رواية حين تقع في الحب الفصل السادس 6 - بقلم ندى علي حبيب

غسان بصدمة وغضب من منظرها: انتي إزاي تسمحي لنفسك تلبسي كدا في كتيبة مافيهاش بنت؟ ردي. كان يتحدث وهو يدخلها إلى الغرفة البسيطة التي كانت تمتلكها. نور بخوف منه: أنا أنا حرة، ملكيش دعوة. غسان بغضب وهو يعصر يدها بين يديه: آخر مرة أسمع منك كلمة "أنا حرة" دي، انتي فاهمة؟ نور بتوتر: لو سمحت اطلع برا. وبعدين حضرتك جاي في وقت زي ده ليه؟ غسان بنظرة حارقة: المهمة، إيه نسيتي؟

أيوه ما الهانم مفكرة نفسها في فندق خمس نجوم ولبسة مايوه ونازلة البسين. نور لقت الباب بيهبط. غسان: انتي مستنية حد؟ نور بخوف: لأ. لو حضرتك فتحت الباب هيفكروا حاجة غلط. ممكن تستخبى لحد ما أفتح. غسان بعصبية: أنا دلوقتي هادي وبتكلم باحترام، بس أقسم بالله لو لمحتك قدامي لدفنك حية. نور قبل أن يكمل كانت ذاهبة إلى الحمام برعب منه. نور: بس اهدى كدا. فيه إيه؟ متخافيش. دا أنا أول مرة أترعب من حد. وكملت بدموع: معقول ممكن يضربني؟

ونظرت إلى يدها المحمرة وبدأت في العياط. أنا عند غسان. راح غسان فتح الباب ولقى قاسم. قاسم باستغراب: غسان، انت هنا ليه دلوقتي؟ غسان: يا عم، فكرتك حد من فريق الزفت كريم ياخد عنها فكرة وحشة. قاسم بمكر: وانت يهمك منظرها في إيه؟ غسان بغضب: قاسم جاي ليه؟ وانجز وبطل رغي كتير. قاسم: كنت جاي أصحّيها عشان تجهز المهمة. غسان بعصبية: بعد كدا ملمحش حد موجود عند الأوضة دي، لو فيها أي حاجة تمام.

قاسم تفهم الأمر واختفى على الفور من أمام غسان. دخل غسان الغرفة بغضب. لقى نور في الحمام. غسان: اطلعي اخلصي. نور من ورا الباب: انت عاوز مني إيه؟ ليه بتتعصب عليا وبتزعق فيا؟ أنا معملتش حاجة لكل ده. وإنك تمنع حد يجي سكنى المفروض أنا اللي أعمل كدا مش حضرتك.

غسان بغضب: أقسم بالله يا نور لازم أقطع لسانك دا قدام عينك عشان تحترمي نفسك وتبطلي دور الشجاعة اللي مفيش منها دي. وقدامك دقيقة، لو مكنتيش واقفة قدامي مع بقية الفريق هتشوفي أنا هعمل فيكي إيه. وسابها ومشي. نور في نفسها: دا بقى المثل اللي يجي على حالتي. جيت أكحلها عمتها. برافو يا نور جدعة. طلعت نور بعد ما سمعت رزعت الباب. نور: هولاكو، أبو لهب، ذو القرنين. ليه نقرة من نقري؟ مش عيب عليه يخوف واحدة زي كدا؟

يا نهار، الدقيقة راحت. كانت تتكلم وهي بتلبس الشراب. في مكتب الرائد غسان. غسان قاعد على المكتب والفريق واقفين قدامه، وقاسم قاعد قدامه، إلا إنه ظابط وله رتبة، ولكن هما عساكر. غسان بمكر: أنا شايف الكل موجود، لكن الملازم نور مش جاية ولا إيه؟ دا عدى على ميعادنا ربع ساعة. لا لا، محبش أنا التأخير في المواعيد دي. نور جت تجري على المكتب: أنا هنا أهو يا حضرة الرائد. غسان: فات كام دقيقة يا حضرت الملازم؟

نور بصت في ساعته ولقت إن فات الأوان. نور بدموع: ربع ساعة. غسان ببرود: تمام، اختاري عقاب لنفسك بسرعة. نور والدموع على عينيها: اللي حضرتك تأمر بيه. غسان بشر: أنا بقى عاوزك طول الرحلة اللي إحنا هنمشيها في الصحراء تكوني شايلة حمل 150 كيلو. قاسم بصدمة: مش كتير يا حضرت الرائد؟ غسان بغضب: والله دا عقاب. واللي مش قده يقدم استقالته. نور بدموع: لأ عادي، أنا جاهزة. هنمشي إمتى؟

غسان: كمان ربع ساعة، يعني هتشيلي كل حمل الفريق لوحدك. نور بدموع: تمام يا فندم. أي أوامر تانية؟ غسان: برا. خرج الجميع، استجمع كل عسكري أشياءه التي يمكن أن يحتاجها. أما نور، أصبحت الساعة 5 صباحاً، كانت ترى شروق الشمس وتتذكر أيامها مع أخواتها عمرها نورهان ونسمة. فللالالالالاش. نور: بنات، شروق الشمس أهو. يلا تعالوا شوفوه بسرعة. نسمة: واو، المنظر تحفة. كل يوم نصحى نشوفه. نورهان وهي تتاوب: أنا عايزة أنام. مش عايزة شروق.

نور بضحك: 12345. واتحدفوا عليها هي ونسمة وهي نايمة على السرير. ولكن معملتش أي رد فعل. نور: البت دي مبتحسش. نسمة: دي طوبة نايمة على رف المطبخ. سكينة من ورا الباب: انتوا صحيتوا يا بنات؟ نور: لأ يا ماما لسه. سكينة: امال بتتكلمي إزاي يا بنت؟ نور: أصل أنا كنت بشرب وراحة أكمل نوم. سكينة: طيب يا بنتي اتخمدوا. نسمة ونور بضحك: يلا اتخمدي يا نسمة جنب نورهان. نسمة: لأ مش نايمة جنبها أبداً.

نور: بكرة لما أتجوز أبقى خدي السرير كله يا أختي. نسمة: أنا أصلاً خسارة فيكم كلكم. يلا تصبحي على خير. بااااااااك. فاقت من شرودها على صوت قاسم. قاسم: نور، نور. نور: نعم يا حضرت الظابط، فيه حاجة؟ قاسم: مالك، فيه إيه؟ نور بدموع: مفيش. أهلي وحشوني بس. قاسم: ومين سمعك. الواحد وحشه أكل نيفين والله. نور: أمك؟ قاسم: هي والحقيقة أم غسان، ولكن في مقام أمي وأكتر. نور: ربنا يخليهالك يا رب. قاسم: يا رب. المهم يلا عشان هنمشي.

نور: تمام، يلا. في عربيات الشرطة تجمع الفريق. وغسان فرق الفريق، كل جزء يكون مع بعضهم. غسان: لا إله إلا الله. الفريق: محمد رسول الله. غسان: شرفك وسلاحك وصحبك قبلك. دول أهم حاجة في المهمة كلها، مفهوم؟ الفريق: مفهوم. غسان بغل: كل واحد يسيب حاجته هنا عند الملازم نور، أصل هي اللي هتشيل الوزن. وبالفعل فعل كل واحد من الفريق مثلما قال هذا الغسان. نور في نفسها: حسبي الله، ربنا على القوي. يهدك يا بعيد.

غسان جه جنب ودنها: بلاش تدعي عليا يا حضرت الملازم، أنا هربيكي بس بأدب. آه، ويلا اتصرفي وهاتي الحاجات دي وتعالي ورايا. نور بدهشة من شدة الحمل: مش هقدر أشيلهم. غسان: والله بقى انتي مجبورة إنك تشيليها، ويلا عشان اتأخرنا. نور تشجعت وراحت شالت كل الحمل، وكان الحمل محدش يقدر يشيله. نور أول ما شالت أول وزن صرخت بالم. غسان بلهفة: فيه إيه؟ بتصوتي ليه؟ نور بعياط ومسكة ذراعه: دراعي وجعني. غسان: طب اهدي عشان أعرف أعدله.

ولسه هيمسك. نور بوجع: اوعى تمسك دراعي. غسان قرب منها وهي ركزت معه بتوتر، وبعدين مسك ذراعها وتأوه. نور بعياط: ابعد، انت سبب كل وجع بيكون ليا. أي حاجة وحشة بتكون انت سببها. غسان بغضب: اخرسي، مش عاوز أسمع صوتك. وعشان خاطر قلة أدبك دي هتشيلي الحمل. ويلا اجمع فريق. الفريق: تمام يا فندم. غسان: يلا. وبدأ يشرح الطريق. كدا تمام؟ قاسم: لأ، كدا تمام. غسان: حد عنده أسئلة؟ نور: أنا. غسان: اتفضلي، إيه هو؟

نور: عاوزة أتنقل فريق الرائد كريم لو سمحت. تقريباً دي حرية شخصية. غسان وعيونه أصبحت بالون أحمر: .......