رواية حياة نور الفصل السادس 6 - بقلم ملك وائل

نور. لكن أحب أقولك إني اتجوزت يا عائشة، وانهاردة كمان عرفت إن مراتي حامل. عائشة بصدمة. لحقت تنساني وتنسي حبي ليك؟ بسرعة كدا؟ نور بسخرية. لما كسرتي قلبي وسبتيني، اتعلمت بعدها إني متعلقش بحد ميستاهلش، وإنتي فعلاً مكنتش تستاهليني يا عائشة. ومراتي أهي نفسها تشيلني من على الأرض شيل كدا من كتر ما هي بتحبني، لكن انتي مقدرتيش الحب ده. وياريت بقى مترنيش تاني، لأن أنا واحد متجوز دلوقتي، ولو مراتي شافتِك هتعمل مشاكل عشان بتغير ها. وقفل وعمل بلوك على طول. وعائشة كانت في صدمة. عدا شهرين وعائشة كانت خلاص زهقت من حياتها. وفي يوم رجع أبوها من الشغل فرحان. عائشة استغربت، إيه سبب الفرحة دي؟ عاێشة. يا رب دايماً أشوفك فرحان، بس إيه السبب بردو؟ محمود. اتقدم لك عريس ووافقت، وكمان عارف إنك مش بتخلفي. عائشة. بجد؟ محمود. أيوا، ربنا هيجبر بخاطرك يا بنتي. عدا خمس شهور وعائشة اتجوزت خالد. وكان بيحبها أوي وفرحان بيها. مع إن ناس كتيرة قالت له اتجوزها، ومفروض يتجوز واحدة بتخلف وتجيب له ولد. لكن لأ، هو خدها عشان بيحبها بس.