رواية قدري الفصل السادس عشر 16 - بقلم حبيبه عيد

حبيبه بصت لعمر لما ياسمين حضنتها وطلعت. عمر شاف حبيبه وطلع ياسمين من حضنه وطلع وراها. ياسمين بصت ليهم بخبث وضحكت ضحكة شيطانية. حبيبه طلعت وقفلت الباب وقعدت تعيط. لحد ما سمعت الباب بيخبط. حبيبه بصوت متعب: اتفضل. عمر دخل. عمر راح لها واخدها في حضنه. اسف يا روحي بس والله هي اللي جت حضنتني. حبيبه بعدت من حضنه. خلاص يا عمر. وسبته ودخلت الحمام. عمر مسح على وشه بغضب ولبس وراح الشركة. تحت عند فريده وحنان.

حنان ببكاء مصتنع وخبث: معلش يا فريده، هما يومين وهشوف أي شقة وأقعد فيها أنا وياسمين. فريده بطيبة: اخص عليكي يا حنان، بقي كده. البيت بيتك يا حبيبتي وياسمين بنتي زيها زي بسمه، عيب تقولي كده. حنان ابتسمت بخبث وحضنتها. شكرا يا فريده، بجد مش عارفة أشكرك إزاي على اللي بتعمليه معايا. فريده بطيبة: يا حبيبتي انتي اختي. تعالي معايا أطلعكم الأوضة بتاعتك انتي وياسمين. حنان: ماشي يا حبيبتي. فريده: أخدتهم الأوض بتاعتهم.

فريده: البيت بيتكم يا حنان ولو عايزة أي حاجة قوليلي. حنان: ماشي يا حبيبتي تسلمي. فريده: ارتاحوا شوية عقبال ما الغدا يجهز، ماشي. حنان: ماشي. فريده بتنزل من عندهم وبتروح لحبيبه. فريده بتخبط على الباب. حبيبه فتحت وكانت خالعاه الحجاب. فريده: بسم الله ما شاء الله قمر يا حب. حبيبه بتحضنها: اتفضلي يا ماما. فريده بتدخل وحبيبه بتقعد جنبها. فريده بتربت على ظهر حبيبه. مالك يا حبيبتي في أي؟ شكلك زعلانة، عمر مزعلك في حاجة؟

حبيبه بصتلها بدموع. لا لاء يا ماما، عمر مش مزعلني. فريده: دا بجد؟ حبيبه راحت معيطة جامد. فريده اخدتها في حضنها وقعدت تهدي فيها. بعد شوية حبيبه هدت. فريده: انتي زعلانة من اللي حصل تحت؟ حبيبه بصتلها وهزت راسها بنعم. فريده بحب ورزانه:

بصي يا حبيبة، أنا عمر ماشفت في عيون عمر حب لحد غيرك وأنا أكتر واحدة عارفة ابني عمر حبك بجد، مضيعيش حبه أبدا بزعلك منه ومن الحاجات التافه وحولي تعديها عشان علاقتكم تستمر، في كتير هيحولوا يدمرواها بس بحبكم لبعض هتستمر، ماشي يا حبيبتي. حبيبه بحضنها تاني. حاضر يا ماما وشكرا على النصيحة دي بجد. فريده: ماشي يا حبيبتي، أنا هنزل أرتاح شوية، عايزة حاجة؟ حبيبه: عايزة سلامتك.

عمر كان في الشركة وكان مضايق أوي من اللي حصل وكان بيشتغل بغضب وسرعة. عمر: احمد هات أوراق الصفقة الأخيرة. احمد: حاضر يا عمر بيه. احمد راح جاب الورق. اتفضل يا عمر بيه. عمر: هات كل الورق اللي عايز يتوقع. احمد: احم، بس كده هياخد وقت كبير يا عمر بيه. عمر بعصبية: اللي أقول عليه يتنفذ. احمد بخوف: حاضر يا باشا. عمر: اتفضل وابعتلي الزفت السكرتيرة. احمد: حاضر يا عمر بيه. احمد خرج وهو بيحمد ربنا إنه فلت من عمر.

احمد ل السكرتيرة: اسما ادخلي لعمر بيه بسرعة. اسماء: اسماء بتقوم من على المكتب بخوف: اي في أي؟ احمد: عمر بيه متعصب أوي، ادخلي شوفيه عايزك ليه. اسماء بخوف: حا. حاضر هدخل أهو. اسماء بتخبط وهي بتدعي في سرها. عمر وهوا باصص للاب: ادخل. اسماء: أيوا يا فندم، حضرتك طلبتني. عمر: هاتي قهوة سادة بسرعة، ولو جيتي باللبس دا تاني اعتبري نفسك مرفودة، انتي جاية شركة محترمة مش راحة كباري. اسماء بإحراج: أمرك يا عمر باشا. عمر: اتفضلي.

احمد بيدخل بورق كتير جدا وبيحطه قدام عمر على المكتب. احمد: حاجة تاني يا عمر بيه؟ عمر: لاء اتفضل انت. احمد: تمام يا فندم. بيمر الوقت وعمر بيشتغل ومش حاسس بالوقت بسبب غضبه. في ڤيلا الصياد. على الغداء حبيبه كانت بتحط الأطباء على السفرة مع الخدم وياسمين وامها قاعدين وفريده وبسمه. فريده بحب: ارتاحي يا حبيبتي والخدم هيعملوا كل حاجة. حبيبه: لا يا ماما، أنا بساعدهم عادي. ياسمين بتقليل من حبيبه: انتي هاتي الطبق اللي هناك ده.

البنت كانت هتدهولها. حبيبه للبنت: ادخلي انتي، مش حطيتي الأطباء على السفرة يبقي خلصتي شغلك. ثم أكملت وهي بتبص لياسمين: واللي عايز بعد كده حاجة يعملها بنفسه. البنت ابتسمت وفرحت من كلام حبيبه. شكرا يا هانم. حبيبه بطيبة: متقوليش هانم، حبيبه بس يا قمر 🙂. البنت: حاضر يا حبيبه. حبيبه ابتسمت لها. ادخلي اتغدوا انتي والباقي يلا. البنت: حاضر. وهي ماشية قعدت تدعي لحبيبه وأنها قد إيه طيبة. حبيبه بتقعد جمب بسمه.

وياسمين قاعدة شيطة من كلام حبيبه. بسمه وحبيبه كانوا قاعدين يضحكوا. ياسمين: طنط، هوا عمر مجاش يتغدى ليه؟ حبيبه وهي بصت لها وبصت في طبقها: فريده: مش عارفة يا ياسمين، وبعدين عمر متجوز يعني عارف وراه إيه. حبيبه وهي بثه في طبقها ضحكت بسخرية. وياسمين كانت بصه ليها بغيظ. ياسمين اتعصبت وقامت من على الأكل. فريده: قومتي ليه يا حبيبتي؟ متكملي أكل. ياسمين بغيظ: شكرا يا خالتو، كلت. ومشت وبعدها حنان مشيت هي كمان.

حبيبه بعد ما هما مشيوا ضحكت هي وبسمه وفريده ضحكت عليهم. بعد ما خلصوا غدا. حبيبه: أحلى تلاتة شاي بقي من إيدي في الجنينة الحلوة دي. بسمه: اشطا يسطا. فريده: أيوا بقي على المزاج الحلو. حبيبه: امال. حبيبه عملت شاي وقعدوا يشربوا هي وبسمه وفريده وضحكوا شوية. حبيبه: أنا هطلع بقي يا جماعة أذاكر شوية عقبال ما عمر يجي. بسمه: اشطا خديني معاكي. حبيبه: طيب يلا. الوقت مر عليهم والجو بقى ليل. بسمه بنعس:

أنا مش قادرة خلاص، أنا هروح أنام. حبيبه بتعب: وأنا كمان تعبت، مش عارفة عمر لسه مجاش ليه. بسمه وهي بتلم كتبها عشان تمشي: شويه وهتلاقيه جي، تصبحي على خير. حبيبه: وانتي من أهل الخير. حبيبه بعد ما بسمه بتمشي بتخلي الخدم يجهزوا عشاء عشان عمر ويطلعوا الأوضة. بتطلع تاخد شاور وبتلبس فستان قصير فوق الركبة وبتفرد شعرها، كانت قمر. وبتقعد في البلكونة تستنى عمر. الساعة بقت 11 وعمر لسه داخل البيت.

حبيبه بتشوفه وبتجري تقفل النور وبتستناه ورا الباب. عمر طلع فوق وخبط على الباب ومحدش رد، فتح الباب براحه. عمر: حبيبه انتي فين؟ فجأة بيلاقي حد بيحط إيده على عينيه، ف بيمسك إيديها وبيلفها ليه، هوا باصص في عيونها. حبيبه: أنا آسفة إني زعلتك. عمر بصلها: بس أنا مش قابل الاعتذار ده. حبيبه بدموع: طيب أعمل إيه عشان متزعلش مني؟ عمر: يعني عايزة تصلحيني؟ حبيبه: آه. عمر: طيب. ثم همس في ودنها. حبيبه: ابعد انت قليل الأدب. عمر:

طيب من هنا. وبيحط إيده على خده. حبيبه بعناد: لأ بردوا. عمر: لأ بقولك إيه، تعالي هنا بحلاوة أمك دي. عند حنان وياسمين. ياسمين راحة جاية في الأوضة وهي متعصبة. حنان: اقعدي بقي، خيلتيني. ياسمين قعدت بعصبية: قوليلي أعمل إيه، أنا معتش عارفة. حنان: اهدي بس وأنا أقولك. ياسمين: عندك خطة؟ حنان بخبث: امممم. ياسمين: هي إيه؟ حنان: ............