رواية قدري الفصل التاسع 9 - بقلم حبيبه عيد

مراد: ورد. ورد: نعم. مراد: بصي أنا هوصلك البيت دلوقتي وهطلع على المستشفى. ورد: طيب، أجي معاكم. مراد: معلش مرة تانية، أنا أصلاً هروح هناك، مش هيكمل نص ساعة وهاجي على طول. طلع شنطة فيها شوكولاتة كتيرة وأداهالها. ورد أخدتها بفرحة وبتلقائية حضنت مراد. مراد قلبه دق جامد. ورد بعدت عنه. ورد: شكراً يا مرادي. مراد: مراد. ورد بخجل: مش أنت بتقول يا وردي. مراد: امممم طيب. ورد: ماشي، عايز حاجة. مراد: سلامتك. عند أسماء وأسر:

أسر: أسماء. أسماء: أسماء، نعم يا أسر، أنا في أوضة مراد، تعالي. أسر: عايزك في موضوع. أسماء: خير، في أي. أسر: احم، بصي، إحنا هنروح في الفيلا بتاعت حبيبة وعمر. أسماء بصدمة: إيه! لاء طبعاً. أسر: اهدي بس يا أسماء. أسماء: يا أسر، ماله بيتنا. أسر: جميل وزي الفل، بس هي كذا مرة طلبت مني أجي وأنا مش بوافق، وبعدين فرحة أختي هناك أصلاً. أسماء: يا أسر، عزّنا نروح حتى بعد الموضوع ده.

أسر: يا أسماء، الموضوع مر بقاله كتير، 25 سنة أهو، مش كفاية. أسماء بدموع: مش هستحمل أشوف حد من ولادي بعيد عني. أسر: متقلقيش، بعدين مراد أغلب الوقت برا البيت. أسماء: بس دي أم وهتعرف. أسر: اهدي بس بقولك، 25 سنة مش كفاية. أسماء: خلاص يا أسر، اللي أنت عايزه. أسر: طيب يلا عشان هنروح عندهم دلوقتي. أسماء: على طول كده. أسر: حبيبة بقى وطالبتها. أسماء: ماشي يا أسر، هجهز الشنط أهو. ورد بصدمة: يعني مراد مش أخويا.

ورد كانت معدية عشان تروح أوضتها اللي جنب أوضة مراد، لقت أسماء بتعيط وأسر بيكلمها، فوقفت سمعتهم. بعد ما خلصوا كلام وأسر كان هيخرج، جريت على الأوضة بتاعتها. ورد وهي حاطة إيدها على قلبها: ورد بدموع: وفرحة، مراد مش أخويا، مراد مش أخويا، يعني أنا بحبه من غير ما أغضب ربنا، أنا كنت حاسة بكده، أنا كنت حاسة. يا رب. ورد من كتر فرحتها سجدت لربنا. لدرجة إنها مفكرتش تسأل: أمال هوا ابن مين؟ بس يا ترى هو فعلاً ابن مين بالظبط.

أسماء: ورد؟ ورد بربكة: أيوا يا ماما. أسماء: إيه رجعك بدري كده. ورد: مفيش، مكنش في حاجة مهمة، جيت. أسماء: تمام كويس، رتبي الشنطة بتاعتك عشان هنروح عند عمو عمر. ورد: عمو عمر أبو حور. أسماء: اه، أبو حور. ورد: ماشي يا ماما. أسماء: طيب، أنا هروح أجهز الشنط بتاعتنا أنا وأبوكي، تمام، وابقي أجهز بتاعت مراد. ورد بسرعة: ارتاحي وأنا أجهزها. أسماء: اممم ماشي.

ورد جريت جهزت بتاعتها بسرعة، وبعدين دخلت أوضة مراد وقعدت تجهز الشنطة بتاعته بحب. بسمة: عمر، أنت جيت بدري ليه. عمر: مفيش يا ماما، تعبان شوية. بسمة بخضة: ليه، في أي، اللي حصل، تيجي نكشف طيب. عمر: مفيش يا ماما، بس هطلع أرتاح. بسمة: ماشي يا حبيبي. أمل: عمر، أمال فين حبيبة. عمر: في المدرسة. أمل: امال مجتش معاك ليه. عمر: ابقي اسأليها. أمل: ماله ده. عمر سابهم وطلع. عند حبيبة وفرحة:

حبيبة: مالك يا بنتي، أنت بقالك فترة مش بتنزلي. فرحة: مفيش، بس تعبانة شوية. حبيبة: تعبانة ما أنتي صحتك بومب أهو، تعبانة في إيه. فرحة: يخربيت كلامك الدبش. حبيبة: في إيه يا بت. فرحة: مفيش، بس افتكرت يزن. حبيبة: يزن مين. فرحة: ابني، كنت حامل وعاش فترة صغيرة بعد ما اتولد ومات في الحضانة بحوالي يومين. حبيبة بدموع: معلش، ربنا عوضك بريڤ. فرحة: فعلاً معاكي حق. حبيبة: قولي الحمد لله على كل حال. فرحة: ونعم بالله.

يس: حبيبة، تيجي أوصلك. حبيبة: لاء، خلاص، أنا هروح لوحدي عادي. يس: بس عمر روح وسابك. حبيبة بخيبة أمل: عادي بقي، أنا هروح لوحدي. يس: طب ليه، تعالي أوصلك، أنا أصلاً الڤيلا بتاعتنا في طريق بتاعتكم. حبيبة بتوتر: بس. يس: يلا، أنتي لسه هتقولي بس. حبيبة: ركبت مع يس. حبيبة: بس لحد هنا. يس: ماشي، هتيجي بكرة. حبيبة: اه، إن شاء الله. يس: طيب، ممكن الفون بتاعك. حبيبة: تمام، اتفضلي. يس أخد الفون منها وكتب حاجة.

يس: ده رقمي، تمام، هبقى أرن عليكي، تمام. حبيبة بتوتر: اممم تمام. يس: في إيه، حاسك متوترة. حبيبة: مفيش، بس مينفعش كده. يس: بس إحنا صحاب عادي. حبيبة بتفكير: ماشي. حبيبة افتكرت أن عمر معاه أرقام صحاب البنات. يس: عايزة حاجة. حبيبة: لاء، سلامتك. حبيبة دخلت الڤيلا، وفي عيون كانت بتراقبها. سلمت على الموجودين وطلعت عشان تروح أوضتها ترتاح. حبيبة كانت طالعة وهي بتفكر في اللي حصل. فجأة جه حد شدها وكانت هتصوت، فكتم بقها.