستقبل أولادي ومبصتش على الأولاد المساكين اللي ظلمتهم معايا سامحوني بالله عليكم الندم بيقطـ عني كل يوم زياده عن اليوم اللي قبله ربنا حاسبني وزياده وابتليت بمرض ما يعلم بيه الا ربنا سامحوني. قمر وهي بتاخدها في حضنها: مسامحينك كفايه علينا خديجه اللي راحت علي غفله. وبتروح بسنت ناحيه مروه وبتبادلها الحضن. اما بالنسبه لعلي وغزل كانوا بيبصوا لبعض طول الوقت بتوتر.

على: احم فستان حلو على فكره. غزل بتوتر: ميرسي بدلتك برضو حلوه. اممم يمكن في المستقبل يكون في حاجه ما بينهم. عدي: يا ربي من كتب الكتاب ده اللي بقي تسامح ومش عايز يخلص بقولك ايه احنا ناخد سيلا ونخلع على بيتنا على طول. تاليا بتبص عليه وبتضحك وبتودع اهلها وتمشي معاه وعلاقه منه وقصي اتحسنت اوي من الاول خصوصا لما يعرف انها كانت عايزة تعترفله بحبها بس حصل اللي حصل. منه: فتح عيونك. قصي بيفتح عيونه بصدمه فرح: ايه ده؟

منه بدموع فرح: انا حامل. قصي بيشيلها بفرح وبيلف بيها. : انا مش مصدق هبقي اب من تاني ربنا يخليكي ليا يا منه انا كل يوم بتاكد من اليوم اللي قبله اني محبتش غيرك. عدي: يلا يا تاليا انا طالع... وبيفتح الباب بيلاقي أهله في وشه. نادية وهي تحضن ابنها: كده أهون عليك يا ابني ما تجيش تزورني ولا تعزمنيش على فرحك ده حتى تاليا طلعت اجدع منك وعزمتنا النهاردة. عدي بابتسامه: حقك عليا يا ماما...

بعدين بتيجي اخته نحوه وبيحضنها وبيخرجهم من حضنه. عدي: ادخلوا. بعدين بيلتفت وراه لتاليا اللي واقفه تبص عليهم من بعيد بابتسامه وبيحضنها. : شكرا ليكي يا تاليا على كل حاجه انا لفيت الدنيا مش هلاقي حد زيك برضو عزمتي ماما واختي وقدرتيهم رغم اللي عملوه فيكي شكرا ربنا يخليكي ليا انا بحبك اوي. تاليا بفرحة: انا بحبك ... تمت.