رواية هي ملتزمة هو منحرف الفصل الثاني 2 - بقلم عبير شوقي

ههههههه واللي عايز ينتحر يرمي نفسه من الدور الأرضي. بتبص للبلكونة وخبطت راسها. المهم جهزي نفسك عشان هو جي بعد شوية يشوفك. يا بابا بالله الغي الجوازة، أنا بنتك حبيبتك. أنتي لي محسسانا إننا هنجوزك عفريت؟ ده ابن خالك، وأصلاً هو اللي طلب إيدك بنفسه. آه ابن خالي اللي معرفوش، دانا معرفش شكله حتى. وبعدين يكفي إنه مش بيصلي.

متعرفيهوش. اسمع يا عاصم، الله يرحم أيام ما كنتي مصدعانا بأنك مش هتتجوزي غيره ودايماً ماسكة في إيده، ولا كأنه هيطير، وتضربي بنات خالاتك اللي بيلعبوا معاه دلوقتي، بقى فيه كخه. دانا مكنتش كملت العشر سنين وقتها. وإن يكن، يابت ده بنات خلاتك كانوا هيموتوا لما عرفوا إنه اتقدملك. بس، أديكي قلتي. يبقى يروح يتجوز من بنات خالاتي وسلام عليكم. أنا بقى عندي كلية مش فاضيالكم. استنى. احم، في إيه؟ مش هتروحي الجامعة النهاردة؟

يا بابا، ده النهاردة في محاضرة مهمة ولو محضرتش الدكتور هينزلي درجاتي. أهه، أصلي هو منبه علينا من امبارح. مش مهم تروحي النهاردة، وده آخر كلام. أنا همشي دلوقتي لأن عدنان ممكن ييجي دلوقتي، وأنتي يا سعاد روحي المطبخ اعمليلنا حاجة حلوة. وسابهم ومشي. وسعاد وراه، وبقت أفنان في الأوضة لوحدها. أوووف، طيب وأنا أعمل إيه دلوقتي؟

ده دكتور محمد الغليظ بيقول إن اللي مبيصليش ده ميدخلش البيت من الأساس، مبالك أتزوجه. أما أرن على البت رغدة تساعدني. أما أرن. السلام عليكم ورحمة الله. وعليكم السلام ورحمة الله وبركاته. عاملة إيه يا فوفو؟ بصي، بلا فوفو بلا بتنجان. ركزي معايا وصحصحي. وحكت لها كل اللي حصل. طيب وهتعملي إيه؟ لا، يعني بفكر أعمل محشي أو مكرونة بالباشاميل، وممكن عصير مانجة عشان نحبس وكده. أومال أنا رانه عليكي ومكلفة نفسي رصيد لي! معلش، سوري.

بلا سوري بلا مغربي، فكري معايا. ده على جي. بااااس، تاهت ولقتها. إيه يا أرشميدس يا العقل المدبر انت. تعالي عندي. وااااو، أنا حقاً انبهرت. لا لا، أنا بهير ذات نفسي انبهرت. والحراس يا فهيمة، وأنا اللي قلت جابت الحل اهو. امممم، مانتي ممكن تلبسي أي حاجة وتخرجي زي ما كنتي بتتنكري أيام زمان. تقصدي لبس أم عبده البواب؟ الله ينور عليكي. طيب سلام سلام، أما أروح أنفذ. هي هي هي هيييي.

راحت أفنان ناحية الدولاب، وأخدت منه هدوم، لبستها، وهدوم لمّتها في بعض. وبعدين راحت ناحية التسريحة وظبطت نفسها بحيث الحرس ما يتعرفوش عليها. ومسكت الهدوم وخرجت وهي بتبص حواليها بحيث سعاد ما تشوفها. ونجحت لحد ما وصلت للحرس. أنتي مين ودخلتي هنا إزاي؟ انطقي. أهي، هي هي. استنى يا باشا، دانا عنايات بنت اخت فوزية، اللي شغالة هنا. بس فوزية مجتش النهاردة. أيوه، ماهي بعتتني عشان أخلص لها شغلها. أهي أهي أهي.

ماهي دي هدوم أخته من الآنسة أفنان. اديها لأخته، وهعاود تاني. بس عشان أخته المسكينة بتروح الجامعة وأصحابها بيتريقوا عليها، أكمننا فقرة ومش معانا هدوم زينة. هديهالها قبل ما تمشي. ماشي، ماشي. أنتي هتحكيلي قصت حياتك. شالله يبارك فيك يارب. وخرجت من الفيلا بالكامل، ومشيت لحد ما وصلت للطريق الرئيسي، وكانت بتوقف عربية واا…