رواية حياة الفصل الثامن عشر 18 - بقلم شهد فؤاد

ركبت سما ومروان العربية. سما بغيرة وبصت لمروان: زعلت عشان هتتجوز؟ مروان باستغراب: قصدك علي مين؟ سما بطفف من العصبية: أقصد حياة. مروان بجدية: وأنا أزعل ليه؟ بصراحة هي فعلاً كانت دخلت دماغي من أول ما جت، بس بعد ما عرفت إنها هتتجوز، طلعتها من دماغي. بقت زيي زيك بالظبط. سما براحة: طب كويس. مروان وبصة خبيثة: بتسألي ليه؟ سما بتوتر: ها، عادي يعني. مروان بابتسامة: مش حاسس إن عادي، بس هعديها.

سما بتوتر بعدت وشها وبصت من الشباك. عند حور، قاعدة باصة لعدي وعيونها فيها دموع: أنا مش عاوزة أتجرح تاني. عدي باستغراب: مين جرحك؟ لو حابة تحكيلي أنا هسمعك. حور وبتحاول تمسك نفسها: أنا هحكيلك عشان أنا مش حابة أخبي حاجة، عشان كل حاجة تبقى على نور. حور وحكت كل حاجة لعدي من أول حبها لزياد لغاية بداية اهتمامه بيها. عدي وحس إنها لسه بتحبه: وإنتي حاسة بإيه؟

حور وبصت بعيد: معرفش، أنا متلخبطة. بس اللي متأكدة منه إن مش بمزاجه ولا بمزاج حد. لما يبدأ يحبني يقرب، ولما أكون بالنسباله عادي يبعد. أنا إنسانة وليا مشاعر زيه بالظبط. ليه أنا أخاف على مشاعره وهو ميخافش على مشاعري؟ ليه دايماً أناني في كل حاجة؟ بقولك إيه، أنا كرهتكم كلكم، الرجالة كلها كده. أنا آسفة، يا عدي مش هقدر لا أكون معاك ولا معاه. وقامت وهي منهارة وسابته ومشيت. عدي قاعد مستغرب ومش فاهم مالها.

عند حياة، بعد ما الجد قال للعيلة على معاد فرحها هي وأياد، وبعد مباركات، طلعت حياة هي وأياد أوضهم. أياد بغيرة وقرب منها: حياة، متقفش مع مروان تاني ولا أي جنس مخلوق تاني، سمعاني؟ حياة ومش حابة عدم ثقته: إنت مش واثق في نفسك يعني ولا إيه؟ أياد بعصبية: إيه علاقة الثقة باللي بقوله؟ حياة: أنا مش هبص لحد غيرك ولا حد هياخدني منك، خلي عندك ثقة في نفسك بقى. طبيعي هتعامل معاهم.

أياد بغيرة وقرب أكتر: أنا بغير يا حياة، مش حوار ثقة. أنا واثق فيكي قد عيني، وعارف إن محدش هياخدك مني، لأن لو دا حصل، ببساطة هاخد روحه. سمعتي يا حياة؟ حياة بتوتر: حاضر يا أياد، سمعت. أياد بعصبية: بليل جهزي نفسك عشان نروح نشوف الفيلا بتاعتنا. حياة بتوتر ونظرة خوف: لا، خليها في الصبح أحسن. أياد وهدي من عصبيته ومسك إيديها: حياة، أوعي أشوفك خايفة مني، سمعاني؟

أوعاكي يا حياة. أنا أخاف عليكي من نفسي، أنا مستحيل أأذيكي. سمعاني يا حبيبي؟ حياة وقل توترها وأحست بصدق كلامه وابتسمتله: حاضر يا أياد. أياد بابتسامة: لو حابة تاخدي حد من البنات، براحتك. أنا كده كده زياد معايا. حياة بابتسامة: تمام، يلا. أنا هدخل بقى. أياد بابتسامة: باي. ودخلوا أوضهم، وكل واحد بيفكر في اللي هيحصل بعد كدا. مروان ركن في استراحة يريح من السواقة، وكانت سما نايمة على الكرسي وشعرها نازل على عينيها.

مروان بابتسامة وقرب منها بهدؤء وسرحان فيها: وشال براحة شعرها وحطه ورا ودانها. سما وحست بلمسة على وشها وفاقت: في إيه يا مروان؟ مروان بابتسامة: مفيش، كنت بشيل شعرك عن عينك. سما وقلبها بيدق جامد: شكراً. مروان بابتسامة: العفو، على إيه؟ بقولك يا سما. سما بابتسامة: نعم. مروان: هو ينفع أجي آخدك الأربع عشان الفرح؟ سما بابتسامة: لا، كفاية الطريق متعب وأنت هتتعب، كفاية إنك موديني. مروان بابتسامة: ملكيش دعوة، أنا هبقى أجيلك.

سما باستغراب إن دا مروان اللي بيقول كدا: تمام. مروان رجع تاني يكمل سواقة، وكانوا قربوا يوصلوا. حياة في أوضتها ورنت على رؤي وقالتها على فرحها، بعد خناق هي وحياة إن إزاي متقلهاش عن حاجة زي دي، وآخر كلام إن رؤي هتيجي الفرح. عند رؤي في السوبر ماركت بتجيب طلبات، لقت حياة بترن، وأثناء كلامهم وهي مش مركزة، خبطت في حد ووقعت منها كل حاجة. رؤي بعصبية في الفون: تمام يا حياة، هاجي سلام انتي دلوقتي.

رؤي بعصبية: إنت أعمى يابني آدم إنت؟ البني آدم بعصبية: أنا اللي أعمى ياعمية؟ رؤي بعصبية: إنت كمان غلطان وهتبجح. البني آدم بعصبية: دا إنتي صداع، أنا ماشي بلا قرف. رؤي بعصبية: غور في ستين داهية. عند رزان، قاعدة منهارة وبتشيط: أنا لازم أبوظ الجوازة دي، مينفعش يبقوا سوا وأنا أطلع من المولد بلا حمص. هنا بغيظ: أحسن ما أمي قالتلك بلاش اللي بتهببيه دا يرزان، أياد هيسيبك، مسمعتيش الكلام. رزان بعصبية: متقنطنيش، سامعة.

رزان بخبث: أنا عرفت أنا هعمل إيه. عند مروان وسما، بعد ما وصلوا والليل ليل عليهم. سما بابتسامة: شكراً جداً يا مروان. مروان بابتسامة: العفو، على إيه؟ دا أنا اللي المفروض أشكرك على اللي عملتيه معايا. سما بابتسامة: أنا معملتش غير اللي أي حد مكاني كان هيعمل. مروان بابتسامة: إنتي قاعدة فوق لوحدك؟ سما بابتسامة: اه، شقة دي بابا اشتراها لي لما بدأت الكلية. مروان بخبث: طيب ينفع أطلب منك طلب؟ سما: طبعاً.

مروان: أنا بصراحة كدا لسه دلوقتي عارف إن صاحبي مسافر وجاي بكرة، لو ينفع أقعد معاكي النهارده. سما: ؟؟؟؟؟؟؟؟؟؟؟؟؟؟؟؟؟؟ يتبع…