رواية حياة روح الفصل التاسع 9 - بقلم ميرا ابو الخير

احمد بيجرها من شعرها: بتهربي مني يا بنت ال***. أنا هربيكي من أول وجديد. روح بغضب: مش عاوزاك يا احمد. أنا بكرهك. احمد بغضب كان لسه هيمد إيده، إيد عدنان مسكته: مش عيب عليك يا راجل تدخل بيتي كدا. احمد بغضب: وانت المحروس اللي الزبالة دي عنده. أوووعى! دي مراتي. عدنان شد روح منه، وجميلة جريت خدتها في حضنها: والله الزبال شايف الكل شبهه. ودي مش مراتك يا حلو، لأنها للأسف خلعتك النهارده الصبح.

احمد بص بغل لروح: بقا بتعملي معايا كدا؟ ماااشي. أنا مش هسيبك. لسه هياخدها، لقى اللي زقه وقعه: لو راجل بجد قرب ليها. عارف يا اسمك إيه، أنت لو في خلال دقيقة مخرجتش من هنا هقتلك ومش هتتحاسب. دقيقة واحدة عنك. أي رايك؟ احمد خاف من كلام عدنان وشاف الشر في عينه: مااشي. بس الحكاية لسه مخلصتش يا روح. خد عربيته ومشي بغضب وتوعد. عدنان ببرود: خديها لجوه وأنا هخلص حاجة وأعرف حكايتها.

روح بدموع: أنا خايفة من احمد. إزاي تقوله إني رفعت عليه قضية خلع؟ عدنان برفع حاجب: هنضحك على بعض؟ مانتي رافعاها من أسبوع وكسبتيها، والورقة وصلت النهارده وأنا استلمتها. روح ساكتة. عدنان بهدوء: يلا. جميلة: يلا يا حبيبتي تعالي. عند طه. طه ببرود: احترام العم واجب، بس أنتو متعرفوش الاحترام برا. عمه بغضب: بتطردني يا بن أخويا؟ طه ببرود: آه بطردك، ويا ريت متلكش أي علاقة بينا تاني. مش كفاية بنتك اللي من صغرها مضيعها.

عمه بغضب: هاخد مراتك يعني هاخدها. طه بيبص على خديجة اللي مرعوبة، ووقف بهدوء: تمام. قرب كدا. عمه بغل: هاتها يا ابني منه. قرب ابنه وإيده لسه هتمسك إيديها، كان واقع سايح في دمه: أوبس يا بن عمي. الرصاصة جت في دراعك. لأ، الظاهر إنه لازم أتمرن أكتر. عمه بخوف جري عليه: بتضرب ابن عمك بالنار؟ طه ببرود: ودقيقة وهتحصله. وهيبقا دفاع عن النفس يا عمي الحبيب. عمه سند ابنه: أنا هحرمك منها ومن الدنيا خالصصصص. خد ابنه ومشي.

طه بحنان خد خديجة في حضنه: خوفتي؟ خديجة بابتسامة: مبخافش وأنا جنبك. باس دماغها بحنان. احمد روّح وبقا بيكسر كل حاجة حوالينه. قعد بهدوء، لقى اللي دخلوا عنده: أنتو مين؟ كتموا نفسه: جايين ناخد روحك. احمد بيفرفر بين إيديهم و... عند عدنان. عدنان دخل قعد ببرود: احكي أي حكايتك بالظبط يا روح. روح بحزن: احمد أنا اتعرفت عليه لما خلصت جامعة. ووقعني في حبه. وجاه خطبني، بس مكنتش أعرف إنه هكون ضحية له ولأهله. عدنان: وبعدين؟

روح بهدوء: اكتشفت إنه أخته طلعت أصلاً مراته الأولى، واتجوزني عشان مش بتخلف، وهي أصلاً شايلة الرحم خافت على نفسها. عدنان بصدمة: كمان؟ وإزاي معرفتيش إنها مراته؟ روح بحزن: كانو لسه ناقلين من شهرين. والكل فاهم إنها أخته. عدنان بهدوء: وإنتي لما اتجوزتيه مش حستِ ب حاجة بينهم غريبة؟ روح بنفي: لا. كانو واخدين بالهم كويس أوي. عدنان: وبعدين حصل إيه؟

روح بحزن ودموع: كنت حامل. وهو لما عرف طلقني. ولما طلعت الوصية باسم ابني، رجعني ونفى إنه طلقني نهائي. ومراته السبب في موت ابني. وكانت أرخص واحدة ممكن تشوفها. روح بحزن: شكراً يا عدنان على وقفتك دي. عدنان بهدوء: لا عادي. انتي زي جميلة أختي عندي. روح بقليل من الحزن: أختك؟ عدنان بهدوء: أيوا. هستأذن أنا عشان خطيبتي جاية. : أنا جيت لاقيتك ات... روح. روح بتبص بصدمة: ليلة. روح بصدمة لعدنان: هي دي خطيبتك؟

ضرتي تبقى خطيبتك إززززززززززززززززززاييييييييييي؟ عدنان.