رواية كارينا الفصل الثاني عشر 12 - بقلم اسماعيل موسى

انت إلى انقذتني؟ همست كارينا بخجل. ابتسم فارس، اه أنا.... بس كارينا بس إيه؟ همس فارس، انتي أنقذتيني قبل ما أنقذك. أحنت كارينا رأسها تجاه الأرض بخجل، أنقذتك إيه بقا أنا كل ما افتكر اللي حصل أموت من الكسوف. سألها فارس بخبث، حصل إيه؟ قذفت كارينا حجر صغير برجلها فتدحرج ثم سقط من ارتفاع على الأرض. نمت في الجحر معاك. صوب فارس عيونه على الوادي وعشبه وأشجاره حيث عادت العصافير للشقشقة مرة أخرى.

أنا ممتن لك يا كارينا، انتي أنقذتيني من نفسي، أنا كنت مجرد ذئب كل همه الطعام والنزوات لكن ظهورك خليني اكتشف أن لحياتي قيمة أكبر. هنعلم إيه في الأميرات يا زعيم؟ سأل أحد أتباع فارس بصوت رنان، كان ذئب نحيل ملامحه كلها مكر وعيونه تتحرك في محجرها بطريقة مريبة. بص فارس على الثلاثة ذئبات الراقدات على الأرض يلعقن شعر جسدهن. أوريانا ذات الشعر الأحمر اللامع، فاتي وشعرها الأصفر، وأخيراً باراديس بقوامها الجذاب.

نهض آدم من جلسته، تحول لذئب مرة أخرى ثم قفز فوق صخرة مرتفعة. ركل الصخر بقدمه، ثم صرخ، الأميرات سيجددن الولاء والطاعة لي ومن ينقض العهد سيكون مصيره الموت. وقف فبلمتون وكيل فارس إلى جوار الصخرة ورفع صوته. الأميرة أوريانا حفيدة مليشندر. مشت أوريانا ببطء انحنت أمام فارس وقبلت قدمه. الأميرة فاتي...

مشت فاتي ثم توقفت بتردد ثم همست بتحدي، تعرف مثل كل ذئب أن إعلاننا الولاء لك وتقبيل قدمك يعني أننا حريمك وزوجاتك، فالذئبة لا تنحني إلا لسيدها ورجله. بص فارس على كارينا ورجع بعينيه لفاتي، وأنا لن أغير قانون الذئب. قبلي قدمي. قبلت فاتي قدم فارس ثم بارايس. كان هناك الكثير من الذئاب الشاردة التي تجمعت حول فارس. همس فارس بصوت واثق، لازم نخلق لينا وطن ورغم أن أعدادنا قليلة.

بص على كارينا التي ابتعدت عن المجموعة شوية ورفع صوته، كل واحد هيكون له مكان عندنا. هبط فارس الجبل خلفه أتباعه اختار قلعة صغيرة في منتصف الطريق تحيط بها الجبال ويمر أمامها نهر. وأمر أتباعه، متثقوش طفل أو امرأة أو ذئب مسن. ثم تسلل وفتح باب القلعة حدث اشتباك محدود لكن قوة فارس كانت واضحة حتى لكبار الذئاب ولم يمر يوم حتى أخضع فارس القلعة وجلس على كرسي الزعيم. ووزع الغرف على حريمه وجعل غرفة كارينا أقرب غرفة من غرفته.

عندما وصل رسول هنطاع قبضة الغول، لازم يردنا. غضبت غضب شديد جدا. أنا أجوز هنطاع؟ ذئب ليس له أصل. همس أخوها برتون، الظروف بتحكم أحيانا يا زعيمة. لازم هنطاع يساعدنا وإلا كل حاجة هتضيع، بعدين اتجوزيه. وبعد ما يخلص مهمته اقتليه. لازم يكون فيه حل تاني. لازم. همس المستشار، للأسف مفيش حل تاني، فارس قوته كل يوم بتزيد ومش بعيد يهجم على القلعة. صرخت أرميردنا، فارس لازم يموت، إيه أخبار الجاسوس اللي بعتناه هناك؟

همس المستشار، الجاسوس اندس بينهم ومنتظر التعليمات. لقتل فارس. لا لا، همس أزميردنا، مش هيقدر يقتل فارس لكن يقدر يقتل كارينا. كارينا، لو قتل كارينا فارس هيدمر لأنه بيحبها. ثم كارينا هدف سهل، ابعت الأوامر بقتل كارينا. وابعت رسول لهنطاع إن هجوزه واحدة من أميرات الذئاب. أوريانا أو فاتي يختار بينهم. لكن الأميرات أسرى عند فارس. صرخ برتون بمكر. قالت أزميردنا، لازم نخلصهم من الأسر بسرعة.