رواية حياتي البائسة الفصل الخامس 5 - بقلم سارة عادل

حسام بهدوء: أنا مش ضارب مراتي، مش من رجولتي إني أعمل كدا. هسمع كلامك في كل حاجة، بس انسي إني أعمل كدا. جميلة بسخرية: قال رجولة قال! فيه إيه يا روح أمك؟ يلا، ده أنا اللي مطلعاك من الفقر اللي كنت فيه. فاكر ده أنت كنت حتة عيل ملهوش لازمة. وأنا اللي نضفتك. تسمع كلامي أحسن ما أقلب عليك وأنت الخسران. حسام بغضب:

مش كل شوية تفتحيلي الموال ده. أنتِ لو مبتكسبيش من ورايا مكنتيش سكتي عليا لحد دلوقتي. ولا ناسيه إنك اتفقتي معايا إني أصوّركم وأعمل كل ده في بنت جوزك؟ ولا أصلاً الشغلانة الزفت اللي أنا شغال فيها وإني أفضح الناس وبس، حتى لو بكدب عشان تقبضي من ورايا. جميلة بغضب: بقي ليك حس تعلي عليا؟ بس ماشي، مهو اللي إيده بتطول الفلوس من حقه يتبجح. علياء بزعيق: إنتِ بتقولي إيه؟ إزاي حور هتتجوز حسام؟

أنتِ اتفقتي معايا إنكم تخلصوا الحوار ده ونتجوز أنا وحسام. جميلة بسخرية: إنتِ كنتِ مفكرة إني هجوزك للواد ده؟ يابت بلاش خيبة، ده حتة عيل ملهوش لازمة. أنا يوم ما أجوزك هجوزك راجل كباره الكل يتحاكى فيه. علياء بزعيق: وأنا بحب حسام وعايزاه، أنتِ مالك؟ ليه بتدخلي في كل حاجة؟ جميلة بغضب: منا معرفتش أربيكي فعلاً، قليلة الرباية. وانسي الزفت ده بدل ما أجي معاكي بأسلوب وحش تندمي عليه، فاهمة؟ سامر بغضب:

يعني إيه مش قادر تصبر شهر وأنا أجيبلك كل فلوسك؟ ويعم أنت ضامن حقك، ما الشيكات معاك أهو. ... تمام، آخر معاد ليك. بعد كدا أنا اللي هتصرف بنفسي. ثم أكمل بغضب: خُدوه يا رجالة ارموه برا. سامر بزعيق: أنا هطلع لوحدي، بس عشمان فيك يا معلم. في طلب محتاج مبلغ بس أجوز بنتي، ومن بعدها كل قرش ليك معايا هيرجعلك، حتى لو ضعفه. متقلقش. المعلم بغضب:

إنت شكلك كدا بتلعب عليا، وأنا معتش ضمنك. أنا عايز بنتك اللي هتتجوز دي وهقطع الشيكات قدامك ومش عايز منك حاجة بعدها. سامر بتفكير: بس الورث اللي معاها كدا هيروح مني. المعلم بسخرية: هو فيها ورث؟ وده اللي كنت متنكّل عليها؟ متقلقش، هديهولك وكمان ليك مبلغ حلو مني لما نكتب الكتاب. موافق ولا إيه رأيك؟ سامر بحماس: طبعاً موافق يا معلم. كتب الكتاب الخميس الجاي لو عايز كمان، اللي تأمر بيه. المعلم بهدوء:

غور أنت، وأنا هاجي بالليل أشوف العروسة. وعلى أساسه هحدد إمتى كتب الكتاب. ... إنت بتخرف تقول إيه يا راجل أنت؟ سامر بغضب: اتهدّي شوية بقى. ده الفلوس هتلعب في إيدينا لعب. لو الموضوع ده تم، بس ياريت متبوظهوش، لآني عارفك. جميلة بطمع: يعني المعلم ده ميكنش بيضحك عليك مثلاً؟ سامر بتفكير: لأ، أنا أضمنه برقبتي.