رواية قاسي الفصل الثالث عشر 13 - بقلم نور رمضان

كانت ليل قاعدة شارده بعد اللي سمعته. ريان: ليل، فين ورق الصفقة بتاعة ألمانيا؟ ليل بشرود: صفقة إيه؟ ريان بغضب: في إيه يا ليل، مالك؟ ليل وقد فاقت: آه آه، ورق الصفقة. هروح أجيبه. كان ريان مستغرب أوي طريقة ليل وأنها كانت كويسة. فجأة دخل أحمد بكل عصبية. أحمد بعصبية: ريان، أنت حبست هند؟ ريان: آه. أحمد وقد جن جنونه: أنت اتجننت يا ريان؟ حبست الست اللي ربتك أنت وأختك؟

ريان ببرود: آه اتجننت وحبستها. وبعدين متقولش ربتك عشان أنت أكتر واحد عارف اللي فيها. أحمد بعصبية: عملت إيه؟ كانت بتعملكم زي ولادها. بعد خناقة كبيرة بين ريان وأحمد، كانت ليل سامعة كل حاجة. بعدها أحمد خرج ورزع الباب. ليل: ممكن أدخل؟ ريان بعصبية: لأ. ليل: شكراً. ودخلت قعدت قصاده. ليل: مالك؟ ريان بعصبية: وأنتي مالك؟ ليل ببعض الصبر: احكي. ريان: يا ستي مش عايز. ليل بزعل: خلاص ماشي، بعد إذنك. ريان بحنية: استني، متزعليش.

ليل بمرح: مش زعلانة. احكي بقا. ريان ببرود: أنا وقفتك عشان متزعليش، لكن ملكيش دعوة بحياتي الشخصية. ليل بإحراج وزعل: تمام، بعد إذنك. خرجت ليل من المكتب وهي مقررة إنها ملهاش دعوة بيه غير في حدود الشغل بس. ريان بحنية: الو، يا ميان. ميان بحب: إيه يا حبيبي، عامل إيه؟ ريان بحنية: الحمد لله. خدتي العلاج؟ ميان: آه الحمد لله. ريان: طب الحمد. أنا هتأخر النهاردة. ميان بزعل: ليه؟ ريان: معلش، عندي شوية شغل.

ميان بزعل: ماشي، خد بالك من نفسك. ريان: ماشي يا حبيبتي. بعد وقت، دخلت ليل لريان. ليل: مستر ريان، في واحدة برا عايزاك. ريان: مين دي؟ ليل: بتقول اسمها عبير. ريان بصدمة: مين؟