رواية قدري الفصل العاشر 10 - بقلم رقة فراشه

في غُرفة سليم كان مُستلقي على السرير وبيفكّر يعمل إيه، ولكن قطع تفكيره رسالة من شخص مجهول. فتح الرسائل واتصدم، شاف صور ومن خلال الصور عرف هيعمل إيه وأخد القرار النهائي. في صباح يوم جديد. أم ناصر بتعب: يا حبيبي اشرب اللبن. ناصر بإصرار: لا يا أمي مش هشرب. أم ناصر: هزعل منك يا ناصر ومش هكلمك. ناصر ببكاء: لا أنا عايز أكلمك. أم ناصر: خلاص إشرب اللبن وهفضل أكلمك. ناصر جري وراح وقف وراء ياسمين.

أم ناصر: عيب يا ناصر تعال هنا. ياسمين باستغراب بصت لـ ناصر: إيه في يا حلو انتَ. ناصر: أمي عايزة تشربني لبن وأنا مش بحبه. ياسمين بابتسامة: طيب جرّب تحبه. ناصر باستغراب: إزاي؟ ياسمين بابتسامة: هقولك إزاي. انتَ اوعد مامتك إن كل يوم في الصبح والليل تشرب كوباية لبن. ناصر بصدمة: يعني أشرب مرتين في اليوم. ياسمين بابتسامة: انتَ تعرف أنا إزاي بقيت دكتورة شاطرة وقوية؟ ناصر بفضول: إزاي؟ ياسمين: كنت بشرب 3 كوبيات لبن في اليوم.

ناصر: بس انتِ كنتِ بتحبيه. ياسمين: بالعكس، بس بعد كده حبيته عشان هو ليه فوائد كتير جداً. ناصر بتساؤل: زي إيه؟ ياسمين: بيحافظ على صحتك وقلبك. ناصر باقتناع: يعني أنا لو فضلت أشربه هبقى زي الولد ده. (شار إلى سليم اللي كان متابع الحوار) أم ناصر: ناصر عيب. سليم قرب وحضنه من كتفه: أيوه يا عم ناصر اشرب اللبن وهتبقى زي الولد ده. ناصر بفرحة: ماما أنا خلاص هشرب اللبن على طول.

أم ناصر بابتسامة: شكراً ليكم، ربنا يحفظكم لبعض يا رب. سليم بص لياسمين وفضل يبصلها بعمق، وياسمين اتكسفت جداً. سليم بجدية: أنا جبت عربية ليكي، شوفي إمتى تحبي تدربي وأنا موجود. وسابها ومشي. في شركة سليم تحديداً مكتبه. سليم باستغراب: إزاي يعني تمشي يا عم سيد؟ في حد ضايقك؟ سيد: لا لا محدش ضايقني خالص. سليم بإصرار: يا عم سيد لو في أي حد ضايقك قول لي وأنا هتصرف. سيد: لا يا ابني مفيش حد ضايقني.

سليم قام: خلاص أنا هشوف الكاميرات. سيد بسرعة: لا لا ليه الكاميرات. سليم بثقة: عم سيد أنا عارف ومتأكد في حد مضايقك، فقولي لأني كده كده هعرف. اتفضل اقعد واحكي. سيد بخوف: بس أنا مش عايز مشاكل مع الهانم. سليم باستغراب: هانم!؟ سيد: أيوه الهانم ملك حسن الهويمي. أنا عارف إن مستوايا غير مستواكم بـ 360 درجة ويمكن أكتر، بس أنا إنسان وعندي إحساس وكرامة يا ابني. سليم بيحاول يتحكم في أعصابه: ليه بتقول كده يا عم سيد؟ هي عملت إيه؟

سيد: حضرتك انتَ مواعيدك بتيجي في الشركة، فا هي جات في مرة وسألت عليك وكلمتني بطريقة مش كويسة، والنهاردة كمان. فلاش باك: ملك: فين سليم؟ سيد: لسه ما وصلش والله يا هانم. ملك بعصبية وزعقت: أوووف إيه ده أنا كل ما أجي ألاقيك في وشي، إيه القرف ده. سليم فاض بيه وقام أخد مفاتيح العربية وذهب متجه إلى شركة حسن الهويمي وكلّه غضب.

سليم دخل الشركة والكل وقف واعتدل أول ما شاف بهيبته داخل، بس هو ما ادّاش لحد أي اهتمام ودخل فوراً عند ملك. ملك اتنفضت من مكانها أول لما دخل: إيه الدخلة دي يا سليم. سليم بهدوء ووراه بركان من الغضب: راح قعد وبصلها بحدة: انتِ عملتي إيه لـ سيد. ملك بسخرية: قصدك الخدام ده. سليم قام وزعق: اخرسي. ملك بعصبية: انتَ جاي شركتي وفي مكتبي وبتزعق وعشان مين؟ واحد خدام في شركتي.

سليم: ما لقتش وشك في شركتي انتِ فاهمة، وأنا شغلي مع باباكي مش انتِ. وإياكي أسمع عملتي شيء لـ سيد. ملك بصدمة: انتَ بتهددني. سليم وهو يغادر المكان: لا، بحذرك. ياسمين: النهاردة مستنياكي يا حبيبة. حبيبة بابتسامة: أوكي يا حبيبتي، بس قوليلي ليه أخدتي رقم أم ناصر؟ ياسمين: خالتي محتاجة داده تساعدها، وأم ناصر ست طيبة، فا إمبارح روحت أنا وخالتي وابن خالتي جبناها. بجد فرحت جداً. حبيبة: ربنا يجعله في ميزان حسناتك يا حبيبتي.

ياسمين: اللهم آمين يا رب. حبيبة بتساؤل: الأ قوليلي يا ياسمين ابن خالتك ده حلو؟ ياسمين باستغراب: إيه السؤال ده!؟ حبيبة: أصل بسمع البنات كلها هتموت عليه، وهو شخص جاد وشخصية قوية وناجح في شغله جامد. ياسمين بغيرة مدارية: إممم قومي شوفي شغلك يا حبيبة. حبيبة بضحك: إيه هو الحلوة غارت ولا إيه... قايمة يا أختي. أما عن ياسمين، استغربت نفسها جداً، هي غارت كده ليه... عند ملك كانت قاعدة على آخرها وعايزة تتخانق مع أي حد.

الباب بيدق. ملك: ادخل. ... : اتفضلي يا فندم، مستر سليم بعتها وقال نوصلهالك. ملك: هات واتفضل. أخدت ملك البوكس، كان مزخرف جداً وباين جواه هدية وفرحت جداً. توقعت سليم خطط حاجة هي بتحبها في البوكس، ولكن انصدمت لما شافت و...