رواية حياتي البائسة الفصل الثالث 3 - بقلم سارة عادل

أطلقت ثلاث مرات. يضنايا. حسام بصدمة: إيه؟ ثم أكمل بارتباك: معلش أنا مضطر أمشي، هاجي في وقت تاني. حور بحزن: انتي شيطانة. حسبي الله ونعم الوكيل فيكي، مش مكفيكي إنك السبب في طلاقي، حتى قبل ما الفرح يتم، عايزة إيه؟ كفاية. جميلة بارتباك: هدمر لك جوازك إزاي يعني؟ انتي بتتبلي عليا. سامر، تعالي شوف بنتك بتتبلي عليا. تعالي يا راجل هنا. سامر بزعيق: فيه إيه يا مرا، صوتك عالي ليه؟ جميلة بزعيق: سامر، صوتك ما يعلاش، فاهم؟

سامر بخوف: ماشي، فيه إيه؟ إيه اللي حصل؟ بنت الـ... دي عملت لك إيه تاني؟ جميلة بمسكنة: بتتبلي عليا وتقول إني اللي مبوظة جوازاتها. أنا هعمل كده ليه؟ وإزاي يعني؟ حور بصت لها بقرف وقالت: أمم، مفكراني عبيطة ومش فاهمة حاجة. ربنا هيكشف قذارتك دي عن قريب. سامر رفع إيده وبأعلى ما فيه ونزل القلم على وشها. حور بحزن: خليك ماشي وراها.

سامر ازداد غضبه وقام خبطها، وقعت على ضهرها ونزل لمستواها وفضل يضرب فيها، وحور بتصوت، وجميلة واقفة بتبتسم بسخرية. خرجت علياء من جوه وقالت بزعيق: إيه الدوشة دي، مش عارفة أنام كويس. جميلة بحنية: معلش يا بنتي، نعمل إيه لقليلة التربية دي. سيبي أبوها يربيها. ثم بصت لسامر بحذر: وانت خلص عليها وتعالى الأوضة، عايزك في كلمتين. *** نهارك أسود. انت جبت الفيديو ده منين؟

حسام بخبث: بعد ما طلعت من عندهم، ملقتش مفاتيح العربية ورجعت تاني. لقيت المفاتيح واقعة برا، ولما خدتها وجيت أمشي، سمعت كلامهم. قمت مطلع مصور كل حاجة. الفيديو ده لو نزل هيطلع تريند، انت عارف شغلانتنا بقى. ظبط الفيديو ده كويس وهنزله بالليل. بس انت كده هتفضحهم، وأكيد هيتحبسوا بسبب الفيديو ده. حسام بشر: مش فارق معايا. اعمل اللي بقولك عليه ولك الحلاوة. *** سامر، ده آخر تحذير ليك. صوتك ما يعلاش عليا تاني، فاهم؟

روح اكسرها، ولع فيها. هي اللي فضحتنا، منك لله انت وبنتك. مشفتش يوم هنا معاكو. سامر بغضب: بنت... أكيد كانت تعرفه واتفقت معاه إنه يصورنا. والله لأكسرها في بعضها عشان تعرف إزاي بعد كده تتعامل معانا كويس. *** خلاص، حرام عليكوا. انتو إيه؟ جسمي كله اتكسر. لسه في حاجة تانية ناوين تعملوها فيا؟ جميلة بغضب: سامر، والله لأحرقها. شوف البجاحة بترد عليا.

سامر بغضب: مفيش فايدة. إحنا نخلص منها أحسن. قرفت منها ومن شكلها اللي شبه أمها. الله يقرفكو. سبتك ليا ليه؟ بدل ما كانت اتجوزت وهربت، كانت خدتك ربتك. هتطلعي لمين؟ منتي شكل وسخ زيها. حور بخوف: انت بتقول إيه؟ أنا بنتك. عايز تموتني؟ ده اللي كان ناقص تعمله. منك لله بكرهك. سامر راح مسكها من شعرها وجرها على السلم وسط صراخها، رماها على الأرض وراح جاب... *** خليل بصدمة: حسام، انت جبت الصور دي منين؟

ده البنت كده تروح في داهية. وباين عليها غلبانة. حرام عليك تدمر حياتها. حسام بضحك: ما هي كده كده متدمرة. انت مش شايف الفيديو بتاعها جاب مشاهدات إزاي؟ إحنا بقى نلعب في الصور دي شوية وننزل خبر حصري إن البنت دي مدوراها. وكده كده الفيديو يعتبر دليل إن أهلها بيضربوها عشان الغلط ده. خليل بصدمة: بس الصور مش كويسة. حرام عليك. حتى لو الصور دي حقيقة، حرام نفضح حد.

حسام بغضب: ملكش دعوة يا عم خليل. اعمل بس اللي بقولك عليه ولك الحلاوة. *** علياء بسخرية: تعالوا اتفرجوا يا عيلة يا شريفة. بنتكم عاملة إيه دي. طلعت مدوراها وسمعتنا بقت على كل لسان. سامر أول ما شاف الصور جن جنونه، وجميلة ابتسمت في نفسها بخبث، وعلياء كانت شامتانة. حور ببكاء: أقسم بالله دي مش أنا. حرام عليك. والنبي ما تعت تلمسني. كويت جسمي. هتعمل فيا إيه تاني؟ أبوس إيدك متعمل فيا حاجة. والله دي مش صوري.

سامر بغضب: بس أنا مش هعمل فيكي حاجة. أنا هريحك من الدنيا خالص وهقتلك.