رواية حياة ظابطة الفصل التاسع عشر 19 - بقلم سما الحملاوي

صحيت خدت شاور لبست ترنج كحلي والطرحة وحطيت ملمع شفاه ولقيت نورا بتتصل. حياة: صباح الفل يانورا. نورا: صباح الجمال. بقولك... حياة: قولى. نورا: هنخرج النهاردة، وأنا قولت لأش. قولى لسارة. حياة: ماشى، بس هبقى ارجع البيت اغير عشان عندى تدريب واجى. نورا: طب ابقى عدى عليا في البيت. حياة: حاضر ياقلبى. باى. نورا: باى ياقمر. وخرجت حياة بمرح. حياة: صباح الخير يا اهل المنزل. أحمد: صباح الفل ياحبيبتى. حياة: الباقى فين؟

أحمد: مراد نزل الشغل، وسارة نايمة مش وراها محاضرات، وماما بتحضر الفطار. حياة: طيب ياحبيبي، لما سارة تصحى قولها إننا هنخرج مع عائشة ونورا. أنا هنزل بقى. أحمد: طيب ياحبيبتى. ولما ترجعى نبقى نقعد نتكلم سوا. حياة: عيونى. ورحت اصبح على ماما ونزلت. بعد ما وصلت لقيت يونس ومراد وحمزة. حياة: صباح الخير. الكل: صباح النور. يونس: يلا يا آنسة حياة عشان نتدرب. حياة: تمام ياباشا. مراد بضحك: خف عليها شوية. يونس بضحك: حاضر ياباشا.

*** في فيلا يوسف الهواري. نورا: مامتييي. حنان: إيه؟ إيه؟ نورا: أنا هروح الشركة وهخرج بعدها مع حياة وأش وسارة. حنان: ماشى ياحبيبتى. متتأخريش. نورا: عيونى. ومشيت روحت الشركة. *** في فيلا أحمد الهواري. يامن: أش وراكى كلية؟ أش: أه ورايا. يامن: طيب تعالي أوصلك. أش: ماشى. ونزلنا ركبنا العربية. يامن: العربية اتصلحت وجاية انهاردة وهعلمك عليها كل حاجة. أش: تمام. سكت شوية وبعدها...

يامن: هو أدهم دا انتوا صدفت وتقابلتوا قبل كدا؟ أش: أدهم مين؟ يامن: أدهم اللي خبطك. أش: آآآه، أه اتقابلنا مرة كان... وحكتله الحكاية. يامن: آآآه عشان كدا مكنتوش طايقين بعض أوي. أش: ونبي افتكر حاجة عدلة. يامن: حاضر ياستي. ووصلني. *** عدى الوقت بسرعة وحياة خلصت التدريب وبقت كويسة جداً وبعدها راحت تبدل هدومها. وأش خلصت الكلية ورجعت، ونورا رجعت من الشركة. ومراد اتفق مع حمزة ويونس ويامن يخرجوا هما كمان.

وحمزة راح الفيلا عشان ياخد نورا معاه يوصلها. *** عند حياة. حياة: يلا يا سارة نقوم نلبس. سارة: حاضر. ودخلنا نلبس. حياة: امممم اللبس إيه بس؟ هلبس دا. ولبست بنطلون بوي فريند أسود على بلوزة نبيتي فيها نقط سودا وطرحة أوف وايت وشنطة كروس سودا وسلسلة عليها قلب وخاتم وكوتش أسود وحطيت روج نبيتي فاتح ومسكرا.

سارة: لبست بنطلون جينز أسود على بلوزة مينت جرين على طرحة سودا وشنطة كروس مينت جرين وأسوار وخاتم وكوتش أبيض وحطيت مسكرا وروج بينك. *** عند أش. لبست دريس أسود فيه ورد نبيتي وطرحة نبيتي ولبست شنطة سودا أسوار وجزمة هيلز كعب صغير سودا وحطت روج نبيتي ومسكرة وبودر خفيف. *** عند نورا.

لبست بنطلون جينز أزرق غامق على بلوزة موف على طرحة زرقاء غامق على شنطة كروس موف على كوتش أبيض على سلسلة على حرف N على أسوار وحطت روج موف ومسكرة وبودر. *** كلهم خلصوا تجهيز حتى الشباب. *** عند حياة. مراد: يلا يا حياة، يلا يا سارة. الاثنين: حاضر. نزلنا وركبنا العربية. *** عند نورا. حمزة: يلا يا نورا. نورا: حاضر أهو. نفس أركب العربية بتاعتي. حمزة بضحك: تعالي تعالي. انهاردة هبات معاكوا وهعلمك كل حاجة. نورا: تمام.

ونزلنا ركبنا العربية. *** عند أش. يونس: يلا ننزل. يامن: لحظة بلبس الساعة. أش: أنا خلصت. يامن: وأنا. يلا. يونس: يلا. ونزلنا ركبنا العربية. *** وصلنا كلنا مكان حلو. حياة نزلت من العربية. راحت وقفت تستنى نورا لحد ما جت. حياة خدتها بالحضن. حياة: نورا وحشتينى. نورا: انتى أكتر والله. ازيك يا سارة؟ وحضنتها. سارة: الحمد لله. انتى أخبارك؟ نورا: بخير. واش جت وسلموا عليها والشباب سلموا على بعض. ودخلوا كلهم.

نورا: إحنا نتغدى على طول. سارة: أه، أنا بقول كدا بردوا. أش: أنا عن نفسي مكلتش. حياة: ولا أنا. نورا: يبقى نطلب. وشافوا كل واحدة هتاخد إيه. *** عند الشباب. يونس: ناكل إيه بقى؟ حمزة: إيه يا بني انت على طول جاي تاكل. يونس: أنا مكلتش من الصبح. مراد: ولا أنا. تعالوا نشوف نطلب إيه. يامن: أنا كمان جعان. حمزة: وهو أنا يعني اللي مش جعان؟ يلا نطلب. وكلهم شافوا هياكلوا إيه وطلبوا. وقعدوا كلهم يهزروا ويضحكوا.

حياة بضحك: بجد يا أش انتى مسخرة. انتي إيه اللي عملتي في الواد دا؟ أش: بردوا هو اللي خبطني. سارة: أهي من امبارح على كدا. نورا: لا بجد الراجل محترم. أنا لو منك كنت شعلقتك. أش: إيه يا جماعة؟ مش للدرجة دي. فضلنا نضحك ونهزر وبعدها حاسبنا وقومنا نخرج. وقفنا شوية وبعدها ركبنا العربية ومشينا. وروحنا كلنا وبدلنا هدومنا. ورحت أشوف بابا عاوزني في إيه. حياة: أحلى بابا، كان عاوزني في إيه؟ أحمد: تعالي ياحبيبة بابا. حياة: إيه.

أحمد: عاملة إيه في تدريبك ياحبيبتي. حياة: الحمد لله يا بابا. أحمد: طيب ياحبيبتي بطمن عليكي. محتاجة حاجة. حياة: لا ياحبيبي أنا تمام. متقلقش. أحمد: ماشى ياحبيبتي. *** عدت الأيام وجه يوم ما ياسين كان راجع. روحنا المطار نستقبله. بعد ما شوفنا. حياة: ياااااسووو. والله يا جدع. عاش من شافك. وسلمت عليه وكلنا سلمنا عليه. وسلمت على خالتي.

(ياسين عنده شركة في إيطاليا كبيرة للاستيراد والتصدير وشركته معروفة. عنده 24 سنة. شكله عسلي فاتح وأبيض وشعره بني ناعم طويل لحد نص وشه. وجسمه رياضي. شخصيته مرح بس في العصبية مش متفاهم. مبيحبش الخيانة نهائي.) ياسين: والله إنكم وحشتوني. أعرفكم على خطيبتي جيسيكا. حياة بهمس لسارة: ابن خالتك عقله طار. مين دييي؟ سارة بهمس: باين كدا والله أعلم. جيسيكا: ciao ragazzi. حياة: بتقول إيه ياسين؟

جيسيكا: بقولكوا هاي شباب بس بالإيطالي. ياسين: جيسيكا من أب مصري وأم إيطالية. سارة: آآآه. (جيسيكا بنت جميلة بشعر أصفر وعيون زرقاء. رفيعة. لبسها كله قصير ومفتوح. بتتكلم عربي وإيطالي.) مراد: طب يلا يا خالتي. يلا يا ياسين. خالة مراد نعمة: يلا ياحبيبي. ووصلنا هنا البيت وماما استقبلت خالتي بالحضن طبعاً وقعدنا سوية. وياسين قال إنه هيحكيلنا على ليه بقاله 3 شهور مش بيكلمنا.

ياسين: الشركة اتعرضت لسرقة وشوية حوارات من دي وموظفين طلعوا عندي خاينين وطلعوا بيعملوا لشركة منافسة ليا عاوزين يوقعوني. ولما عرفت إنهم تابعين لشركة تانية كنت ماشي بالعربية بعتوا ناس يضربوا عليا نار والعربية لفت واتخبطت واتقلبت على جنبها. وظهرت يومها جيسيكا. فلاش باااك. جيسيكا: Oh Dio, è decisamente morto. Aiutami aiutarmi. (أوه ياللهي إنه بالتأكيد مات. ساعدوني ساعدوني.)

وجم ناس وساعدوا وركبتوا عربيتي ووديتوا المستشفى. في المستشفى. جيسيكا: Dottore rapidamente allume. (دكتور بسرعه الشب بيموت.) الدكتور: sala operatoria della guancia rapida. (بسرعه انقلو أوضة العمليات.) بااااااااك.

ياسين: بس كدا. وطلع عندي كسر في الرجلين وقعدت اشتغل من البيت. أرجع الشركة تقف تاني والموظفين اللي بثق فيهم كانوا معايا وفعلاً رجعت تاني. وطبعاً معايا جيسيكا وفضلت تساعدني وبعدها اتخطبنا. وقررت أرجع مصر وهنقل الشركة هنا. وجيسيكا أهلها متوفين ونزلت معايا لأنها مجتش مصر بقالها 12 سنة. أحمد: الحمد لله يابني عدت على خير. نعمة: الحمد لله دا من فضل الله. حياة: يلا يا نعمة ياحبيبتي خشي ارتاحي.

ياسين: لا يا خالتوا أنا هروح أحجز في فندق لحد ما أشتري شقة. أحمد: والله تبقى عيبة، يعني بيت أهلك مفتوح وتبات بره. مراد: أيوه طبعاً. يلا خش يابني نام في أوضتي. ياسين: خلاص، هوصل جيسيكا بيت أهلها وأرجع. حياة: تمام. روح. راح يوصل جيسيكا ورجع البيت. وخالتو نامت في أوضتي وأنا نمت مع سارة. وياسين نام في أوضة مراد ومراد نام في الأوضة لأن الأوضة فيها كنبة بتتفتح سرير. بليل. اتغدينا وقعدنا كلنا.

ياسين: عمو أحمد ممكن أتكلم مع حضرتك. أحمد: طبعاً ياحبيبي اتفضل. وراحوا البلكونة. ياسين: لو ينفع إن حضرتك تضم الشركة بتاعتي اللي هنقلها هنا مصر، نضمها على شركة حضرتك ويبقوا مع بعض. يعني هما الاتنين نفس المصدر. أحمد: معنديش مشاكل أبداً أعمل كدا. دا حتى نوسع الشركة. ياسين: شكراً جداً بجد. أحمد: العفو ياحبيبي، انت زي ابني. ودخلنا نقعد معاهم تاني. ورن تليفون ياسين. ياسين: الو...... ياسين: إييييه انتييي بتقولليييي إييييه؟

أنا جاي حالااااً.