رواية حياة الفصل الثالث والعشرون 23 - بقلم شهد فؤاد

حور بقلق وتردد ردت على الفون: أيوا يا عدي. زياد بص لها وعينيه بقت كلها دم، وشايف عينيها اللي بقت كلها دم وبترد على عدي على حسب كلامه بالظبط. زياد بعصبية ومش قادر يسكت أكتر من كده، سحب التليفون من على ودن حور. زياد بعصبية وصوت عالي: خير يا عدي، في حاجة مهمة؟ عدي من على الفون: أيوه، عاوز أكلم حور، وأنت مين أصلاً؟ زياد بعصبية أكبر: أنا زياد، وحور مش هتكلم حد، ويا ريت تمسح رقمها ومتنرنش عليه تاني.

عدي بحرج أكبر: تمام، أنا فهمت، مع السلامة. حور بزعل وبتحاول تشد الفون من على ودن زياد. زياد بيبصلها بصه قاتلة. زياد: مع السلامة يا خويا. حور بزعل: لي كده يا زياد، حرام عليك. زياد ويمسك إيد حور جامد لدرجة إنها اتألمت، وقربها منه: اللي يكلمك أو يفكر فيكي بطريقة مش عجباني أموته، سمعاني؟ حور بزعل على عدي، بعدت عن زياد وبصت من الشباك. رجع زياد للسواقة. وصلوا مطعم على النيل، كان هادي والجو جميل.

زياد شد الكرسي لحياة وقعد جنبها. رؤى بصت كده واضطرت تقعد جنب فارس. فارس ابتسم بخبث وخبط رجلها تحت الطربيزة. رؤى استوعبت اللي حصل، وبصت له وقربت شفايفها من ودانه وبصوت واطي: لو محترمتش نفسك ولميت نفسك، أقسم بالله ما هيهمني أنا قاعدة فين وهفضحك، سامعني؟ فارس بابتسامة وقرب منها: مش بقولك، وإنتي متعصبة بتبقي زي العسل. رؤى بصت له بغيظ ورجعت لمكانها. جنى لبست هي ونور وحمزة وراحوا المول يجيبوا بقية الحاجات اللي ناقصاهم.

جنى وقفت قدام محل معين: نور، أنا هدخل أتفرج على المحل ده. نور وحمزة: تمام، وإحنا هنروح نجيب قهوة، متتأخريش وتعالي. جنى: أوكي، باي. ودخلت جنى المحل وبدأت تتفرج على الهدوم، ووقفت قدام دريس كان مفتوح من الضهر والأكتاف ومن عند الرجل بفتحة طويلة. جنى بصت للدريس بتفحص وسابته وراحت تكمل بحث عن حاجة مناسبة. جنى بتدفع للكاشير لقت العاملة بتديها كيسين. جنى باستغراب: أنا ليا كيس واحد.

العاملة بابتسامة: التاني الأستاذ اللي كان واقف جنبك جابهولك ودفع حسابه ومش. جنى باستغراب: أستاذ مين اللي كان واقف جنبي؟ العاملة بابتسامة: مش عارفة، اتفضلي الأكياس. جنى أخدت منها الأكياس وطلعت من المحل، وفتحت الكيس لقت الدريس اللي كانت ماسكاه جوه وكارت مكتوب فيه: "هيكون حلو عليكي يا نور عيني، بس البسيه في بيتنا مش برا عشان مموتش حد." جنى بصت بخوف حواليها ومش عارفة مين اللي ممكن يكون عمل كده، وراحت لنور وحمزة.

خلصوا فطار وقامت حياة هي ورؤى يدخلوا التواليت. حياة بابتسامة: يا ريت تفكيها شوية. رؤى: أنا مش فاهمة الواد ده تنح كده إزاي. حياة بابتسامة: لي، ده باين عليه سكر ودمه خفيف. رؤى بغيظ: أنا هقول لأياد على السكر واللي دمه خفيف ده وهو يتصرف معاك. حياة بضحك وضربتها على كتفها: آآآه يا جزمة، ماشي. رجعت جنى لنور وحمزة. جنى بقلق: يلا نروح، إحنا كده كده خلصنا. نور بقلق: مالك؟ في إيه؟ جنى: مفيش، تعبت، عاوزة أروح.

حمزة بتفهم: خلاص، أهدي، هنروح، يلا يا نور. نور وحاسة إن جنى بتكذب: يلا. وصلت حور وزياد الفيلا، وطلعت حور على طول لأوضتها جري من غير ولا كلمة. زياد بعصبية لنفسه: كان لازم تتعصب يعني؟ أهو استحمل بقى. طلع زياد أوضة حور وخبط: أنا هدخل. حور بزعيق من جوه: لا، روح أوضتك. زياد دخل وكأنه مسمعش أي حاجة. حور بصت له: مش قولتلك روح أوضتك. زياد بابتسامة بسيطة: يعني ينفع برضو أروح أوضتي وأسيبك زعلانة مني؟

حور ببرود: آه ينفع، اتفضل بقى. زياد وقرب منها أوي: حور، أنا مش بهزر، أنا عملت اللي المفروض يتعمل، عدي مكنش هيبطل كلام معاكي غير بالطريقة دي. حور بزعل: وبالنسبة لأسلوبك معايا، تبرره إزاي؟ زياد بزعل ويمسك إيدها: مكنش قصدي، أنا آسف، حقك عليا، أنا غيرتي عامتني. حور بجدية: ولو، المفروض تسيطر على نفسك، دي أول وآخر مرة. زياد ويبوس إيدها: حاضر، متزعليش بقى. حور: خلاص، مش زعلانة. زياد بابتسامة: بجد؟

حور بابتسامة: آه، للأسف مش بقدر أزعل منك. زياد بضحك: مش بحبك من فراغ والله. وصل كلا من حياة وأياد وفارس ورؤى الفيلا، وكل واحد قعد في الأوضة المخصصة ليه. عند مروان، بعد ما مشي من عند سما وهو عمال يفكر فيها وفي إنها بتحبه وإنه باين من تصرفاته. مروان بابتسامة ورن عليها: سما. سما على الفون: أيوا. مروان بابتسامة: تعالي ننزل بلي. سما بابتسامة: نروح فين؟ مروان: هعزمك على العشا. سما بابتسامة: ممم، ماشي، معنديش مشكلة.

مروان بابتسامة: خلاص، تمام، على 8 هعدي عليك. سما بابتسامة: أوكي، باي. مروان بابتسامة: باي. مروان بعد ما قفل المكالمة: هو ده الكلام. أياد، وبعد ما الناس ظبطوا اللي حياة قالت عليه في الفيلا واتفرشت، راح أياد لأوضة حياة. أياد وخبط على الباب. حياة من جوه: أيوا، مين؟ أياد بابتسامة: أنا يا حياة. حياة بابتسامة وراحت فتحت له الباب: تعالي يا أياد. أياد ودخل وبابتسامة: عاوز أوريكي التظبيطات بتاعت الفيلا. حياة

بابتسامة وراحت قعدت جنبه: وريني. أياد بعد مافرجها على كل حاجة: إيه رأيك كده؟ حياة بابتسامة: حلو أوي يا أياد، أنا بجد مبسوطة أوي، بس خايفة، حاسة إن في حاجة هتحصل. أياد ومسك إيدها: متخافيش من حاجة يا روحي، إن شاء الله خير، واليوم هيعدي زي الفل. حياة بقلق وقلبها مقبوض: ربنا يستر. عدى الوقت وجت الساعة 8 وعدى مروان على سما وقعدوا في كافيه جميل وهادي يتعشوا فيه. مروان بابتسامة: عاجبك الأكل؟ سما بابتسامة: أيوه، جميل أوي.

مروان بابتسامة: بالهنا والشفا. سما ابتسمت وسكتت. مروان بابتسامة: سما. سما وبصت له: نعم. مروان بغمزة: مش عاوزة تقوليلي حاجة؟ سما بتوتر: زي إيه؟ مروان بابتسامة: مش هتقولي إنتي يعني؟ سما بتوتر أكبر: أيوه، منا مش فاهمة، على إيه؟ مروان بابتسامة: بتحبيني من امتى يا سما؟ سما ببقلحة ليه: ـــــــــــــــــــــــــــــــــــــ يتبع…