رواية قضية رأي عام "كبش فدا" تأليف محمد عصام الفصل الحادي عشر 11 - بقلم غير معروف

بكري نزل من العربية وبدأ يشد فيها والدم بينزل من رجليها وهما مش شايفين. العارف بصدمة: أرميها في أي أوضة في الدار وأقفل عليها كويس وتعالا نتفق. بالفعل دخل بكري الحجرة ووضعها فيها. وقعت على الأرض، الدم بدأ يزيد ووجع بطنها زاد معاها. خرج بكري جلس مع العارف. العارف: أي الاتفاق؟ بكري: هتسلمني البت بمقابل مليون. العارف: مليون إيه، البت كنز لوحدها. أقل من ١٠ مليون مش هتاخدها. بكري: ده اتفاقنا يا بكري؟

العارف: آه، شوف إنت هتفتح المقبرة بقد إيه وهتاخد فيها كام مليار مش مليون. وبعدين ١٠ مليون قبل التسليم و١٠ مليون بعد التسليم عشان متتكلمش. بكري: ده قولك. العارف: آه، جهز الفلوس تلاقيها مستنياك ويلا سلام عشان البت وحشاني قوي. بكري: بكرة الفلوس هتكون عندك. أصل مفيش وقت فاضل يومين. تحرك العارف ومشي، وبكري دخل الحجرة وهو بيغني: "بيخاصمني حبة ويصالحني حبة." خلع ملابسه ولسه داخل الحجرة اتفاجئ بجويرية بتطعنه في بطنه بالسكين.

بكري: لا، جويرية! جويرية بعدت بسرعة وهو وقع على الأرض أول ما الدم بدأ ينزف من بطنه. بكري: عملتي كده ليه؟ عكان بيصرخ من الوجع، جويرية بدأت هي كمان تصرخ. جويرية: كان لازم أعمل كده أول يوم اتجوزتك. إنت اللي دمرت حياتي وجه الوقت اللي أخلص منك. تحركت جويرية أنها تخرج من الحجرة. بكري مسك رجليها وهو بيبكي. بكري: متسيبنيش أموت يا جويرية، أبوس إيدك.

جويرية: سبحانُه من ساعة كنت أنا اللي بترجاك وبقولك أبوس إيدك متسبنيش. دلوقتي إنت اللي بتستنجد بيا. بكري: لا يا جويرية لا. تحركت جويرية وخرجت من الدار وكأنها لأول مرة هتنال حريتها. كانت بترتدي جلباب أسود ومكانش فيه شيء ساتر شعرها. بكري في الداخل بيصرخ. *** الجلاد جالس في القصر بتاعه بملابسه الحريمي وبيشرب شيشة. وجد تليفون. الجلاد: ألو....... بتقول إيه، نقابة مين اللي تحذف اسمي؟ الزاي هما ناسيين أنا مين؟

ده أنا الجلاد، أنا اللي قدمت للفن أكتر أي حد قدم له. أنا اللي كنت واقف صامد وسط ما كانت السينما منهارة. الزاي ده، أنا مش هسكت. رمى التليفون على الأرض وقام بسرعة وهو بيصرخ. الجلاد: جويرية، إنتي السبب. فتح التليفزيون وبدأ يسمع الفيديو اللي كانت جويرية بتتكلم فيه مع المذيعة وجاب الجزء اللي كانت بتقول فيه عنوانها. طلع بسرعة لبس ملابسه وهبط. ركب سيارته وهو بيتحرك. رن حجز لنفسه تذكرة قطر. *** الناس: هي دي الزانية.

الشخص: آه هي، جلابة العار. كل أهل البلد بيتكلموا كده وهي ماشية في وسطهم. الناس: حتى خلعت الحجاب، الواطية. ربنا يستر على ولايانا يا خيتي. بيقولوا أبوها مات بسببها الزانية. جويرية أول ما سمعت بيقولوا أبوها مات انصدمت وصرخت. واتحركت ناحية اللي بتتكلم. جويرية: أبو مين اللي مات؟ أبو مين؟ الست اللي بتتكلم بعدتها فوقعت جويرية على الأرض. الست: ابعدي يدك. ما اغواش واحد زيك يلمسني. أنا طاهرة.

وقفت جويرية وبدأت تجري وسط الناس اللي أهل البلد كلهم اتجمعوا يشاهدوها. جويرية: أبويا. وصلت للبيت وجدت أمها بدرية جالسة بترتدي الأسود هي وأخواتها البنات. جويرية اتحركت ناحية أمها. جويرية: أما! بدرية نظرت إليها في صدمة وفي ثانية وقفت. اتحركت جويرية وبدأت تحضن في أمها اللي أمها مرفعتش إيدها تحضنها زي ما بتحضنها. جويرية: أنجديني ياما هيقتلوني. بدأت بدرية نظرات الشفقة تتحول لجحد وتعصب. جويرية بتبكي.

جويرية: صحيح أبويا مات زي ما بيقولوا الحريم دي؟ فجأة بدرية بعدتها جامد فوقعت جويرية على الأرض مصدومة من رد فعل أمها. بدرية: يا أهل البلد، أنا معنديش بنت اسمها جويرية. أنا بنتي ماتت وأظن دفنتوها معايا وصلينا عليها كمان. جويرية: لا ياما إنتِ بتقولي إيه. بدرية: يا أهل البلد، بنتي ماتت من يوم جابت لنا العار. زي ما قلت لكم أنا معنديش بت اسمها جويرية. جويرية بدأت تزحف على الأرض وبدأت تقبل قدم أمها.

جويرية: أبوس إيدك لا يا أمي، هيقتلوني. بدرية بعدتها عن قدمها ووقفت في وسط الناس. بدرية: يا أهل البلد بنتي زانية، وأنا مفيش في يدي شيء أعمله. اللي كان ممكن يعمل مات. جويرية وقفت وهي بتبكي. بعض النساء قالوا. النساء: وصورها وهي عريانة. صرخت بدرية ببكاء وحسرة وحزن. بدرية: بنتي زانية وأنا منكرش. بنتي ماتت يوم ما جابت لنا العار، والزانية بيرجموها، فأرجموها وريحوني منها. جويرية: يا أما، يا أما.

اتحركت جويرية بسرعة وبدأت تجري وأهل البلد بدأوا يحدفوها بالتراب والزلط والطوب وهي بتهرب. الناس: غوري يا زانية من هنا. الزانية لازم ترحل. امشي يا فاجرة، غوري من هنا. جويرية بتحاول تهرب منهم. دماغها بدأت تنزف دم وجسمها كله بدأ ينزف دم. بدأت تصرخ. جويرية: حرام عليكم حرام عليكم. كانت بتصرخ واتحركت بسرعة ناحية الترب وهربت من أهل البلد والأطفال بأعجوبة، وجلست على الأرض وهي بتبكي. جويرية: يارب ليه يارب.

بدأت تزحف من كتر التعب، بس انصدمت بصوت جاي من خلفها بيقول. صوت: مش يلا بقى ولا إيه؟ الصوت ده مش غريب عليها. التفتت وهي بتقول. جويرية: الصوت مش غريب عليا. انصدمت أول ما شافته واقف أمامها. جويرية: تاني! لا.