رواية حين تقع في الحب الفصل العشرون 20 - بقلم ندى علي حبيب

قاسم: أنا قررت أتجوّز. غسان بصوت واطي: أفشل قرار. عمر بصوت واطي جنب ودنه: شكلك ناوي تبات في حضني النهاردة يا حضرة الرائد. غسان بغرور: عيب عليك، أنا أسد برضه. نور بغيظ: غسان! غسان بسرعة: حبيبة قلبي، نعم. ضحك الجميع. عمر: لأ، مسيطر. غسان بجدية: المهم، مين بقي اللي قدرت تدخل قلبك يا حضرة الظابط؟ قاسم: احم، نسمة صحبت نور. نور بصدمة: نسمة؟ غسان بص لنور: مش عاوز صوت. نور بزعل: حاضر. غسان: المهم، هي موافقة؟

قاسم: أنا سألته، وهي موافقة. منير: يبقي على بركة الله. نِفِين: بس الكلام أهدى وعطى يا حج، إحنا في شهر رمضان ومبقاش غير أسبوع على العيد، وإحنا لسه منعرفش كرار الحجة سكينة. غسان: كلام أمي صح، أما انتي تروحي عندها في يوم وتسألي انتي العروسة موافقة ولا لأ، تمام؟ قاسم بفرحة: هتروحي امتى؟ غسان: اتنيل، مستعجل على إيه؟ دا أفشل موضوع في الدنيا. سلوى بفرحة ودلع: لو مش عجبك مرة، هيعجبك التانية. نور اتجرحت من الكلام واتحرجت.

نور: ماما، أنا هطلع أرتاح شوية، ممكن؟ نِفِين: خلاص، مبقاش على الفطار غير ساعة، كلي واطلعي. نور: خلاص، ماشي. ودخلت المطبخ. في المطبخ. نور كانت بتعمل العصير. نور بزعل في نفسها: ليه بيجرحني؟ ليه دايماً؟ بيزعلني بجد، أنا تعبت من كل حاجة. أحلام: يا نور، نور! نور بتركيز: نعم يا أحلام، في إيه؟ أحلام: لأ، بس انتي كويسة؟ نور بحب: الحمد لله، كويسة. أحلام: ربنا يتمملك على خير يا رب. نور: مش لما أتأكد إني حامل الأول.

أحلام: أنا عندي نظرة في الناس، وأنا بقولك إنك حامل، واسمعي مني. نور مسكت بطنها: يا رب. يلا علشان ميبقاش فيه حاجة على الأذان، خلينا نطلع الأكل على السفرة. واتجهت إلى السفرة. في منزل سكينة. سكينة: حد يقوم يساعدني منكم؟ نسمة: أنا مش قادرة والله يا سوسو. سكينة: طب والست نورهان اللي قاعدة على السفرة من الضهر، مش ناوية تقوم تساعدني؟ نورهان: يا سوسو، أنا ملحقتش أتسحر حلو وأنا جعانة ومش قايمة من مكاني.

نسمة: دا انتي بتتسحري من الساعة 12 يا شيخة. سكينة: خلاص، اسكتوا، كلوا يلا. نورهان: ياااه، بستنى الكلمة دي من ساعة ما صومت. هاتي الفرخة وأنا هوزع يا سوسو. سكينة: أنا هروح لنور النهاردة وهاخد نورهان علشان نعزمها هي وجوزها. نسمة: اشمعنا نورهان يعني؟ نورهان: في إيه؟ أنا مرحتش ولا مرة. في منزل منير الألفي. غسان: إيه يا نور، مش هنطلع؟ نور: آه، يلا. وطلعت على السلم. سلوى: غسان، انت مش هننزل تاني؟ نور كملت طريقها في زعل.

غسان: لأ، نازل تاني. سلوى: ماشي، هستناك. غسان طلع ومردش عليها. في شقة غسان. نور دخلت غيرت بجامة خضرا ضيقة وشيشب بيتي. غسان: نور. نور: ... غسان: نور. نور: .. غسان بغضب راح عندها ومسك إيدها: أنا مش بكلمك. نور بدموع: آسفة، مش سمعت. غسان: مالك، في إيه؟ نور بدموع: مفيش، بس عايزة أنام. غسان: خدي، ادخلي اعملي الاختبار دا الأول. نور بصت لغسان: مش عاوزة أعمله. غسان مسك وشها بحنان: ليه يا حبيبتي؟

نور: افرض مكنتش حامل، هتزعل، ومش عايزة أعلق نفسي بحاجة. غسان قبل وجهها: متخافيش، طول ما أنا معاكي، تمام؟ نور بشجاعة: اممم. غسان بخبث: لو خايفة، أجي أساعدك عادي. نور بتوتر: لأ، شكراً. أنا هعمله. ودخلت. غسان قاعد ومستنيها تطلع. فونها بعت رسالة. غسان مسك الفون لقي: حببتي، جوزك نزل ولا لسه؟ غسان بصدمة: ....