رواية حياة ظابطة الفصل الحادي والعشرون 21 - بقلم سما الحملاوي

دخل يونس ليخبر مراد أن يلحق بحياة. مراد بخوف على أخته: إيه؟ مالها؟ يونس: فقدت وعيها. جروا عليها. مراد بخضة: حياة حبيبتي، فوقي. قمت شلتها بسرعة. حمزة: اركب عربيتي بسرعة. ركبنا عربية حمزة بسرعة وروحنا على أقرب مستشفى. الدكتور أخذها يكشف عليها. مراد بخوف: إيه اللي حصل يا يونس، فهمني. يونس: حاضر. فلاش باك. يونس: إزيك يا آنسة حياة؟ حياة بابتسامة: الحمد لله، إزيك حضرتك يا يونس باشا؟ يونس: الحمد لله تمام، فين مراد؟

حياة: حمزة باشا طلبوا وراح. حسيت بدوخة جامدة ووقعت. فجأة يونس اتفزع عليها. يونس بفزع: حياة! حياة! فوقي! بدأت أضرب وشها براحة بس مش بتفوق. يونس: حياة يا بنتي. شلتها وحطيتها على أقرب كرسي وروحت على أوضة حمزة. باااااك. يونس: هو ده اللي حصل. حمزة: اهدأ يا مراد، إن شاء الله هتبقى بخير. الدكتور وقتها خرج. الدكتور: مين قريب المريضة؟ مراد: أنا، دكتور، أخوها.

الدكتور: المريضة حصلها هبوط بسبب قلة الأكل، وكمان عملت إجهاد كتير أثر عليها. أنا أديتها محلول ولازم تهتموا بأكلها كويس، وأنا هكتبلها على شوية أدوية تمشي عليها. مراد: تمام، شكراً لحضرتك جداً. هي هتفوق إمتى؟ الدكتور: دلوقتي إن شاء الله، وألف سلامة عليها. ومشي. حمزة: أهو هبوط بسبب قلة الأكل، متقلقش بقى. مراد: الحمد لله. ودخلها عدل وهي كانت بدأت تفوق. مراد: حياة حبيبتي، انتي كويسة؟

حياة بإرهاق: الحمد لله، هو إيه اللي حصل؟ مراد: حكى لها اللي حصل. وبعدين مش بتهتمي بأكلك ليه؟ حياة: بقالي كام يوم مليش نفس، بس ههتم حاضر. الباب خبط. عدلت طرحتها. مراد: ادخل. حمزة ويونس دخلوا. حمزة: ألف سلامة عليكي يا آنسة حياة، اهتمي بأكلك بقى. يونس: ألف سلامة عليكي يا آنسة حياة. حياة: الله يسلمكم يارب. حياة: مراد، أنا عايزة أخرج. مراد: حاضر.

وراح للدكتور، أداله الأدوية اللي يجيبها، وراح لحياة وخلص المحلول، وراحوا القسم. مراد جاب عربيته وحاجته وراح البيت. آية بتفتح الباب. بعدها دخلنا. آية: اتأخرتوا ليه كدا؟ مراد: أصل... وحكى لها الموضوع. آية: يا حبيبتي، طب قومي غيري يلا عقبال ما أحطلكوا الأكل. حياة: حاضر يا حبيبتي. ودخلت أغير. في فيلا أحمد الهواري. الساعة 4 ونص. آش: ماما، ممكن أنزل أروح أجيب حاجات أنا وياسمين؟ إيمان: ماشي، متتأخريش. آش: حاضر يا ماما.

وطلعت لبست ونزلت وخدت عربيتي ورحت أعدي على ياسمين. ياسمين وهي بتركب العربية: يا بنتي، إيه التأخير ده؟ آش: تأخير إيه؟ إحنا هنمثل. أنا اتصلت بيكي وأنا فاضل على بيتك 10 دقايق أقولك انزلي عشان عارفك بتتأخري ولسه نازلة. ياسمين بهزار: يا دي الكسوف! امشي يلا يا بنتي. وصلوا المول ودخلوا جابوا حاجتهم، وفي الآخر دخلوا مكان الأغذية. آش: هتجيبي إيه؟ ياسمين: هروح أجيب شوكولاتات. آش: أوك، وأنا في مكان الجبن. ياسمين: هخلص وأجيلك.

وراحت كل واحدة فيهم مشيت في اتجاهها. آش: لو سمحت. العامل: أيوه. آش: عايزة جبنة رومي و... و... وطلبت حاجتي. العامل: تمام، 5 دقايق ويكونوا جهزوا. مشيت تشوف حاجات، وهي ماشية خبطت عربيتها في عربية واحد. هو: إنتي تاني! في فيلا يوسف الهواري. نورا: مامتي! يا مامتي! يا حتة سكرة! حنان بضحك: اخلصي، عايزة إيه؟ نورا بضحك: سلامتك يا حنون. حنان: اممم، أشك في كده. نورا: بما إنك قفشتيني، فخلاص هقول. حنان: قولي.

نورا: احم احم، هو أنا يعني عايزة 4000. حنان بصدمة: 4000 إيه؟ وعايزاهم في إيه يا أختي؟ نورا: هغير لون العربية عشان لونها رمادي وأنا بحب الجلاكسي، فهغير لونها وكمان هجيب شوية حاجات ليا. حنان بصدمة وصوت عالي: وإيه يا أختي الحاجات التانية؟ نورا: ميك أب على هدوم. حنان بهدوء مصطنع: طبعاً طبعاً، وماله. نورا: هتديهملي؟ حنان: طبعاً، أومال. ونزلت جابت سلاح كل أم من على الأرض، الشبشب، وطلعت تجري ورا نورا.

حنان بصوت عالي وزعيق: عايزة 4000 جنيه ياحبيبتي؟ أنا بقى هديكي 4000 شبشب على وشك. نورا وهي بتجري: يا ماما اهدي كدا وصلي على النبي في قلبك. حنان بعصبية: عليه أفضل الصلاة والسلام، قال 4000 قال! 4000 عفريت يركبوكي. نورا: كفايا غلط بقى، أنا سكت كتير. حنان: لا يا أختي، تعالي اضربيني قلمين يلا يابنت الـ... من وشي بدل ما أقتلك. دخل على زعقهم يوسف. يوسف بخضة: إيه؟ إيه؟ يا جماعة صوتكم عالي ليه كدا؟ حنان: تعالى شوف بنتك.

يوسف: مالها بنتي؟ نورا: يرضيك يا بابتي أطلب منها 4000 جنيه أغير لون العربية وأجيب لبس وميك أب، تجري ورايا بالشبشب وتبقى عايزة تضربني؟ يوسف: حنان، خديها اهي، كملي عليها بدل ما أحطها في التخشيبة. نورا بتمثيل: آآآه قلبي! واحدة بتضربني وأبويا عايز يسجني، إنتو أكيد مش أهلي، آآآه قلبيييي! حنان: تمثيلك وحش. يوسف: وإحنا مش أهلك؟ لقيناكي على باب جامع، يلا روحي دوري عليهم. وضحكوا.

نورا: ديماً سادين نفسي، أنا راحة أتصل بأخويا حبيبي يديني 4000 جنيه. حنان: بتحلمي. يوسف: ربنا يهديكي يابنتي، أنا رايح أصلي المغرب. في بيت أحمد الدمنهوري. بعد ما حياة بدلت لبسها هي ومراد، راحوا يتغدوا سوا كلهم وخلصوا وقعدوا في الليفنج. أحمد: كويسة يا حياة يا حبيبتي دلوقتي؟ حياة: الحمد لله يا بابا. ياسين بهزار: لا لا، مش متعود عليكي كدا يا حياة، لأ. حياة بضحك: بس يالا. ياسين بهزار: يالا أنا ياسين الدمنهوري، يتقالي يالا.

(مفاجأة مش كده؟ أيوه يا جماعة، ياسين يبقى ابن عم حياة وابن خالة حياة، لأن والد ياسين أخو والد حياة، ووالدة ياسين أخت والدة حياة، بس والد ياسين متوفي) حياة بهزار: يابني حل عني بقى. ياسين بهزار: فاكرين لقطة... جيسيكا: ياسين، عايزك دقيقة. ياسين: حاضر، بعد إذنكم يا جماعة. هما: اتفضل يا بني. وروحنا البلكونة. جيسيكا: Mi parla con me, quando ci capiscono. (تحدث معي بالإيطالية لعدم فهم الآخرين) ياسين: Les in A. (لماذا؟

ماذا يوجد؟ جيسيكا بعصبية: Perché parlare con la vita di De Kater e finirli insieme fino a I. (لماذا تتحدث مع حياة هذه كثير؟ حتى أنك أخبرتني عنها كثير في إيطاليا، وأيضاً هي أول من قلت لها أننا راجعون) ياسين بعصبية: La vita di Jessica è mia sorella e non parla con loro così. (حياة أختي يا جيسيكا، ولا تتحدثي عليها هكذا مرة أخرى، وانتهاء الكلام) ودخل. جيسيكا بعصبية: اف اف اف. ودخلت وراه وقعدوا كلهم. سارة: ياسو.

ياسين: أيوه يا سرور. سارة: عايزة أتعلم إيطالي، والصراحة جربت من على النت أتعلم التركي معرفتش، فـ اتعلمت من المسلسلات. ياسين بضحك: حاضر، عيوني، هعلمك الأساسيات. سارة: هيه هيه، يلا يلا، ثواني أكتب وراك في الفون. حياة بضحك: اتعلمي اتعلمي. مراد: أهي هتقرفنا لو اتعلمت كلمتين. آية وأحمد: وياترى بقى هتتعلمي يا سارة؟ سارة: خلصتوا تريقة، اسكتوا بقى. نعمة: مالكوش دعوة بسارة حبيبتي.

سارة: حبيبتي يا نعومتي، يلا يا بني تعالى نخرج نقعد في الصالة لأنهم مش هيبطلوا. ياسين بضحك: حاضر، يلا. وخرجنا، وجيسيكا هتولع. في شقة حمزة. دخل هو ويونس وبدلوا لبسهم ودخلوا عملوا أكل وقعدوا كلوا. يونس: مراد كده مش جاي؟ حمزة: آه، أكيد يبقى يجي يوم تاني بقى. يونس: إن شاء الله. عند آش. آش: يابني، إنت ورايا ورايا! أدهم بسخرية: أنا مش فاهم، كل ما أمشي أتكعبل فيكي. آش: ليه؟ شايفني لعبة؟

أدهم: افف، بصي، أنا مش فايق، روحي روحي شوفي بتعملي إيه. آش: يعني أنا اللي عايزة أقف معاك. العامل قطع حدثهم. العامل: الحاجة يا آنسة. راحت آش جابت الحاجة وبصت لأدهم بقرف ومشيت. وراحت لياسمين. آش: خلصتي؟ ياسمين: آه، مالك؟ آش: قابلت اللي اسمه أدهم ده. ياسمين بضحك: تااااني؟ آش: مش عارفة، ورايا ورايا. ياسمين: طب بقولك، هروح أجيب لبن وأجيلك، استنيني. آش: حاضر. وهي ماشية حصل... استوووووووب. في بيت أحمد الدمنهوري.

ياسين علم سارة الأساسيات بالإيطالي وكده. ودخلوا الليفنج تاني. حياة بهزار: اتعلمتي يا أختي؟ سارة: نينيني، مالكيش دعوة. قامت جيسيكا تدخل WC وسابت فونها وكان جمب سارة. ورن وكان صامت، وسارة حست باهتزاز، بصت جمبها ولقت مكتوب: ****** واتصدمت. وقفنا الجزء اللي فات لما سارة شافت حاجة صدمتها في فون جيسيكا. شافت كلمة مكتوبة: mia madre (أمي) سارة لنفسها: أكيد غلط، أنا هخش أشوفها في الفون.

ودخلت بسرعة في الكلمات المكتوبة، ولقيت فعلاً إنها مكتوبة "أمي"، استغربت جداً، إزاي وهي قالت إن أهلها ميتين؟ فجأة جت جيسيكا مخضوضة. جيسيكا بخضة: فوني فين؟ أنا نسيته. سارة باستغراب: أهو جنبي. جيسيكا بعصبية: ماشي. وشدت الفون بسرعة، وكله مستغرب منها وسارة مستغربة. (جيسيكا نسيت الفون ورجعت تاخده بسرعة، بس ياترى فيه إيه ومين مامتها وهي قالت إنهم اتوفوا؟ ياسين لنفسه: هو في إيه؟ أنا هقوم أشوفها. روحت لها، لقيتها في البلكونة.

ياسين: مالك؟ ليه اتوترتي لما نسيتي الفون؟ جيسيكا بتوتر: لأ، متوترتش، إنت عايز توترني وخلاص. ياسين: أنا مقلتش كده، بس منظرك كان يقول كأن فونك اتسرق. جيسيكا بعصبية: هو إنت عايز تركبني غلط وخلاص؟ افف، إيه ده. ياسين بحدة: إنتي غلطي كتير، وجهزي نفسك، مسافرين بكرة الساعة 2، أنا وإنتي، والساعة 12 تكوني جاهزة عشان الطيارة، وده آخر كلام. ومشيت وأنا مضايق منها. عند عائشة وياسمين.

بعد ما ياسمين راحت تجيب اللبن، آش لسه بتمشي لقدام، حد عدى من قدامها بترجع لورا، خبطت في واحد وزقها بالعربية بتاعت المشتريات ووقعت. وفجأة جه من وراها أدهم وسندها، وبصت له واتخضت. عدى ثواني وقامت معاه. الراجل يدعى علاء: إيه الغباء ده؟ بترجعي لورا كده ليه؟ كنتي هتوقعي الحاجة، افف، ده اسمه غباء. آش بعصبية ودموع: إنت اللي خبطتني. علاء: إنتي بجد غبية، إنتي اللي رجعتي بضهرك.

أدهم بعصبية: ما تلم نفسك يا أخ، هو عشان ساكتين الله. علاء: وإنت مالك بيها بقى؟ إن شاء الله حد أصلاً وجه ليك أي كلام، هي اللي مبتعرفش تمشي. أدهم: اخرس يا حيوان. والصوت علي، وآش بتعيط، وكله جه وسكتهم. وياسمين خدت الحاجة وحاسبت وخرجت، خدت آش ومشيت بيها للعربية. آش بهدوء: بني آدم مستفز. أدهم جه من ورايا. أدهم: ابقي خدي بالك بعد كده، مش كل شوية مشاكل كدا. 3 مرات اتقابلنا صدفة، في كل مرة مشكلة.

آش بعصبية: محدش قالك تدخل ليا في حاجة، إنت اللي بتدخل. أدهم بعصبية: تصدقي؟ أنا فعلاً غلطان، مش عايز أشوف وشك تاني، يا ريت ولو حتى من بعيد، عشان بجد كل مرة بشوفك بتخرجيني عن شعوري، إنت شخصية معقدة في حياتك. آش بعصبية: ولا أنا عايزة أشوفك أصلاً، إنت بني آدم مستفز، يلا يلا يا ياسمين. وخدت ياسمين وراحت تركب العربية. وهي في العربية. آش بعياط: هو في إيه؟ كل فعلاً ما أقابله يحصل كدا؟ وكمان غلط فيا!

ياسمين: حبيبتي خلاص، اهدي، معلشي، كدا كدا مش هنشوفه تاني. في شقة حمزة. يونس: إيه القاعدة المملة دي؟ حمزة: يونس، روح هات يامن وامشي انت، على الأقل مش بسمعله صوت. يونس بضحك: اخص، لا بجد اخص. فجأة التليفون رن. يونس بهزار: ده يامن جه على السيرة. حمزة بضحك: طب رد. رد وفتح الاسبيكر. يونس: الو، إزيك يا يامن؟ يامن: إزيك يا يونس، عامل إيه؟ وحمزة عامل إيه؟ يونس: بخير الحمد لله. يامن: إيه مش هتيجي؟

حمزة رد: طب ما تيجي انت تقعد معانا. يامن: طيب، شوية وأجي. حمزة ويونس: تمام. وقفلو. يونس: أهو قلت هات يامن، هيجي بنفسه أهو. حمزة: ينور. في بيت حياة أحمد الدمنهوري. بعد ما ياسين دخل من البلكونة وكان متعصب. ياسين بعصبية: ماما، هتخليكي هنا في بيت خالتي وعمي، وأنا هسافر، وجيسيكا جاية معايا. نعمة: ماشي يا حبيبي، تروح وترجع بالسلامة. ياسين: إن شاء الله، السفر بكرة الساعة 2. مراد: معلش، تعالى ننزل شوية. مراد: طبعاً، يلا.

دخلنا بدلنا هدومنا وخرجنا. سارة وحياة دخلوا يقعدوا في الأوضة اللي فيها الأجهزة بتاعت الرياضة عشان سارة قالت لحياة تيجي معاها تكلم معاها، وبابا دخل يرتاح شوية، وخالتو وماما قعدوا مع بعض، وجيسيكا راحت البلكونة. في أوضة الرياضة. حياة: ها ياستي، قولي عايزة إيه؟ وطلعت على المشاية تتمرن.

سارة بقلق: جيسيكا لما قامت تخش التويلت، أول ما قامت فونها رن، وكان مكتوب "أمي" بالإيطالي، ولما دخلت اتأكدت لقيت فعلاً يعني "أمي"، وبعدها بدقيقة جت تجري تاخده، هو المفروض إن أهلها متوفين وهي قالت كده. حياة باستغراب: ممكن تكون خالتها مثلاً، أو أي حاجة، مش عارفة بصراحة. سارة: يمكن، بس برضه مقلق الموضوع. حياة بقلق: هنعرف يا بنتي، بس متكلميش في الموضوع ده مع حد. سارة: حاضر.

حياة لنفسها: بصراحة، مش هنكر إن قلقت، وأنا بردوا أول ما شفت جيسيكا دي مرتحتش ليها، بس الله أعلم. سارة بصوت عالي: حياة! حياااااة! حياة بانتباه: ها؟ إيه؟ في إيه؟ معلش سرحت. سارة: لا عادي، انزلي يلا بقى، روحي على أي جهاز تاني. حياة: حاضر، أهو. في مكان ما. يتحدثون بالإسبانية. مجهول1: La calamidad y despedida en nuestro cerebro. (كارثة قادمة علينا) مجهول2: En lo que hablo rápidamente. (تحدث، ماذا يوجد؟

مجهول1: Los estados comenzaron a quejarse. (لقد ابتدأوا في الشك بي) مجهول2: Me pronunciamos porque hablo español. (كيف؟ تحدثي، ولذا تتحدثي معي بالإسبانية؟ مجهول1: Ioa asan kada español español. (أيوه، لذا أتحدث بالإسبانية) مجهول2: Ok, estás seguro de que querían dudar de Vicky. (حسناً، أنت متأكد أنهم بدأو في الشك بك؟ مجهول1: sí. (نعم) مجهول2: La medicina de ellos confía en tu camino.

(حسناً، اجعلهم يثقوا بك مجدداً بطريقتك) مجهول1: Ok, líder. (حسناً، زعيم) «ماذا يوجد في هذه الحياة... لماذا يوجد أُناس هكذا بهذا القلب المتحجر» في فيلا يوسف الهواري. نورا: إزيك يا ماما؟ حنان: يختااااااي، عايزة إيه تاني يا نورا؟ نورا: سلامتك. حنان: هتعيدي المشهد تاني؟ طيب، أنا موافقة. نورا بضحك: لا خلاص خلاص، تعالي نرن على حمزة فيديو. حنان: يلا رني. رنت على حمزة، مرا رد. قالت يبقى مشغول. عند حمزة.

حمزة من المطبخ بيعمل قهوة: شوف مين يا يونس بيتصل. يونس: نورا. حمزة: اممم، طب تعالى هنا، اتصل عليها. واتصلت عليها ويونس جمبي. عند نورا. نورا: أهو بيتصل. رديت ببص لقيت يونس جنبه. حمزة بابتسامة: إزيك يا نوري؟ إزيك يا ست الكل. نورا بابتسامة: بخير، وإنت؟ حنان بحنان: الحمد لله يا حبيبي، وإنت عامل إيه؟ وإنت كمان يا يونس عامل إيه؟ يونس: بخير يا حبيبتي. نورا: إنتوا واقفين في المطبخ بتعملوا إيه؟

يونس بضحك: طبعاً فاكرة بناكل. بنعمل قهوة. نورا بضحك: اعملوا اعملوا. حمزة بضحك: طب يا أختي... أومال بابا فين يا ماما؟ حنان: دخل يريح شوية يا حبيبي، أصل أختك مجننانا. حمزة ويونس بضحك: عملت إيه؟ نورا بهزار: يرضيك يا حموزي إنت وينوس؟ قطعها يونس: لامؤاخذة في الكلمة، مين وينوس؟ نورا: إنت. حمزة بتريقة: إيه يا وينوووس؟ يونس بتوعد: لما أشوفك بس.

نورا بضحك: المهم، بقولهم عايزة 4000 جنيه أغير لون العربية لجلاكسي وأجيب ميك أب، يزعقولي وماما تجري ورايا بالشبشب، قلت لهم إنك هتدهملي. حمزة: عيوني طبعاً. نورا بصياح: أنا قلت والله إنك اللي هتديهملي، هات بقى. حمزة ليونس بضحك: تعالى يابني ننزل نجيب 20 علبة سبراي أبو 40 جنيه ونظبط لها العربية والألوان، ومن يامن تظبط وشها ويديها وش محارة على وش معجون، وكله مش هيجيب ألف جنيه. حنان: أهو سهل، أخوكي جاب الفكرة أهو.

نورا: والله إنتو أسرة رخمة. الجرس رن عند حمزة وراح يفتح ولاقى يامن. يامن: سلامو عليكم. حمزة: وعليكم السلام، خش. دخل وحمزة قفل مع نورا وراحوا قعدوا كلهم. عند حياة وسارة. الباب بيخبط. حياة: ادخل. دخلت جيسيكا. جيسيكا: سألت عليكم طنط آية، قالت لي إنكم هنا، ممكن أقعد معاكم. سارة: طبعاً، خشي. جيسيكا: شكراً. حياة: العفو. جيسيكا: إنتوا عندكم مواهب؟ سارة: آه، أنا رسم. حياة: أنا الغنى.

جيسيكا: اممم، أنا بعرف أعزف جيتار، ما تغني يا حياة. سارة: آه، غني. حياة: حاضر. وبدأت تغني أغنية لعمر دياب. بعد ما خلصت. جيسيكا: صوتك رائع، حقيقي. سارة: أختي عسولة وصوتها عسول. حياة: حبايبي. عدى الليل عليهم بهدوء وجه وقت سفر ياسين. ياسين: هشوف أوامري يا ماما وأظبط حالي وأرجع يا حبيبتي. نعمة: تروح وتيجي لي بالسلامة، خدوا بالكم من نفسكم. سلمنا عليه وعلى جيسيكا ومشي.

روحنا البيت وعدى كل حاجة بسلام، وجه تاني يوم يوم تدريبي. روحت التدريب وكل حاجة ماشية بانتظام، وجه تاني يوم الساعة 11. مراد دخل لحياة الأوضة. مراد: حياة، يوسف باشا عاوزك تيجي معايا. حياة باستغراب: ليه؟ مراد: مش عارف، البسي وتعالي معايا يلا. حياة: حاضر. لبست وروحت مع مراد. أول ما دخلنا شوفت يونس وحمزة. مراد: محدش يعرف في إيه؟ يونس: لا، منعرفش، اتصل بيا قال تعالوا، عاوزكم ضروري. دخلنا ليوسف. يوسف: أهلاً أهلاً بيكم.

إحنا: أهلاً بحضرتك. يوسف: عايزكم في موضوع مهم، وحياة هتكون الأساس. حياة باستغراب: اتفضل. يوسف: ********* حياة بصدمة: إيييه؟؟؟