رواية هي ملتزمة هو منحرف الفصل الثالث عشر 13 - بقلم عبير شوقي

رنت أفنان على عدنان. "أفنان.. يعني إيه مرحش ده؟ كتب كتاب صديقتي الصدوقة، وأنا مش باخد رأيك أصلًا. أنا بس حبيت أقولك عشان يبقى عندك فكرة بس مش أكتر. أما حوار إنك تتحكم فيا ده.. لااا! أما أبقى في بيتك يبقى قولي روحي ومتروحيش." "بتبقي جميلة أوي وإنتي متعصبة." "أفنان.. بتبص حواليها. إيه ده، انت شايفني إزاي؟ انت فين؟ "عدنان.. في البيت." "أمال شايفني إزاي؟ هتجنني على آخر الزمن."

"عدنان.. هههههه، لا مش هجننك ولا حاجة. بس إنتي دائمًا معايا وقدام عيوني وفقلبي. 😍" "أفنان.. ……………" "عدنان.. إيه سكتي ليه؟ "أفنان.. طيب سلام… وهروح على فكرة." وقفلت الخط. "عدنان.. مجنونة بس بحبها 😁" "هند بخبث من وراه.. مين دي اللي مجنونة وبتحبها؟ "عدنان.. وهي في غيرها." "هند.. ههههههه، وإيه اللي جننها؟ البنت عاقلة وزي القمر." "بقولها إنتي معايا وفقلبي. قالتلي سلام وقفلت السكة في وشي."

"هند.. ههههههه.. ماهي بجاحتك دي اللي هتطير البنت منك." "عدنان.. بجاحة إيه؟ أنا بحبها وخطيبتي. وكل ما أكلمها، إحنا مخطوبين مش متجوزين." "هند.. بس اللي بتعمله أفنان هو الصح." "إيه الصح فيه؟ مش فاهم. إيه يعني لو اتغزلت فيها دي خطيبتي؟ دي بتقفل أي حوار وخلاص."

"هند.. ده الشرع يا عدنان. وبعدين البنات اللي زي أفنان.. بيحترموا الدين وبيتبعوا القرآن والسنة، ويبتغوا طاعة ربنا، عشان ربنا يبارك لهم في حياتهم الزوجية. لأن اللي بيبدأ بـ عدم رضا الله سبحانه وتعالى بتكون نهايته مش بترضي صاحبه. وده الصح. بس عارف أول ما تكتب الكتاب هتلاقيها شخص تاني. تتكلم وتهزر وعادي خالص. وابقى شوف. طيب أنا عايزة أسألك سؤال..؟ "امم، اسألي." "هند.. إيه رأيك في اللي بتعمله أفنان..؟

"عدنان.. بيدايقني شوية بس بيعجبني وجداً كمان. تحسينا زي القط والفار 😂😂. لطالما كانت أفنان مختلفة. أما كنا في فرنسا كانت البنات تقرب مني وأنا أبعد. مكنتش ببقى مبسوط. أحيانًا كنت بحس إني بنظر لهم باستحقار. بس أفنان غير. أنا اللي حابب أقرب. بحب أتوجد في المكان اللي هي فيه بحس بالأمان، وبالطمأنينة كده. لا وكمان لو تشوفي وشها أما أقولها بحبك أو أتغزل فيها 😂 بتبقى زي الطماطم كده 😂"

"هند.. إنهو الحب يا عزيزي، وقعت ومحدش سمي عليك يبني 😂" "عدنان وهو سارح في خيال محبوبته.. الظاهر كده يا ماما." "بس أنا عايزها تتعود عليا ويبقى في بينا كلام." "هند.. ههههه 😂 بتفكرني بأبوك لما كان شباب." "عدنان.. بيعدي، كان قليل صبر زيك كده." "عبد الرحمن.. قصدك إني عجِزت ولا إيه؟ "هند.. لا أبدًا، دانت في ريعان الشباب 😂" "عبد الرحمن.. بحسب." "هند.. لا يخويا متحسبش.. اجمع." "عدنان.. استأذن ومشي."

"عبد الرحمن بحزن.. عدنان مبيطقليش كلمة. شكله مش هيسامحني." "هند.. لا يا عبد الرحمن متقولش كده. صدقني هيسامحك وهترجعوا زي الأول وأحسن كمان. خلي عندك أمل في الله." "عبد الرحمن.. ونعم بالله 🥺. خايف أموت قبل ما يسامحني." "هند.. بعد الشر عنك. ربنا يديك طولة العمر ويبارك لنا فيك. هزعل منك بجد لو كررت الكلام ده تاني." "عبد الرحمن.. وأنا قادر على زعل ابنك أم أقدر على زعلك."

"هند ممازحة.. طيب خليك عارف. عشان متقول يا ريتني بعد كده." *** تاني يوم عند أفنان بتجهز نفسها عشان تروح تحضر كتب كتاب صديقتها. "أحمد.. ها خلصتي؟ "أفنان.. أه الحمد لله. بس دقيقة أشوف مسبحتي فين." "أحمد.. إنتي دائمًا كده بتضيعي حاجتك. طيب اخلصي عشان متأخرنيش. عندي جامعة يختااه." "أفنان.. ولد أنا أكبر منك عيب. قلت أستنى ألاقيها. أم صحيح جيل مهبب." "أحمد.. أنا أطول على فكرة 😁 وخلصي عشان ما أمشيش."

"أفنان بتمثيل وكأنها على خشبة المسرح تؤدي مشهد حزين.. أمال يعني عشان كبرت وبقيت نساية تتخلى عني يابوحميد؟ دانتي اللي مكنتش أختك من لحمك ودمك. دانتي كنت بعتبرك زي أخويا الصغير. وبعاملك أحسن معاملة، وبلبسك أحسن لبس. أخخ قلبي النونو الصغير." "أحمد.. بدل شغل الدراما ده دوري عليها كويس وهتلاقيها." "أفنان.. أخيرًا لقيتها." "أحمد.. الحمد لله. نمشي بقى." "وماله يخويا ميضرش." ركبوا العربية وانطلقوا لوجهتهم. *** في بيت رغدة.

"بتغمي عنين رغدة… حزر فزر أنا مين؟ "رغدة.. ملكة التأخير ومين غيرها." "أفنان.. اخس عليك يا برعي. تب سحلانة منك." "رغدة.. وأنا أقدر على زعلك يا حبة القلب انت." "أفنان.. صعبت عليا خلاص سامحتك. بس إيه الطعامة والشياكة دي؟ تقولشي ملكة جمال العالم بحد ذاتها قدامي." "رغدة.. ثانكيوو فري متش 😂." لتكمل رغدة حديثها بسعادة غامرة. "عندي ليكي مفاجأة." "إيه؟ "رغدة… حزري فزري." "أفنان.. متخلصي يختااه." "رغدة.. هلبس النقاب النهاردة."

"أفنان.. يااه يا عبد الصمد أخيرًا يا حظها هتلبسوا يا حظهاااا أهلها وافقوا يا حظهاااا 🥹🥹" "رغدة.. إييييعع بطلي نقق." "أفنان.. قصدك إني حسا.دة يا عبد الصمد اخـ.ـس عليك واطي طول عمرك واطـ.ـي.. سحلانة منك خليثي مالي." "رغدة بضحك وهي تضـ.ـرب أفنان فـ كتفها: بهزر معاك يا جدع الااه." "أفنان.. متحاولش حتى. يا ميلة بختك يا فاطمة يوم ما تحبي، تحبي واحد يكسر قلبك. اه ياني اهه." "رغدة.. خلاص حقك عليا المرة دي إني آسف."

"أفنان وهي تتخذ دور المقموصة.. متفكرش حتى خلاص اللي اتكسر لا يمكن يتصلح يا عبد الصمد وأنا قلبي اللي اتكسر اهئ اهئ." "رغدة.. طيب ميتصلحش بـ اتنين شاورما وواحدة كنز." "أفنان وعيناها تكاد تلمع 😍.. شا إيه؟ "رغدة.. اتنين شاورما وكنز." "أفنان.. لااع لا يمكن أبيع كرامتي عشان اتنين شاورما." "رغدة وهي تدرك نقطة ضعف صديقتها جدًا.. طيب تلاتة شاورما وبيتزا وكنز.. على حسابي."

"أفنان.. يا رغدة إحنا في بينا الكلام ده. دانتِ حبيبتي وروحي. أخويا اللي ليا والباقي بطاطس مقلية." "رغدة.. تسلمي يختي." "يسلملي قلبك ونبضاتو وحركاتو وحبشتكاناتو." "سامية أم رغدة.. زياد والمأذون وصلوا وباباكي قاعد معاهم." "رغدة بتوتر.. تمام يا ماما أنا جاهزة." "أفنان.. ياخلاثي ع الخدود الحمرا." "رغدة وهي خجلة.. شكرًا." بعد مرور عدة دقائق، دخلت سامية وأخذت معها رغدة لتوقع عقد الزواج.

"أمسكت رغدة بالقلم. وقلبها يخفق بشدة من الفرحة وكذالك التوتر والخوف مزيج من المشاعر الغير منظمة في أعماقها. لتفيق على كلمة المأذون الشهيرة.. « بارك الله لكما وبارك عليكما وجمع بينكما في خير»." الكل بدأ يبارك لزياد ورغدة. وبعد الانتهاء سرعان ما أخذ زياد عروسته (رغدة) وذهبا للشرفة (البلكونة)

ليتحدثا قليلاً وربما كثيراً فمن يعلم 🤭 فهناك الكثير من الكلمات التي يريدان البوح بها لبعضهما وهناك المشاعر المكبوتة كذلك التي حان وقت خروجها بارتياح فهم الآن زوجان 🤭. "وكانت أفنان سعيدة جداً لصديقة روحها من أعماق قلبها. وأشارت لرغدة بعينها بأنها سوف تغادر." "كانت أفنان في طريقها لأحمد المنتظر داخل عربته. بس جذب انتباهها صوت بنتين بيضحكوا بصوت عالي. فقررت أنها تغير اتجاهها ذاهبة للبنتين."

"السلام عليكم ورحمة الله وبركاته يا جميلات." "سيلا.. وعليكم السلام ورحمة الله وبركاته." "ميار.. وعليكم السلام." "أفنان.. يا جميلات ممكن تخفضن صوت ضحكاتكن. لأن صوتكن جميل. كي لا يفتتن رجل به." "ميار.. تمام ماشي شكر الله سعيك." "أفنان.. جزاك الله خيرًا." لتكمل موجهة كلامها لكلاهما. "يا جميلات ممكن بلاش اللبس الضيق ده. أنتم أجمل وأعف من كده وكي لا تكونوا ضمن الكاسيات العاريات الذين لا يدخلن الجنة ولا يجدن ريحها."

"ميار.. وإنتي مال حضرتك دلوقتي. والله كل واحد حر في نفسه يلبس اللي عايزة. إحنا في زمن متقدم دلوقتي… وسبنا العصور القديمة للناس القديمة 😒" "أفنان باستغراب.. الشرع لا يرتبط بعصور قديمة أم حديثة. نحن مسلمات عفيفات. لا دخل لنا بالتبرج تحت مُسمى الموضة." "سيلا.. يعني إيه كاسيات عاريات؟ وإزاي ميدخلوش الجنة ليي..؟ "أفنان.. الكاسيات العاريات يا جملة هو أن ترتدي المرأة الثياب الضيقة التي تصف جسدها."

"ميار.. والله إحنا عارفين ده بلاش تعيشي دور الشيخة." "أفنان.. عارفة؟ يا ليتك تعرفي." "بصي يا شيخة إنتي ملكيش أي دعوة بينا تمام. إحنا عارفين إحنا بنعمل إيه وأهلنا عارفين. فمين حضرتك عشان تتكلمي معانا." "أفنان.. صدقيني لو ما بعتبرك كأخت ليا وبخاف عليكي مكنتش هخاطبك. ولولا إني أخاف أقف قدام ربنا عز وجل ويسألني منصحتكش ليه. وملقاش مبرر. مكنتش هحط نفسي في موقف كده." "ميار.. أنا أعتبرك كـ أخت ليا يا معقدة إنتي..؟

"أفنان.. إنتي شايفة ده تعقد. يا حسرتاه على العباد. 💔" "أه أكيد تعقد. إنتي مش شايفة لبسك ده واستيلك ياايي يا بنتي أنا مستحيل..! "أفنان.. الدين عمره مكان شد. بالعكس ديننا بيحافظ علينا. طيب ممكن سؤال..؟ "اتفضلي." "أفنان.. شكرًا." لتكمل. "الألماس في المتاحف بيتساب كده عادي الكل يلمسه أو يتساب من غير غطاء يحميه. على الرغم من أن الألماس من الأشياء الصعب كسرها."

"سيلا.. لا. ده بيكون ليه غطاء عازل وحواجز وخزنات بيحفظ فيها. دي أفضل الخزنات بتتعمله مخصوص عشان تحميه." "أفنان.. طيب تخيلي لو مفيش كل الحواجز دي." "ميار.. ياللا الذكاء دا. الحر.امية مالية البلدان أكيد هيتسرق." "ميار.. إحنا لازم نمشي على فكرة." "أفنان.. إلى اللقاء يا جميلات في حفظ الله." ذهبت كلتا الفتاتين (سيلا، ميار) وكذلك أفنان. *** بعد مرور يومان. أفنان جالسة في المقرأة (الكُتاب.. كما اعتدنا قولها 😅)

تتلو على تلميذاتها بعض آيات القرآن الكريم. وبعد الانتهاء انفضت بالذهاب. لكن جاءتها إحدى الزميلات لتخبرها بأن هناك من ينتظرها بالخارج يريد رؤيتها. "ذهبت أفنان للقاء الزائر." "السلام عليكم ورحمة الله وبركاته." "احم وعليكم السلام ورحمة الله وبركاته." "أفنان.. أنتِ…؟