رواية حياة مراهقة الفصل الثالث 3 - بقلم اسماء السرسي

الدكتور بحزن على تلك الصغيره: للأسف بنتك دخلت في غيبوبة سكر. أمها بصدمة: غيبوبة سكر؟ وبعد كده قعدت على الأرض بضعف: منك لله يافتحي، منك لله، أنت اللي قفلت على البت، البت لسه صغيرة على اللي بيحصل فيها، جبتلها المرض بدري، يللي اسمك أبوها، حسبي الله ونعم الوكيل. أنا راضية بقضائك يارب، بس متحرمنيش من بنتي ياااارب. وبعد كده انهارت من العياط. محمد، أبو صالح، جاي جري هو وصالح: في إيه؟ البت مالها؟

إحنا كنا نازلين عندكم، ملقناكمش، ولقيت أمل بتقولي إن أسماء وقعت، وإنتوا جبتوها المستشفى، البت مالها يافتحي؟ فتحي بغل: كله بسبب ابنك، قعد يلف على بنتي لحد ما خالها تبقى كده. هنا داليا مستحملتش: ليه؟ هما اللي حبسوها في الأوضة، وعرفين إن عندها فوبيا من الأماكن المقفولة، ليه؟ هما اللي اترجتهم عشان يفتحوا للبت، هما اللي أجبروها عشان تنكتب كتبها وهي لسه قاصر، هما اللي جابولها غيبوبة سكررررررر! صالح من كتر الصدمات، دموعه

نزلت على حبيبته ومعشوقته: أسماء جالها السكر؟ داليا بعياط: أيوه يابني، هو السبب، حسبي الله ونعم الوكيل، والله أعلم البت هتفوق إمتى. صالح سابها وراح للدكتور. صالح: يادكتور، ممكن أعرف الحالة اللي جوه دي فيها إيه؟ الدكتور: جالها غيبوبة سكر. صالح بخوف: طب متعرفش هتفوق إمتى؟ الدكتور: لو الـ 24 اللي جايين عدوا على خير وفاقِت يبقى تمام، لو مفاقِتْش صعب تفوق بعد كده وهتدخل في غيبوبة سكر طويلة. صالح بتردد:

طب يعني لو ينفع إني أدخل أشوفها وأتكلم معاها شوية؟ الدكتور بابتسامة: هو مينفعش، بس عشان البت اللي جوه دي تمام، وعشان سمعت إن فيه ليك معزة عندها، ليك وممكن تستجيب لك، تمام هدخلك، بس تلبس الطقم عشان أعرف أدخلك. صالح بفرحة إنها ممكن تستجيب ليه: تمام. صالح لبس الطقم وأدوات التعقيم، ولسه هيدخل، فتحي وقفه. فتحي بغل: الواد ده مش هدخله لبنتي، هو أبونصايب اللي بتحصل. صالح نزل إيديه واتكلم بنبرة تهديد:

أنا محترم إنك عمي، بس هقولك كلمة، أسماء لو مفقتش، روحك قصاد روحها. ودخل. صالح وهو بيقعد على الكرسي وبيمسك إيديها واتكلم بدموع خانته ونزلت: اممم، تعرفي إني متخيلتش يوم أشوفك وإنتي بالمنظر ده، وكمان مش عايزة ترجعي للحياة تاني، عايزة تسبيني ها؟ دا اللي إحنا متفقين عليه؟ كده ينفع تسيبي حبيبك وتغيبي كده؟ عارفة لو مفقتيش أنا هاخدك وأهرب وأتجوزك، خلاص فاضل شهر وأتم الـ 21. ومسح دموعه بإيده وكمل:

عشان خاطري فوقي وبلاش توجعي قلبي عليكي. ولسه هيكمل سمع صوت صفارة. صالح بخوف: