رواية حياة ظابطة الفصل الثاني والثلاثون 32 - بقلم سما الحملاوي

وقفنا البارت لما مراد فتح الباب. مراد: أيوه مين حضرتكم؟ نيمار: أنا نيمار هانم، أنت مراد صح؟ مراد باستغراب: أيوه أنا، مين حضرتك؟ نيمار: ممكن ندخل جوا، مينفعش نقف كدا على الباب. مراد: طبعًا طبعًا، اتفضلي. دخلها ودخلوا الصالون. مراد: اتفضلي اتكلمي. نيمار: أنا نيمار هانم، والدة دارين وعاصم. مراد بهدوء مريب: وحضرتك عاوزة إيه؟ نيمار: متفهمنيش غلط لو سمحت يامراد، أنا جايه هنا وأنا مكسوفة منك، ممكن تناديلي حياة؟ مراد: لحظة.

وراح جاب حياة من أوضتها بالكرسي، وفهم أهله وفهمها وخرج. أول ما نيمار شافتها دموعها نزلت عليها، كله بسبب ابنها جه لشابة زيها كدا شلل. حياة: اتفضلي حضرتك، عاوزة إيه؟ نيمار: قبل كل حاجة، أنا عاوزاكم تسامحوا عاصم ودارين، ندموا. أنا بعتذر ليكم على كل حاجة. حياة بحدة: آسفة مش هقدر أسامح، دخلني جوا يامراد. نيمار بدموع ونزلت على

إيد حياة وهي سحبتها بسرعة: ارجوكي ابني خايف من ربنا، ارجوكي سامحي، وأنت يامراد والله هعملكم أي حاجة. حياة بدموع عشان شافت الصدق في عيون نيمار ولأنها شافتها زي والدتها: لا متعمليش كدا، أنا مسامحاهم وربنا يسامحهم، أنتي زي والدتي. وقربت منها وحضنتها. نيمار: مش عارفة أقولك إيه، وعمليتك عليا هتكلف بكل حاجة، وأنت يامراد. مراد بابتسامة: طبعًا مسامحهم. نيمار بصتلهم

شوية وانهارت في العياط: ابني هيروح، فضلت أنصحوا هو ودارين يبعدوا عن أبوهم. حياة ومراد قربوا منها وقالوا: هما غلطوا وخدوا عقابهم، وربنا هيكون حنين عليه. مراد: وأنا أعتبريني ابنك ولا إيه؟ نيمار: طبعًا، وعاوزاكم تسألوا عليا كتير زي أمكم. حياة بمرح: أمنا إيه، تعالي بس دا أنتي صحبتي، ياماااامااا يا سارههه يا ناس يا اللي بره. كلهم دخلوا. حياة: أحب أعرفكم أمي الجديدة نيمار. مراد: أمنااا. نيمار بفرحة: ربنا يخليكم ليا.

ايه: وخلاص بقت أختي. أحمد: أهلاً بيكي. سارة: وأنا مش هتبقي أمي؟ نيمار: لا طبعًا هبقي مامتك. وخدتهم كلهم في حضنها. نيمار: هستأذن أنا، وعملية حياة عليا. ايه: مفيش الكلام دا، هتتغدي معانا. حياة: وإزاي أم تعوض بنتها، أنا المهم عندي إنك تكوني أمي. نيمار: ربنا يديمك ليا ياحياة، بس عشان أنا أمك عمليتك عليا. حياة: خلاص هنشوف الموضوع دا بعدين، المهم نشوف ست ماما عاملة أكل إيه النهارده. وشدتها ومراد زق الكرسي.

في فيلا يوسف الدمنهوري. في أوضة حمزة. حمزة قاعد سرحان ومهموم من اللي حصل في حياة. حمزة: حياة خفي وأنا هقولك كل اللي في قلبي، يارب تكوني بتحبيني زي ما بحبك. قطع تفكيره تخبيط على الباب. حمزة: ادخل. دخلت نورا. نورا: حمزة ينفع تاخدني معاك لحياة النهاردة وعاوزة أقعد معاها يومين أهتم بيها. حمزة: ماشي موافق ياحبيبتي، بس قولتي لبابا؟ نورا: آه ووافق. حمزة: ماشي ياحبيبتي. جت تخرج بس وقفت ورجعت بصت لحمزة. حمزة: خير؟ قولي.

جريت عليه واترمت في حضنه كأنها كانت مستنية يقولها. نورا بدموع وشهقات: أنا خايفة على حياة، هي موجوعة، أنا حاسة بيها والله، أنا بحبها، خليها تعمل العملية. حمزة وهو بيمسد على شعرها: اهدي يانوري، هتبقي كويسة وأنا هتكلم معاها تعمل العملية، متقلقيش، ولا أنتي مش واثقة فيا؟ دا أنا نمر المخابرات يابت. نورا بضحك وسط دموعها: مغرور.

حمزة بغرور: طبعًا لازم أكون مغرور، بقولك نمر المخابرات، اسمي كدا حمزة الدمنهوري نمر المخابرات، فاااهمه😂♥. نورا بضحك: بس بس خلاص يامغرور، عرفت إنك نمر المخابرات😂. حضنها وهي قامت تخرج ونزلت تحت. في فيلا أحمد الدمنهوري. في أوضة عائشة. عائشة في الفون: والله يا أدهم حياة صعبانة عليا أوي. أدهم: اهدي بس يا اش، هي هتبقي كويسة، متقلقيش. عائشة: يارب. أدهم: هتيجي الجامعة بكرة؟ عائشة: آه بإذن الله. أدهم: نتقابل بقى بعد الجامعة.

عائشة بفرحة: اممم اشطا نتقابل. أدهم: اشطات يا اشئوشي😂. عائشة بغيظ: بطل تقول الدلع دا. أدهم: خلاص خلاص مش هقوله😂. عائشة: اقفل اقفل يا أدهم، اقفللل. قفلوا سوا وهي قامت تذاكر شوية. في فيلا أدهم المنياوي.

أدهم عايش في فيلا والده دكتور جراحة قلب، والدته خريجة تجارة مش بتشتغل، عنده أخت وأخ. أخوه أصغر منه بسنتين في كلية طب صيدلة، خلص من سنة، بيشتغل في فرنسا، هينزل السنة دي. اسمه هادي، عيونه أخضر عسلي، بشرة قمحاوي، طويل وجسمه رياضي. وعنده أخت عندها ٢٢ سنة في آخر سنة جامعة بيزنس اسمها هدير، بتدور على شركة تدرب فيها. عيونها سودا واسعة، عندها رموش كثيفة، شعرها أسود طويل لنص ضهرها ناعم. بيضة، مش طويلة ومش قصيرة. في أوضة أدهم.

أدهم لنفسه: وقعت ومحدش سمى عليك يا سي أدهم، وبعدين هتعترف لها إمتى؟ قطع تفكيره دخول أخته المشاكسة. هدير: يا سي أدهم بتفكر في إيه؟ أدهم: قاطعت اللحظات، تعالي ياقلب أخوكي😂. هدير: قلبي أنااا، بتعمل إيه كدا😂. أدهم: بفكر في تخرجي اللي بعد شهرين دا😂. هدير: اوبااا بقى تخرج وشغل عالي😂. أدهم: بت انتي هبلة، ما أنتي هتتخرجي قبلي بأسبوع😂. هدير: آه صح نسيت😂. احكيلي بتحب ميننن. أدهم باستغراب: بحب!!! بحب إيه؟

هدير بخبث: أدهم أنا عرفاك بقالي ٢٢ سنة، فيا ريت تقول وتخلصني😂. أدهم: اترزعي. قعدت جمبه على السرير وسندت ضهرها على ضهر السرير. هدير: احكي ياسيدي، كلي أذن صاغية😂. أدهم: اشطا. وبدأ يحكلها كل حاجة. هدير: ياسيدي ياسيدي، طيب إيه فين الارتباط؟ أنتو هتفضلوا ماشيين كدا؟ أدهم: ماشيين!!! هدير: أقصد صحاب يعني😂. أدهم: هتشل منك، هقولها بس أول ما يجيلي الشجاعة. بس خايف تطلع معتبراني صديق أو أخ.

هدير: إن شاء الله لا وتكون بتحبك. بس عرفني عليها وأنا هجبلك كل التعليمات😂. أدهم: فكرة بردو، ماشي، بكرة تعاليلي الجامعة وهعرفكم على بعض. هدير: تمام، أنا راحة أنام حبة، سلام ياحبيبي. واه لو الواد هادي كلمك قولوا يكلمني عشان زعلانة منه. أدهم: عيوني، سلام ياقلبي. خرجت هدير وأدهم قعد على الفون. في فيلا أحمد الدمنهوري. عند يامن. كلم سارة وقالتله على اللي حصل وقفلوا سوا وراح لعائشة. يامن: اش هنروح لحياة بكرة نطمن عليها.

عائشة: تمام ياحبيبي. وخرج رجع أوضته. في أوضة يونس. كان مخنوق ف قام يلبس عشان يخرج شوية. نزل ركب عربيته وراح لمكان هادي محاوط بأشجار خضرا والنيل قدامه. راح قعد هناك في هدوء وطلع صورة لي هو وأحمد.

يونس: أحمد ازيك، فاكر المكان دا كان مكاننا المفضل أنا وأنت وحمزة. مراد كان انطوائي، أنت كنت ديما معانا. وحشتني ياصديق عمري، وحشتني وحشتنا ذكرياتنا، وحشتني أيامنا سوا. حياة خدت حقك بس للأسف اتصابت. أنا مريت بحاجات كتير أوي في بعدك وحشة. بعد ما اتوفيت قربنا من مراد وبقينا فريق. شوفناك في مش بس شكل، لا وكمان روح. وبعدها مشي ورجع تاني واتصاب وخف. وحشتني ياصديق عمري. جه عليه بنت وقطعت حديثه مع نفسه.

البنت: يونس باشا بتعمل إيه هنا. يونس: أنا، ونس، ازيك؟ أنتِ بتعملي إيه هنا؟ دا مكاني المفضل. ونس: وأنا برضو دا مكاني المفضل، صدفة حلوة. يونس بإعجاب: آه أوي. قولي يونس بس من غير باشا. ونس: تمام. قعدوا يتكلموا كتير أوي حتى عدى ساعتين ومحسوش بالوقت. ونس: يااااه، عدى كتير أوي. يونس: آه فعلًا الوقت عدى بسرعة. ونس قامت: طيب همشي أنا. يونس: امممم، طيب هاتي رقمك يمكن نتقابل تاني. ونس: اتفضل ٠١٠*****

يونس: تمام، سجلته، نبقى نتكلم بقى. ونس: طيب همشي. يونس: تعالي أوصلك في طريقي. ونس: لا شكرًا عشان هجيب حاجات وأنا مروحة. يونس: على راحتك، سلام. ونس: سلام. مشيت ويونس اتنهد بقوة وراح يركب عربيته واتجه للفيلا تاني. في فيلا ياسين الدمنهوري. ياسين قاعد في أوضته بحزن كبير بيفتكر ذكرياته مع دارين وقال: ليه عملتي كدا يادارينة، علقتيني بيكي جامد ليييه يا دارينة ليييه؟

أنا حبيتك أكتر ما تتصوري، حبيتك بكل قلبي. ربنا يشيل حبك من قلبي يادارينة. دخلت عليه نعمة. نعمة: ياسيني. ياسين بحزن: أيوه يا أمي. نعمة حضنته: هتعدي يابني وهتنسى وهتحب تاني وهتتجوز وهتعيش، هتعدي، ثق في ربنا وثق فيا. ياسين: يارب يا أمي، يارب. في فيلا أحمد الدمنهوري. نيمار اتغدت معاهم فعلاً وبعدين مشيت. قعدوا يتكلموا سوا. أحمد: سارة حبيبتي، هنعملك الخطوبة بعد عملية حياة. سارة: طبعًا يا بابا.

حياة بجدية: الكلام دا مش هيحصل. وقفنا لما حياة اعترضت على كلام أحمد. حياة: الكلام دا مش هيحصل. ايه: في إيه ياحياة؟ أحمد: يعني إيه؟ حياة بابتسامة: خطوبة سارة هتم آخر الأسبوع، يعني كمان ٥ أيام، ويادوب نلحق. سارة: لا طبعًا. حياة بابتسامة: شششش بس يابت، تعالي هاتي حضن. راحت لها سارة تحضنها: أنتي أختي الصغيرة وهفرح بيكي ياسروري، مافيش كلام تاني، الخطوبة كمان ٥ أيام. اتصلي بيامن يلا. سارة ضحكت وراحت تتصل بيامن. حياة: هاتي.

خدت الفون ويامن رد. يامن: أيوه ياحبيبتي. حياة هزار: حبيبتك؟ طيب هقولها إنك قولتلي كدا. يامن باستغراب: حياة، في إيه؟ حياة: خطوبتكم كمان ٥ أيام، جهز نفسك، بكرة هننزل نشتري الشبكة. يامن بفرحة: بتهزري صح؟ ونبي قولي إنه حقيقي. حياة بضحك: طبعًا حقيقي، أنا هكذب مثلاً😂. خلصوا كلام وهزار وقفلوا معاه. أحمد بضحك: أنا مش هتكلم. حياة: يابوب تتكلم إيه بس، تعالي هات حضن😂. أحمد راح حضنها: كنتي وحشاني يابت ياحياة.

حياة بضحك: أنا قاعدة هنا أهو😂. ايه: أنا عاوزة حضن. حياة: بس كدا، تعالي في حضني يا أمومة😂. ايه حضنتها. حياة: مراد. مراد بحزن: أيوه ياحبيبتي. حياة: هات حضن، جت عليك😂. مراد راح لها بسرعة وحضنها حضن كبير. حياة: كدا كلكم حضنتوني😂. أحمد: آه كلنا. حياة: طيب اتصلوا بياسين وخالتو ينزلوا. ايه: ماشي هروح أكلمهم. مراد: حمزة ونورا وأهله جاين يطمنوا عليكي. حياة: ينوروا، معلش يامراد دخلني أوضة أحمد. مراد: حاضر.

زق مراد الكرسي ودخلها أوضة أحمد. حياة: اقعد عند الأجهزة بقى، أنا عاوزة أقعد حبة لوحدي😂. راح مراد ناحية الأجهزة. (أوضة أحمد كبيرة وفيها جزء سايبين في هدوم وحاجة أحمد كلها، والجزء التاني عاملينو زي جيم صغير. هما شالوا السرير والكمود والدولاب وكدا) حياة راحت ناحية حاجته ومسكت صورته. حياة بدموع: أحمد حبيبي، أنا كدا به، أنا مش قوية، أنا ضعيفة في بعدك. وحشتني يا نور عيوني، وحشتني ذكرياتنا.

مسكت ذكرى ليهم وضحكت بحزن وافتكرت. فلاش باك من ٧ سنين. حياة: لا ياعم مش لاعب، أنت بتكسب عشاني. وقامت تمشي. قام أحمد يجري وراها. أحمد: ونبي وأنا بعمل كدا عشانك. حياة شافته بيجري جريت بسرعة: خلاص يا أبو حميد بهزر ياخالي، في إيه. أحمد: مش هسيبك والله. جريت وفتحت الباب ونزلت. حياة: اجري ورايا بقى😂. نزل أحمد وراها. أحمد: مش هسيبك وربناا، تعالي يابت😂. حياة بضحك: أبداً😂.

جريت حياه بأقصى سرعة وأحمد وراها لحد ما شافت كلب فوقفت وخافت تقرب. أحمد جالها: جبت إيه؟ دا كلب😂. حياة: امشي يا أحمد بقى. أحمد بهزار: هفكر. حياة: يا عم بطل هزار، أنا خايفة أتحرك. الكلب بدأ ينبح عليهم ويجري وراهم. أحمد بضحك: اجري ياحيااااه، الجري كل الجدعنة. مسكها من إيدها وبدأوا يجروا. حياة وهي بتجري: أومال حربية إيه بقى اللي أنت فيها ياحلو😂. أحمد: ياستي دا كلب مفتر'س، اجريي.

طلعوا يجروا لحد ما وصلوا لجنينة والكلب بعد عنهم. حياة بتعب: هوووف، مشي😂. أحمد: كله منك، أحنا فين😂. حياة: ولا أعرف، تعالي ندور على أي مكان نرتاح فيه. قعدوا على الرصيف لما لاقوش حاجة يقعدوا عليها. حياة بتبص على الأرض شافت حجر حلوة أوي ولونها حلو وزي ما يكون حجر مرسوم عليه. حياة: الله، حلوة أوي، أنا هاخدها. أحمد: فعلًا حلوة، تعالي ناخدها ونغسلها، يلا نرجع بقى. وأخدوها ومشيوا في الشارع.

أحمد: حياة، أنتِ حقيقي مش أختي بس أنتِ صحبتي وكل حاجة. حياة: حبيبي، أنا مش هخليك تتجوز، أنا خاطباك أصلاً😂. أحمد: متقلقيش، قاعد لك😂. فضلوا ماشيين وهما بيضحكوا لحد ما الليل ليل عليهم. بااااااااك. حياة: ااااااه يا وجع قلبي عليك، أنا عارفة إن مراد تؤامك، لاكن أنت كنت تؤام روحي، الله يرحمك يا أبو حميد. ابتسمت بدموع واتحركت بالكرسي ناحية مراد. مراد بوجع: أنتي شايفة موجوعة إزاي عليه؟

أنا بقى تؤامه وحاسس إن في قطعة اتشالت مني. شوفتي هو كان تؤام روحك، أما أنا تؤام كل حاجة. لما اتصابتي أنا حسيت بوجع كبير جوايا، حسيت إني ممكن أفقد حياتي زي ما فقدت تؤامي. حياة حضنته وفضلوا يعيطوا سوا وقالوا في صوت واحد: اااااااااه على وجعع قلبناااا عليك يا احمددد. قطعهم دخول سارة عليهم بدموع.

سارة: أنا عارفة إن انتو كنتو أقرب مني لأحمد، بس أنا كنت بعتبره أبويا مش أخويا الكبير، ممكن تكونوا فاكرين إن مش موجوعة زيكم، لاكن أنا جوايا كسرة بس بحاول أداريها. ربنا يديمكوا ليا. راحوا حضنوها وفضلوا حاضـ... ـنين بعض لحد ما سمعوا جرس الباب، قاموا خارجين. كان ياسين ونعمة. حياة: نورتوا والله، إيه يا خالتي طلعتوا جري على فوق، نسيتوني أخس😂. نعمة: يا عيون خالتك، قولنا نسيبك ترتاحي. حياة: حبيبتي، ياسين تعالى ورايا.

زق الكرسي وراحوا على الصالون. ياسين: أيوه يا حياة. حياة: انسى يا ياسين دارين وانسى كل اللي فات، ابدأ من جديد. ياسين: كنت بحبها. حياة: ياسو، أنا اتعودت عليك قوي، أنت لسه صغير، هتقابل تاني وتالت ورابع، مش هتقف عليها، ودا اختبار من ربنا وهيعدي يا ياسين. ياسين: صح يا حياة، هنبدأ من جديد، بس إيه العقل دا. حياة بفخر: طبعًا دا أنا حياة، زقني يابني الكرسي دا زهقني😂. ياسين عارف إنها موجوعة بس بتبين إنها بتهزر، فسكت.

يا الله تنصتي لمشكلات الآخرين وانتِ كل ما بكِ هو الوجع. يا الله على هذه الحياة، إنها جبل صامد. زقها وخرجوا برا والجرس رن ودخلوا حمزة وعائلته. دخلوا ورحبوا بيهم. يوسف: عاملة إيه يابطله دلوقتي. حياة: الحمدلله يا أونكل، أنا تمام. حنان: أنتِ بخير يا حبيبتي. حياة: إيه يا حنون، دا أنا حياة😂. حنان: يامغرورة😂. نورا: ديما بخير يا حب. حياة: امواه ياحبي أنا😂. حمزة: الجر'ح مش واجعك؟ حياة: احم، لا أنا تمام الحمدلله.

نورا: أنا هقعد معاكي يومين لحد ما تتحسني. حياة: كنت هقولك كدا عشان عقبالك، سرور خطوبتها كمان ٥ أيام، طبعًا كلكم معزومين، أول ناس. حنان: ألف مبروك ياسرور. يوسف: مبروك يا بنتي. حمزة: مبروك ياسارة. سارة بابتسامة: الله يبارك فيكم كلكم يارب. نورا: ألف مبروك ياحبيبي. سارة: الله يبارك فيكي يانوري، هتقعدي معانا بقى عشان تجهزي معانا ياستي. نورا وحياة: اوبا بقى😂. حمزة بهمس لحياة: هنتكلم في الموضوع اللي متفقين عليه.

حياة: اممم، ما تخليها بكرة واحنا بنجيب الشبكة، بعدها نروح أي مكان نتكلم. حمزة: تمام، ماشي. بعد شوية من ضحك وهزار نورا وسارة، عدى ساعتين، استأذنوا عشان يمشوا ونورا فضلت مع حياة وسارة. وبعد شوية نعمة وياسين طلعوا. دخلوا سارة وحياة ونورا يقعدوا مع حياة، وبعدها سارة ونورا دخلوا يناموا وسابوا حياة. يامن قال لأهله وانبسطوا جدا. تاني يوم. في السجن. عند عاصم. كان قاعد يصلي ويدعي ودموعه نازلة، خلص وشاف العسكري.

العسكري: عااااصم، جاهز. عاصم بخوف: جاهز. خدوه وراحوا لماجد. ماجد: جاهز. خدوهم وراحوا عند أوضة الإعدا"م. عاصم بدموع: أنا مش مسامحك أبداً على أي حاجة ياماااجد. خدوهم عند حبل المشن"قة.

عاصم بصوت عالي ودموع: يااااااارب ساااامحني، أنا مذ"نب لاكن أنت الغفور الرحيم، أنت الجبار العلي العظيم، سامحنيي ياااارب، أنا عبدك الضعيييف، سامحني على كل ذ"نب، أنت الغفور الرحيييم، أشهد أن لا إله إلا الله وحده لا شريك له، وأشهد أن محمد عبدك ورسولك، اللهم اغفر ليي، أشهد أنك أنت الغفا"ار الرحيييم، يااااارب. وتم تنفيذ الحكم. جه وقت ماجد. عند حبل المشن"قة. ماجد بضعف: أشهد أن لا إله إلا الله، وأشهد أن محمد رسول الله.

وتم تنفيذ الحكم. (عارفة إن اللي اتخيل المشهد صعب عليه، بس كان لازم) هكذا الحق انتصر على البا"طل، لا تفعلوا الذنو"ب، فهذا عقاب كل مذ"نب. في بيت نيمار هانم. قامت مفزوعة من النوم. نيمار: ااااااه عااااااااااصم يا بنيييييييي. دخلت بسرعة بهيرة: نيمار، في إيه؟ نيمار: نفذوا الحكم يا بهيرررره، ابنيي رااااااااح. قامت تدعي ربنا يسامح ولادها وفضلت تصلي وتعيط. في السجن. عند دارين.

قاعدة تصلي بدموع: يااااارب سامحني وسامح عااصم يااااارب، الله يرحمك يا أخويا ياحبيبي، ااااااه يا وجع قلبييي. فضلت تصلي وتدعي وتعيط. في بيت أحمد الدمنهوري. في أوضة حياة. قاعدة مع مراد. حياة: نفذوا الحكم. مراد: الله يرحمه يارب ويسامحه. حياة: أمين. حياة: وديني شقة عاصم لدادة عليا. مراد: ليه؟ حياة: لازم أطمن عليه. مراد: تمام، تعالي نروح. جهزت وخدها مراد وراحوا البيت. بعد نص ساعة. في بيت عاصم.

مراد رن الجرس وداده عليا فتحت. عليا باستغراب ودموع: انتي مين؟ حياة بهدوء: أنا تالين، أو بمعنى أصح الظابط حياة. عليا: يا حبيبتي، أنتي الظابط اللي أصابها عاصم. وجريت عليها حضنتها. بعد مدة دخلوا البيت. حياة: أنا عارفة إنك كنتي بتحبي عاصم، بس هو غلط. عليا بدموع: ربنا يسامحه يارب. حياة: أمين، أنا جيتلك عشان أطمن عليكي لأنك غالية عليا فعلًا. عليا: ربنا يعلم إني كنت بحبك إزاي من غير ما أعرف إنك ظابط.

حياة: دلوقتي أنتي الشقة دي هتقعدي فيها. عليا: نيمار هانم قالت إنها هتتصرف في الموضوع دا. حياة: تمام، وأنتي من هنا ورايح أمي. عليا: تسلميلي يابنتي، أنا اتشرف بكده. مراد: لو احتاجتي حاجة رقمنا أهو، كلمينا وهنكون عندك. عليا: ربنا يكرمكوا يا ولاد يارب. حياة بجدية: اتصل بالإدارة تبعت ناس ياخدوا كل حاجة في الأوضة السرية. مراد: حاضر.

كلم الإدارة وبعد شوية جم ظباط خدوا كل حاجة تخص الشغل تبعهم، وحياة ومراد سلموا على عليا ومشوا. الساعة ٦ المغرب. كله جهز عشان ينزلوا يروحوا يجيبوا الشبكة. أسرة حياة ركبت في عربية أحمد، ومراد ركب هو وحياة ونورا في عربيته، وحمزة جه معاه يونس وعائشة، ويامن معاه سارة، وأحمد وإيمان وياسين ونعمة في عربيتهم. وراحوا يجيبوا الشبكة. بعد ساعة في الطريق وصلوا. مراد نزل حياة وركبها على كرسي. دخلوا محل الذهب.

يامن: سلام عليكم، عاوزين أحدث دبل شيك بس دهب أبيض. صاحب المحل: حاضر يافندم. وراح صاحب المحل جاب علبة فيها دبل شيك من الدهب الأبيض. يامن: اختاري اللي يعجبك. سارة: حلوة أوي دي، صح مش كدا ياحياة؟ حياة: أيوه حلوة أوي. وورت للباقي وعجبتهم. وبعدها جابوا دبلة رامن وبقيت الشبكة وكلهم زغرطوا وكانوا فرحانين جدًا. يامن: أستأذنك يا عمي، ممكن آخد سارة ونخرج شوية. أحمد: طبعًا يابني.

سارة: ما تيجي ناخد عائشة معانا يا يامن بدل ما تقعد لوحدها. يامن: تمام يا حبيبتي، اش تعالي معانا. عائشة: لا خليكم براحتكم. سارة: يلا ياستي تعالي😂. عائشة راحت معاهم. ويونس راح مع مراد وياسين ويخرجوا شوية، وحمزة استأذن من أحمد ياخد حياة يتكلم معاها شوية وهو وافق، ونورا راحت مع نعمة وايه وأحمد البيت يرتاحوا شوية. عند حمزة وحياة. راحوا على مكان على النيل مافيهوش ناس كتير حلو أوي. حمزة: ها، لسه على قرارك.

حياة بهدوء: محتارة أوي. حمزة: بصي ياحياة، هتستفادي إيه لو فضلتِ كدا؟ هتبقي مبسوطة إن كل شوية حد يشيلك ويحطك؟ هييجي فترة ويزهقوا. طب وحلمك؟ هتفرطي في حلمك إنك تبقي أقوى ظابط مخابرات؟ أنا مش بكلمك كحمزة، أنا بكلمك كمدربك وصديق. حياة بوجع: بس بس، افرض فشلت. حمزة: فين الأمل؟ حياة، خلي ثقتك بربنا كبيرة وهتنجحي. وأنا واثق في حليكي ورا حلمك. حياة: صح، أنا هعمل العملية. حمزة: هي دي حياة، كلها شهر وهتقفي تاني على رجلك.

حياة بسعادة وأمل: يارب يااارب. فضلوا قاعدين شوية. حمزة بأمل: ما تيجي ننسى إني حمزة الظابط وإنك حياة المتدربة والظابطة، ونعيش كأننا أصدقاء. حياة بابتسامة: نعمل إيه يعني؟ حمزة: يعني كدا. زق الكرسي بسرعة وحياة مسكت الكرسي جامد ونسيت ألم ضهرها خالص. حياة بضحك: خلاص خلاااص 😂😂. حمزة بضحك: هنلعب شوية😂😂😂. حياة: أنت كدا بتوديني الملاهي😂. حمزة: ومااالووو، يلاااا.

حرك الكرسي جامد وسابوا واتحرك وهي مسكت جامد وهو جري جنبها لحد ما مسكوا. حياة: أنا مبسوووطة😂. فضلوا يجروا وهما مبسوطين جدا. حمزة: ها، مودك اتغير شوية؟ حيااه بسعادة: جدا جدا، أنا حسيت إني رجعت ١٥ سنة. حمزة: أي خدمة😂. حياة بفرحة: حمزة، أنت صديق وفي جدا، شكرًا. حمزة بحب: العفو، مافيش شكر بين الأصدقاء. بعد شوية وقت خدها وراحوا العربية. حمزة: هشيلك. حياة: لا مش هينفع. حمزة: اومال هتعملي إيه؟

حياة: بص قرب الكرسي وأنا هحاول أدخل نفسي. حمزة: تمام وأنا جنبك. حاولت حياة لحد ما دخلت لجوا بجسـ"مها من فوق. لاكن كانت هتقع من على الكرسي. حياة بوجع: ااااااه. حمزة بخوف: استني، أنا هرفعك. رفعها لحد ما دخلها. حمزة: أنتي كويسة؟ حياة بألم: ضهري وجعني. حمزة: طيب اهدي. راح ركب الناحية التانية. اتحركوا بالعربية. حياة بجدية: عاوزة أقابل يوسف باشا في موضوع مهم. حمزة: حاضر، بس إيه هو؟ حياة بسرحان: هتعرف بكرة، بس ياريت بكرة.

حمزة: حاضر. عند يامن وسارة وعائشة. في مطعم شيك. يامن: تطلبوا إيه؟ سارة وعائشة: اممم، على زوقك. يامن: اوكي. طلبلهم على زوقه. يامن: هتروحوا بكرة تجيبوا الفساتين. عائشة: على حسب سارة. سارة: آه بكرة خلاص، فاضل 4 أيام. يامن: طيب ما تخليكوا وابعتلكوا استايلات فساتين عشان حياة مش هتقدر تنزل وتقيس وكدا، وعائشة تيجي لكم على البيت. سارة بتفكير: طيب لما أروح هرد عليك. عائشة: اشطا شوفي وقوليلي. يامن: اوك.

بنت: يامن، ازيك عامل إيه؟ في فيلا أدهم المنياوي. هدير: إيه يا عم أدهم، ماخدتنيش معاك انهاردة ليه؟ أدهم: انهاردة أخوها كان بيجيب شبكته، مجتش. هدير: امممم، اشطا. وكملت بحزن: هادي بيكلمك؟ أدهم: لا، بصي تعالي نرن عليه. رن عليه فيديو وبعد شوية رد. هادي: ازيك يا أدهم. أدهم: إيه يا هادي، مش بترن علينا خالص ليه؟ هادي: أنا آسف والله، حقكم عليا، مشغول جدًا وبجهز نفسي عشان أنزل. أدهم: ولا يهمك ياحبيبي، المهم إنك كويس.

هادي: أنا تمام، وبابا وماما وهدير عاملين إيه؟ أدهم: الحمدلله يا هادي، بس هدير زعلانة منك. هادي: أنا عارف إني مقصر في حقها، اديهالي. هدير: إيه يا هديري، زعلانة مني ولا إيه؟ هدير: آه. هادي: طيب حقك عليا، لما أجي هحضنك حضن كبير😂. هدير: خلاص، ضعفت😂😂. أدهم: المهم بس تيجي بالسلامة. هادي: قريب بإذن الله، بابا فين وماما؟ أدهم: بابا في المستشفى وماما نايمة شوية. هادي: خلاص، لما بابا يجي وماما تصحى كلموني.

اتكلموا شوية وبعدين قفلوا. عند مراد وياسين ويونس. مراد: هو حمزة هييجي لينا؟ يونس: آه، أعتقد. ياسين قاعد ساكت وسرحان. مراد: ياسين. ياسين بانتباه: ها، نعم يا مرادي؟ يونس: اتكلم معانا كدا. ياسين: حاضر. لسه هيكمل كلامه، فونه رن. ياسين: الـ... شخص: ********* ياسين بصدمة: اييييييه؟