رواية حطام زمرد الفصل الثاني 2 - بقلم دنيا ثروت

اتسليت بيها ونمت معاها ورايح اكتب عليها. حطام: اطلعي برا. نانسي: اطلع برا! انت بتقول لي انا اطلع برا؟ انت نسيت يابيه اني مراتك ولا إيه؟ حطام: حلو، منستش. انتي طالق، طالق، طالق. و شدها من ايديها رماها برا القصر. حطام: مشوفش وشك هنا تاني. و إلا هادخل جوا و اخلي المأذون يكتب الكتاب. و ضغط عليه لأنه مكنش موافق يكتب الكتاب. المأذون مشي. و زمرد قاعدة في الصالة مش مدركة اللي هي فيه. حطام: قومي يازفتة اطبخي لي.

زمرد قامت بكل دموع. قربت عليه. زمرد: حرام عليك. عملت لك إيه لكل ده؟ ذنبي إيه؟ ذنبي إيه؟ حطام: ذنبك إنك بنته. زمرد: أبويا؟ وأنا عملت لك إيه؟ حطام مسكها من شعرها جامد. حطام: هتعملي الأكل ولا اخليكي متعرفيش تعملي أكل في حياتك. و بيحسس على إيدها بنظرة شيطانية. حطام: واقطع لك إيدك الحلوة دي. زمرد بتزقه بعيد. بتبص عليه بقرف وتروح المطبخ. حطام وهو بيشمر إيديه. حطام: بصي بقرف ياروحي، مقبولة منك. و بيضحك.

زمرد في المطبخ بتدور على أي حاجة عشان تعملهاله. لاقت في التلاجة طماطم، و في قطعة بانيه في الفريزر. بدأت عشان تعمل المكرونة. زمرد: ياربي. هو مين كان عايش هنا؟ التلاجة كلها فاضية. بدأت تعملهم وهي بتفتكر أبوها وحنيته. فلاش باك. حسين: زمرد حبيبتي. حبيبة بابا. زمرد وهي بتجري عليه بفرحة. زمرد: بابا حبيبي. حمد الله على السلامة. حسين: بصي جبت لك إيه معايا. طلع من جيبه سلسلة دهب مكتوب عليها حرفه وحرفها.

زمرد عيطت من الفرحة وحضنته. زمرد: بحبك يابابا. طلعت من حضنه وهي بتبص بدمعة. زمرد: ربنا يديمك ليا يابابا. وهحافظ عليها، وعد ليك. باااااك. بدأت تجهز الصلصة بعد ما سلقت المكرونة وحمرت البانيه وجهزته. وراحت تدهوله. زمرد وهي مش طايقة وشه. زمرد: اتفضل. حطام: اقعدي. زمرد واقفه ومش بتنطق. حطام بزعيق. حطام: أنا قولت اقعديييي. بالفعل قعدت. حطام: كلي. حطام: هتعصبيني تاني؟ قولت اطفحي. زمرد: مش جعانة.

حطام: ميخصنيش. ما يمكن حطت لي سم. زمرد داقت من الأكل. بعدين قامت. زمرد: كدا اطمنت. حطام: امممم. و بدأ يأكل. والأكل لأول مرة عجبه. لفت نظره إن مكنش في أكل أصلاً غير قليل. وهي عرفت تعمله وبجدارة. من كتر اندهاشه خلص الطبق كله ومش واخد باله. بيبص عليها وهي باصة عليه. حطام: وحش. كل الأكل وحش. إزاي دخلوكي المطبخ دول. يلا روحي اعملي شاي. عملت الشاي وراحت المكتب تدهوله. بيدوق الشاي بكل عصبية. رماه على الأرض.

حطام: إيه القرف ده. زمرد بخوف نزلت تلم الإزاز. شافت خطواته ناحيتها. مسكت الإزاز. قامت بدموع. زمرد: لو قربت مني، هكون قاتلة نفسي.