= أنا بقرأ أفكار البشر و الله !
_ هههه، نورسين بطلي هبل على فكرة دة مش هزار .
= مبهزرش و الله، بس بقرأ أفكار البشر .
_ طيب أنا بفكر فى أية دلوقتي !
= معرفش .
_ يا بنت أنتِ هتجننيني ..منين بتعرفي تقرأي أفكار و منين مش عارفة تقرأي أفكاري .
= بصي يا ستي الموضوع بدأ من الشهر إلِ فات و أنا فى الشغل و حصلت حاجة غريبة ...حاجات غريبة مش حاجة واحدة !
Flash Back .
▪︎بشمهندسة نورسين !
= نعم يا عم محمد .
▪︎أستاذ طارق عاوزك فى مكتبه .
= هى ناقصة !
= حاضر يا عم محمد رايحاله .
= بهمس : اة ..ما هى ناقصة عم محمد كمان، و ناقصة طارق باشا، أروح أشوف سيادته عاوز أية ؟
خبطت على الباب .
= أستاذ طارق حضرتك عاوزني ؟
~ كنتِ فين إمبارح؟
= مجيتش إمبارح !
~ لية ؟
= أفندم !
~ مجتيش أمبارح لية ؟
= أعتقد أن دي حاجة شخصية .
~ امم .
~ مخصوم منك أسبوع !
= أية ؟ دة كله عشان أية ؟
~ عشان تعرفي تكلمي مديرك كويس و تتعاملي صح ؟!
= هو أنا قولت حاجة غلط أصلا !
أنا قولت أن دة حاجة شخصية و معتقدش أن حضرتك ينفع تسأل .
~ أمشي دلوقتي أو هيبقوا أسبوعين !
= هو أية إلِ أسبوعين هو أنا عبدة عندك عشان تخصم بمزاجك، و بعدين مستر مازن أخو حضرتك هو المسؤول عن الشركة مش حضرتك .
~ و أنا كلمتي هى إلِ بتمشي هنا و كلمة كمان و هخصملك الشهر كله .
خرجت و أنا مدايقة من المستفز إلِ بيتصرف من دة دماغه دة !
و لقيت بشمهندس حازم خطيبي، قمر ..قمر ..قمر ددأنا بس إلِ أقول كدة فاهمين !
أول ما شوفته قلبي وقف و تنحتله و نسيت كل حاجة، أصلنا اتخطبنا عن حب و قريب هيبقى فرحنا، و أنا بحبه جدًا !
= حازم !
• نعم يا نورسين ؟!
= اتصلت عليك إمبارح و مردتش .
• كنت مشغول شوية يا نورسين .
= مشغول عليا .
• أنا بشتغل و ليا شغل و كيان، أكيد يعني مش هسيب حاجاتي المهمة عشانك .
= هو أنا مش مهمة .
• مش قصدي يا نور، أنتِ كل حياتي و بحبك جدًا، بس مبحبش حد يسألني أروح فين ! و أجي منين ! و مردتش لية ؟
عايز أعيش من غير خنقة .
= و أنا بخنقك .
• هو فى حد يتخنق من روحه بردوة .
= بس بقا بتكسف .
• بضحك : خلاص مش زعلانة .
= ولا أقدر أزعل منك يا روحي .
~ أية المسخرة إلِ بتحصل فى الشركة دي، كل واحد على مكتبه بدال ما تأخدوا خصم !
لفيتله بغضب :
= لية ؟ شايفنا بنعمل حاجة غلط !
~ و الله دي شركتي و أمشي القواعد على مزاجي اتفضلوا على مكاتبكم !
مشيت و أنا بدبدب فى الأرض، لا ما هو أنا هتشل ! هتشل يا ناس، أرقع صوتين عشان أرتاح ...قمة القرف !
تسألوني أية هى أقولكم طارق ..طارق ثم طارق ثم طارق .
دخلت مكتبي و أنا متعصبة و لقيت نرمين صحبتي !
_ فى أية يا بنتي ؟
= طارق !
_ امم ..عمل أية المرة دي ؟
= بيقولي متقوفيش مع حازم .
_ خلاص أهدي و كله هيتحل، و بعدين هى دي أول مرة، المفروض تتعودي بقا يا روحي .
= ما هو دة إلِ بيجنني، نفسي أعرف ليه بيكرهني كدة !
_ ولا كرة و لا حاجة، هو ممكن مدايق منك؛ كلنا هنا مبيحصلش معانا كدة، و هو بيعاند معاكِ بس .
= جايز !
خلصت شغل و أنا خلاص ..فصلت شحن، بس بكرة الجمعة أجازة .
مفيش داعي أني أروح بدري، هخرج أتفرج شوية على الناس، و أفرج عن نفسي بما أن حازم هيبقى مش فاضيلي ..بصراحة مش عارفة هو بيحبني أو لا !
هو سلوكه أتغير شوية لما اتخطبنا و بعد كدة تصرفاته بقيت أغرب، مش عارفة لية ؟
مشيت و أنا بفكر فى مستر طارق إلِ عايز يتسلخ دة زي الخروف، بس مش هأكله طبعًا أكيد طعمه زفر زيه، مش عارفة مستر مازن بيستحمله لية ؟
لقيت و أنا ماشية بنت غريبة و البنت ماسكة كورة غريبة بردوة و الناس متجمعين حوليها !
شدني لبسها الطويل و الغريب زي الساحرات و البلورة إلِ معاها قربت منها و أنا بسمع هى بتقول أية :
• سيداتي أنساتي، معاكم العرافة سمر ! أقدر أعرف أي حاجة عنكم و عن المستقبل !
و أقدر كمان أفيدكم بكل مشاكل حياتكم .
بصيت بملل لها و لفيت عشان أمشي .
• يعني مثلا نورسين محمد إسماعيل، 23 سنة مهندسة فى شركة .......بلاش نقولها، صح يا نورسين ولا أية ؟!
لفيتلها بصدمة و لقيتها ضحكت :
• مش قولتلكم أنا أقدر أعرف كل حاجة عنكم و من غير ما تحسوا !
= عرفتي ازاى ؟
• مش مهم، المهم أنك دلوقتي عارفة أني عرفت عنك كل حاجة .
وقفت مكاني و أنا مصدومة و بعدين دخلت المكان الغريب بتاعها إلِ زي الخيمة !
و بدأ الناس تدخلها، لحد ما جيه دوري، قعدت أدامها مصدومة فضحكت :
• عارفة أنك مصدومة بس مش وقت صدمة على فكرة ؟
= عرفتي دة كله ازاي ؟
• بغمزة : دة سر المهنة ؟!
= طيب عارفة أية تاني ؟
مسكت البلورة إلِ معاها و هو بتحرك إيدها عليها كان بيظهر أدامها حاجات عادية ..زي تراب و عواصف و تلج، لحد ما كل دة عادي أو على ما أعتقد كنت خايفة .
• حازم !
= ماله ؟
• خلي بالك كويس !
= لية ؟
• بيخونك .
= كدابة ؟! حازم ميعملش كدة هو بيحبني !
• البلورة مبتكدبش .
= لا بتكدب و أنتِ كمان كدابة و أنا غلطانة أني فكرت أنك صادقة !
• أنا مش بكدب عليكِ و أقدر أستاعدك أنك تشوفي الحقيقة .
= ازاى ؟
• قربي .
= اهاا ..عشان تضربيني على رأسي و تقوليلي بصي يا سيما إلِ حصل حصل و منقدرش نغيره صح ! قولك صح !
فتقوليلي غلط و ....
• أية الرغي دة ؟!
= ما أنتِ هتعملي كدة عشان ساحرة !
• أنا عرافة مش ساخرة .
= تشرفنا !
• قربي و غمضي عينك و متخافيش !
قربت منها و أنا مغمضة عيني بس حاسة أني مطمنة، حسيت بحاجة بتتحط فى بوقي !
فتحت عيني لقيتها ضربتي بخفة خليتني أبلعها !
= أنتِ غبية خليتيني أبلع أية ؟
• مش لازم تعرفي ؟
= أنتِ عايزة تموتيني ؟
• أنا عايزة أساعدك، و دة الحل ؟
= حل لأية ؟
• لكل المشاكل، تقدري تتفضلي ؟!
= بس ..
• فى غيرك مستني !
خرجت برة و أنا حاسة شوشرة فى دماغي، أصوات متداخلة فى دماغي و فجأة ...
Back .
_ حصل أية يا بنتي ؟
= هقولك بس دلوقتي فيه مشكلة ؟!
_ أية ؟!
= طارق !
_ ماله ؟
= اكتشفت أنه بيحبني ؟
_ بصدمة : أية ؟!
يا ترى أية إلِ حصل مع نورسين لما سمعت الأصوات الكتيرة ؟
و يا ترى طارق بيحب نورسين ولا فى حاجة غلط ؟!
و حازم قصته أية ؟
كل دة هنعرفه فى البارت الجاي إن شاء الله، اتفاعلوا عشان أعرف كام واحد متابع ؟
"رواية قارئة الافكار "
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!