رواية حطمت قلبي الفصل الرابع 4 - بقلم لولا

الشخص بصدمة: نعم حصل إزاي الكلام ده. المساعد: مش عارف يا باشا بس نعمل إيه. الشخص: هقولك أنا. *** في بيت السيوف. عشق صحيت وغيرت هدومها وراحت صحت البنات واسر وجهزتهم، بعدين دخلت أوضتها تاني. عشق بحب: مراد. مراد بنوم: اممم. عشق: حبيبي قوم الساعة 7. مراد بنوم: طارق رايح بدالي بدري انهارده أنا مش قادر. عشق: حرام عليك تخليه يروح لوحده. مراد طبطب عليها وهو قافل عينه وأكمل: معلش ربنا يصبره، سيبيني يا عشق عايز أتخمد.

عشق بضحك: والله إنت بارد، أنا هروح أفطر عيالي. ونزلت تحضر الأكل. إيمان بحب: صباح الخير يا حبيبتي. عشق: صباح النور يا ماما. إيمان: مالك يا عشق. عشق: مفيش مش نايمة كويس بس متقلقيش يا حبيبتي. أسر: ماما يلا عايز أمشي. عشق: موال كل يوم يارب، حاضر يا أسر حاضر يا حبيبي. وراحت حطتله الأكل. وفي الأثناء دي نزلت ندي وهي لابسة قميص بيتي وقافلة الروب ودخلت تحضر لزين الأكل. عشق همست: أدهم لو شافك نزلتي كده هيموتك.

ندي وهي بتتاوب: قافلاه كويس وهو بكم ولفه طرحه، وبعدين عارفة محدش صاحي، أعمل أكل زين وأطلع أكمل نوم. عشق بضحك: غمزت، بس إيه ده شكل كلامي أثر أهو. ندي بابتسامة: حاجة زي كده. عشق بضحك: يخش يدعيلي بقى جوزك ويطمر فيه. ندي بضحك: لا بيدعيلك متقلقيش، هو حس إن فيا حاجة أصلاً، قولتله يعني إني اتكلمت معاك. عشق بضحك: الراجل كان هيتشل، أقول عليكي إيه يا ندي. ندي بضحك: ما خلاص بقى الله.

عشق: طب يلا وريني وكملي كلامنا مع زين، وأهم حاجة دلوقتي وهو السبب إنك تصالحي أبوه كمان. ندي بحب: حاضر. وأكملت: زينو. زين: نعم يا ماما. ندي وطت لمستواه وأكملت بحب: أهو أكل زين حبيب ماما يتاكل كله، لو كالته هجبلك العربية اللي كانت عجباك وكمان نذاكر ونكتب الواجب سوا انهارده. زين بفرح حضن امه واكمل: أنا بحبك أوي يا ماما. ندي بحب ودموع: وأنا بموت فيك يا قلب ماما، يلا على المدرسة. عشق: استني أشوف هشام يوديهم.

وأكملت: أسيل سليم تعالوا. أسيل وسليم: نعم يا عمتو. عشق: حبايب عمتو، امسكوا الأكل بتاعكم علشان مامي ومامي تعبوا امبارح فمصحوش، فأنا عملته. الولاد خدوا الأكل وحطوه في الشنطة وباسو عشق. عشق: طب أنا هروح أصحى هشام، اطلعي بقى يا ندي. ندي لسه هتطلع نزل أدهم. أدهم: خليكي، أنا ورايا جامعة، هوديهم فين. مراد: نايم، قال طارق هيروح مكانه انهارده مش قادر يصحى. أدهم: تمام. وبص لندي اتصدم

من لبسها واكمل بعصبية: إنتي إزاي تنزلي كده يا هانم، إنتي عايشة لوحدك. ندي: حبيبي عارفه إن كله نايم ومحدش هيصحى. أدهم بعصبية: منا صحيت، افرض حد كان صحي، اتفضلي غوري فوق، ولما أرجع نكمل كلامنا. زين: بابا خلاص متزعقش لماما ممكن. عشق: أدهم بلاش تزعق قدام زين. أدهم بتنهيدة: حاضر يا عشق. وباس زين واكمل: حاضر يا روح بابا، يلا نروح المدرسة. يلا يا أولاد. وبص لندي بغضب واكمل بحدة: على فوق. ندي طلعت وعشق طلعت وراها.

إيمان عملت فطار لطارق وراحت خبطت ملقيتوش فاستغربت، فاتصلت بيه. إيمان: فينك يا طروقة. طارق: قلبي طروقة انتي يا مرت عمي، أنا رايح المستشفى أهو. إيمان: كده تنزل من غير ما تفطر يابني. طارق: لما صحيت مكنش حد صحي فنزلت، متقلقيش، أخلص وأرجع آكل يا حبيبتي. إيمان: ماشي خلي بالك من نفسك يا طارق، معلش مراد تعبان انهارده. طارق: مراد أخويا، مفيش بينا كده، وحاضر يا حبيبتي متقلقيش. وقفلوا.

ولمح ان في شباب بتحاول تضايقها وتخطفها، فجري بسرعة يلحقها. شرين بعياط: أوعي يا حيوان منك ليه، سبوني، حد يلحقني يا ناس. وفجأة لقيت طارق جه وضربهم، وهي فضلت تعيط، وبعد شوية من المشادة معاهم مشيوا، وهي تلقائي حضنته واكملت بدموع: كانوا عايزين يخطفوني يا طارق، لو مكنتش لحقتني كانوا كانوا. وفضلت تعيط. طارق: بس بس اهدي ياحبيبتي، حصل إيه، تعالي مكتبي نتكلم وتحكيلي اللي حصل. في مكتب طارق. طارق بعصبية: ممكن أفهم حصل إيه.

هايدي بخوف: طارق والله أنا بس شوفت يحيي داخل وسمعته بيتكلم عن عملية، قولت أراقبه. طارق: اه كمليها. هايدي بخوف: كنت هبلغ البوليس وأمسكه متلبس، فابعدين حد حاول يخطفني، أكيد حد كان بيراقبني. طارق بعصبية: ما أكيد إنتي جاية بطولك، ومهنش عليكي تقولي للحمار اللي في حياتك، وقولتلك كل خطوة لازم تكون زفت مدروسة كويس، الناس دي مبتهزرش، فرحانة إنتي كده، كنتي هتبقي مبسوطة لو عملوا فيكي حاجة، اسمعيني.

شرين بعياط: حطت عينيها في الأرض، أنا آسفة يا طارق بجد، اتصرفت بغباء، كنت المفروض أقولك أو أقول لدكتور مراد. طارق: مش بقولك كده علشان تعيطي، أنا خايف عليكي يا شيرين، وهقول لمراد يخرجك برا الليلة خالص، أنا مش مستغني عنك. شرين بدموع: بس دكتور مراد واثق فيا. طارق بحدة: شيررررين، أنا مش هستني يحصلك حاجة علشان تسكتي، إنتي مش هتراقبي حد تاني، الموضوع ده هيبقي رجالة بس، وأنا ليا كلام مع ابن عمي، ملكيش إنتي فيه، ممكن.

شرين بدموع: حاضر يا طارق. طارق قرب منها ورفع وشها وباسها، بعدين بعد وأكمل: حقك عليا إني اتعصبت. شرين: إنت عملت إيه، إنت اتجننت. طارق بضحك: طب أعمل إيه، وإنتي شكلك قمر كده، بحبك يا بت اللي ذينة. شرين باحراج: بجد إنسان مش متربي، ورايحة تخرج. طارق شدها ليه تاني وبص في عينيها وأكمل: قولتي إيه. شرين بتوتر: ما. ما مقولتش. طارق بضحك: أيوه كده، جيبي ورا، ولو سمعت كلام مش عاجبني تاني هعيد اللي عملته. شرين حطت

ايدها على بوقها واكلمت: توبة، مش هتكلم. طارق بضحك: أيوه كده. *** في الفيلا. عشق: ما خلاص يا ندي، كفاية عياط، قولتلك إن ده هيحصل، إنتي بصراحة غلطانة. ندي بدموع: يقوم يزعقلي كده قدام ابني، هو ده اللي صح. عشق: لا مش صح، بس برده اللي عملتيه مش صح، ييجي يجوزك يزعق، اسكتي ومترديش، لما يهدى صالحيه ومتعمليش كده تاني. ندي بدموع: حاضر يا عشق. عشق بتنهيدة: طيب يا مغلباني إنتي، يلا هروح أشوف مراد. في أوضة مراد وعشق.

عشق: حبيبي إنت صحيت. مراد: اه يا حبيبتي، بس مش قادر أروح الشغل خالص انهارده، مصدع. عشق: خلاص يا قلبي، كده كده طارق راح، ارتاح انهارده، بس كنت عايزة أطلب منك طلب. مراد باس راسها واكمل: عارف الطلب يا عشق، قومي البسي وهاخدك أوديكي، أكيد منستيش يوم زي ده. عشق بدموع حضنته واكملت: بحبك أوي يا مراد. مراد: بحب، وأنا أكتر يا قلب مراد. *** بعد شوية في المقابر.

عشق بدموع: واحشتني أوي يا آدم، انهارده عيد ميلادك التاني، ياريتك كنت موجود يا قلب ماما، احساسي بفقدانك واجعني أوي، ربنا يرحمك يا نور عينيا. وحطت ورد وطلعت. مراد: طالع وراكي يا عشق. عشق بدموع: تمام. وطلعت.

مراد بدموع: أنا اتعودت دايماً إني أبين الجمود قدام ماما، لكن إنت عارف إني باجي هنا كتير وأبين كل حاجة، ليك حق مش هسيبه يا آدم، مش عشق السبب، أنا السبب، والناس اللي بتكرهني وصلتني لإن خسرتك، بس والله لاندم اللي كان السبب في بعدك عني يا حبيبي. في العربية. مراد: ها أروحك ولا نفطر برا. عشق بتعب: لا روحني علشان ألحق أساعدهم في الغداء. مراد: ماشي يا حبيبي. وتليفونه رن. مراد: الو يا طارق. طارق بتعب: طلع عين أهلي انهارده.

مراد بضحك: خليها عليكي، منا شايل طول عمري. طارق: منا مخليها عليا، المهم. مراد: إيه قول. طارق: شيرين. مراد: مالها شيرين. عشق بصتله برفعة حاجب وسكتت. طارق: إنت عارف إني بحبها وقولتلك طلعها من الحوار ده، إنت ضمنتلي حمايتها. مراد: أيوه، حصل إيه يعني. طارق: شباب كانوا عايزين يخطفوها انهارده علشان كانت هتمسك يحيي متلبس جوه المستشفى، وأنا مش مستغني عنها، طلع شيرين بره يا مراد.

مراد: خلاص يا طارق، قولها تشوف شغلها وبس في المستشفى، أنا أكيد مرضاش ليها الأذى مهما كان. طارق بحب: تسلم يا كبير. مراد: حبيبي يلا سلام. طارق: سلام. عشق بعصبية: مين ست زززفتة دي وخايف عليها ليه، إنشاء الله ده إنت ليلتك سودا.

مراد بهدوء: صوتك لو علي هضربك قلم يلزق وشك في الإزاز، إيه دي بتساعدني في موضوع المافيا اللي شاغلين فيه في المستشفى عندي علشان نمسك عليهم دليل وحصلها مشاكل، وهي حبيبة طارق فطلب مني يخرجها برا الليلة وأنا وافقت، بسسس إيه الأفلام دي كلهاااا. عشق: اممم بحسب. مراد: لا متشغليش مخك تاني خالص. عشق: وعلشان ست خرا تقولي هتضربني بالقلم ده إنت أول وآخر مرة مديت إيدك عليا كانت من 8 سنين في بيت هشام. مراد بضحك: يااه لسه فاكرة.

عشق بضحك: هي دي حاجة تتنسي. مراد بحب: حقك عليا أنا مقصدش، بس أنا مبحبش الصوت العالي وإنتي عارفة كده بيعصبني. عشق: عادي خلاص. *** في المدرسة وتحديداً وقت البريك. أسر: طب والله منا هسيبك، إنت اتجننت. حازم: وإنت مالك، هو أنا ضربتك. أسر ضربه في دماغه بالرصاص وأكمل: ضربت بنت خااالي ومحدش في المدرسة كلها يقدر يعملهاااا أصلاً. زين: في إيه يا أسر، حصل إيه. أسر بعصبية: حازم ضرب أسيل.

أسيل بعياط: خلاص يا أسر، سيبه، المستر هيزعقلك. سليم: أهدي، إحنا هنوريه مقامه علشان اتجرأ يضربك، هو ميعرفش إنك بنت عمي ولا إيه. أسر برفعة حاجب: لا يا شيخ. سليم: أيوه طبعاً، لو يعرف مكنش اتجرأ. زين: مش وقت غرورك يا سليم. حازم بعصبية: سيبوني يا حيوانات، أنا هقول للميس. وفضلوا يضربوا بعض. مكة بخوف: في إيه يا أسيل. مريم بخوف: حصل إيه. أسيل بعياط: حازم زقني وقعني، إيدي اتعورت، واسر ضربه وجه زين وسليم كمان.

مكة: أحسن يستاهل. مريم: يستاهل إيه، إنتي التانية، هيروحوا للمدير، وأكيد هيجوا بـ"أبويا" والدنيا هتخرب. أسيل بعياط: لا خالو، لا هيزعق لاسر. في أوضة المدير. المدير بعصبية: عملنالي فيها بلطجية ونازلين كلكم ضرب فيها. أسر: هو اللي. المدير بعصبية: هششش، اخرص خالص لحد مايجي ولي أمرك. سليم بهمس: أبوك لو جه قول على نفسك يا رحمان يا رحيم، هات أبويا أنا أرحم.

زين بهمس: أنا مع سليم، حتى بابا لو جه هيشرب من دمنا، واصلاً متخانق مع ماما الصبح ونزل متعصب. أسر: أجيب خالي؟ سليم وزين: أه. المدير بعصبية: بتتهمسوا في إيه. هات رقم ولي أمرك وأنا أكلمت مامت حازم. أسر: هات حضرتك الموبايل، اطلبه. المدير بحدة: امسك. أسر طلب رقم هشام. هشام: الو مين معايا. أسر بهمس: ده أنا يا خالو. هشام باستغراب: أسر وإنت بتكلمني من فين.

أسر بهمس: أنا عملت خناقة علشان أسيل، وهما عايزين بابا، وإنت عارف لو جه هيعمل فيا إيه، فتعالى إنت الحقني. هشام: يا نهارك أسود، هاجي. أسر: اقف. المدير بحدة: هات. بعد شوية خبط هشام، وكان جوا الـ 3 أولاد وأسيل. أسيل أول ما شافته جريت عليه وحضنته واكملت بعياط: عمو متضربش اسر، والله هو معملش حاجة، ده كان بيجيب حقها. هشام شالها واكمل: حاضر يا قلب عمو. المدير: اتفضل يا دكتور هشام، بس حضرتك مش والده.

هشام قعد واكمل: والده في سفرية شغل، وأنا خاله، وابو سليم وزين يعتبر ابن أخويا برضه، فمش مهم لو جيت علشان أي حد فيهم، بس أنا جيت انهارده لاسر. المدير: الحقيقة يا دكتور، إن مش اسر بس، ده كلهم ضربوا حازم. هشام بصدمة: كلهم. هشام بص لابنه فاكمل: سليم، والله يا بابا هو عيل مترباش، مد إيده على بنت عمي، وكان بيضرب اسر، فإنا وزين مستحملناش. هشام: همس، ده أنا هربيكم، بس نطلع من هنا.

أسر بهمس لسليم: هو ده اللي، أبوك أهون من أبويا منك لله. زين: والله ما حد كان هيرحمنا، بس كله إلا عمي مراد، ده فيها عقاب أسبوع. أسر: على رأيك. هشام بص للمدير واكمل: حضرتك حازم ضرب بنت اخويا، وهما زي اخواتها الكبار مستحملوش حد يمد إيده على اللي منهم، فا الغلط من اللي قدام، مامت حازم يعني، هو ينفع التلاتة يضربوا ابني علشان هو كان بيهزر، فزقها عادي لعب أطفال.

هشام بحدة: لا حضرتك ده مش لعب أطفال، دي قلة أدب وتسيب، ومش أول مرة أسيل تشتكي من ابنك، وحصل خناقة قبل كده برضه، وابنك حلف إن مش هيسيب اسر، وده اللي حصل، قصد يضرب أسيل علشان يستفزه. المدير بعصبية: حقيقي الكلام ده يا حازم.

هشام بعصبية: حضرة المدير، أنا مش فاضي للكلام الفاضي ده، ابن اختي مغلطش، ضربه وده كان الصح، هو مد إيده على بنت خاله، فمستحملش، إحنا اه غلطنا، بس ردينا على الغلط من البداية، واللي هو تربية حضرتك يا أم حازم، علمي ابنك الاحترام أكتر من كده. أم حازم بعصبية: تقصد إن ابني مش محترم. هشام بعصبية: والله كل واحد أدرى بعياله، بس من اللي أنا شوفته في إيد بنت اخويا، أه مش محترم، ومش خسارة فيه اللي حصله.

المدير: كان سوء تفاهم يا دكتور، معلش عطلناك، وإنت يا حازم مفصول أسبوع لحد ما تتعلم تحترم زمايلك. أم حازم بعصبية: بس حضرتك. المدير بحدة: خلاص قررت، واتفضل يا دكتور خد الأولاد، اليوم خلص. هشام: تمام، يلا. في عربية هشام. هشام: ده أنا هربيكم، وش الواد اتبهدل، دي منظر طلاب بتتعلم. أسر: لا سيبك يا خالو، وغمز، بس إيه معلم، فكرتك محامي مش دكتور. سليم بغرور: مش قولتلك يابني كلم باباه. هشام: كلم بابا ده لما أروحلك.

أسر: بضحك، قلبك أبيض بقي يا اتش، ما كله علشان سيلا بنت اخوك. هشام: بس إيه، هتتخانقوا انتوا كمان؟ جايبة مشاكل إنتي يا أسيل. أسيل بضحك: والله معملتش حاجة، أنا طيبة. هشام بضحك: لما مراد يعرف بقى، تخيلوا هيعمل إيه. أسر بخوف: وهو هيعرف منين. هشام: أنا مثلاً. أسر بخوف: لا، إنت خالي حبيبي، متعملش كده. هشام بضحك: أي ضمنلك إني هداري عليك. أسر بضحك: وحياة خالتي عزة ما تقولوش.

هشام بضحك: أه يا ابن الجزمة، لئيم زي أمك، وعرفت تجيبني. أسر بضحك: شوفت بقى. هشام: هي مكة ومريم مش باينين ليه. سليم: ناموا. هشام: منا بقول، كان زمان العربية فيها فرح لو صاحيين. زين بضحك: ناموا من الفرحة إن إنت جيت خدتهم. هشام بضحك: حبايب خالهم دول أصلاً. *** في مكان آخر. هايدي: ها حصل إيه. الشخص: خطفوهاش، بس نهايتها بتقرب، لو عرفت حاجة تاني ولا اتدخلت، أنا هجيبها بنفسي.

هايدي: وهي بتقرب منه، سيبك من الكلام ده، إنت واحشني أوي. الشخص بضحك: رايقة إنتي بس، وماله، حلو برضه، الواد نايم. هايدي بابتسامة: اممم. الشخص بضحك: طب تمام أوي. *** في الفيلا. الأولاد جمعوا. عشق: أهلاً أهلاً الحلوين، أخبارهم إيه. أسر: كويسين يا ماما. مكة: بنعس، مامي أنا هنام لحد ما تعملي الأكل. عشق: ماشي يا حبيبتي، خدي اختك معاكي. وأكملت: أكلتي الأكل يا أسيل. أسيل: اه، امسكي اللانش بوكس. عشق بصدمة: إيه ده، مال إيدك.

أسيل: مال إيدك يا أسيل، وريني. أسيل: يا مامي مفيش، أنا وقعت اتعورت وأنا بجري. هشام: مش تخلي بالك يا أسيل. أسيل: حاضر يا بابي، هبقى أخلي بالي. إسراء: طب يلا نغير للأميرة بتاعتي. أسيل بضحك: يلا. بعد شوية أدهم وطارق جم. طارق: عشق، حاجة بقى من إيديكي الحلوين علشان واقع. عشق: بعمل أهو، ثواني ويكون عندكوا. نزلت ندي واكملت: حبيب ماما، إيه أخبار يومه انهارده. زين بص لاسر واكمل: فظيع، مش كده يا ابن عمي. أسر: اممم كده طبعاً.

ندي بضحك: والله مش مطمنالكم. مراد: دول لو اتفقوا زي اتفاقي أنا وأدهم بتبقي غالباً مصيبة. ندي بضحك: منا حسيت، بس هسكت بمزاجي. أدهم بجمود: أنا طالع آخد شاور ونازل. عشق بصت لندي إنها تطلع وراه. ندي: عن إذنكم، وإنت يا زينو غير، ويلا علشان تاكل ونعمل الواجب. زين: حاضر يا ماما. ندي طلعت. مراد: عشق، ماله أدهم. عشق بتنهيدة: كل عادة، متخانقين، ربنا يهديهم. في أوضة أدهم وندي. ندي دخلت ووقفت وراه وخلعته جاكت البدلة.

أدهم بجمود: وده من إمتى ده، ولا بتداري على اللي هببتيه الصبح. ندي: أدهم، والله أنا مقصدش، وأوعدك مش هتتكرر تاني، حقك عليا. أدهم لفلها واكمل: هو إنتي مش من زمان عارفة إني بغير عليكي. ندي بدموع: أه، بس كنت نعسانة ومستعجلة، حقك عليا. وباست خده. أدهم بضحك: يابت الجزمة، عايزاني أضعف وأسامحك بقى، خلاص. ندي بضحك: اتلم، وبعدين أنا بصالحك. أدهم وهو بيرجعها لورا لحد ماحاوها مابين الحيط أكمل بخبث: هو في واحدة بتصالح جوزها كده.

ندي بتوتر: اومال إزاي. الباب خبط. ندي اتنفضت واكملت: مين. زين: ده أنا يا ماما. أدهم: روحي لابنك علشان عصبني وأنا داخل آخد شاور. ندي بضحك: الله، اومال يروح لمين الواد غيرنا. وفتحت الباب. ندي: قلب مامي، إيه القمر ده. زين: علشان تعرفي بس. ندي باست خده واكملت: إنت قمر طول عمرك أصلاً. وبعد شوية قعدوا يتغدوا كلهم وبيشربوا الشاي. طارق: أنا نويت أخطب. حسن باستغراب: تخطب؟ تخطب مين. طارق: بنت معانا في المستشفى اسمها شيرين.

مراد بحب: فخور بيك إنك عملت كده، أنا معاك جداً، لازم تاخد خطوة، مينفعش تفضل تحبها في الخفاء. هشام بضحك: مبروك يا طروقة، المجانين هيزيدوا واحد. عزة: احم احم. مازن بضحك: أحلى حاجة فيك يا قلب أخوك الثبات على المبدأ. هشام بضحك: أومااا. حسن: طيب يا بني نروح ونتقدم. طارق بفرحة: خطوبة على طول. هنعرفها. حسن بحب: ماشي يابني، ربنا يسعدك. إيمان بخوف في سرها: عايز يسعد ابنه، بس أنا ابني يدمر عادي، إنسان حقير.

أدهم: مالك يا ماما سرحتي في إيه. مراد: فهم إنها بتفكر في اللي عشق سمعته واكمل: لينا كلام مع بعض يا ماما. إيمان: أنا كويسة يا حبايبي، متقلقوش. مراد: اممم طيب. وأكمل للرجالة: صح، شيرين حد حاول يخطفها، فهي بره، إحنا اللي هنكمل. هشام وأدهم: تمام. في المساء بعد ما كله نام. في أوضة إيمان. الباب خبط. إيمان: ادخل. مراد دخل وقعد قدامها واكمل: بتكدبي عليا. إيمان بتوتر: كدبت في إيه يا حبيبي.

مراد بتنهيدة: إيه السر اللي بينك إنتي وعمي يا ماما. إيمان بصدمة: إيه!!!!!