رواية قضية رأي عام "كبش فدا" تأليف محمد عصام الفصل الثالث عشر

فتحت عينيها. كانت موجودة في المستشفى. قفلت عينيها تاني. هل هي بتحلم؟ هل في حاجة حصلت لها؟ دخلت الممرضة ليها. -أنا، أنا، أنا فين؟ -أنتي ربنا كتب لك عمر جديد. حمد الله على السلامة. -هو فين؟ -على فكرة أنا متابعة قضيتك على التليفزيون. وربنا أكيد هينصرك. جويرية بدأت تبلع ريقها وهمست بخوف وتعب. -أبوس أيدك جاوبي على أسألتي. -طب ثانية أقفل الباب لأحسن لو الدكتور دخل ولقاني بتكلم معاكي احتمال آخد جزية.

تحركت الممرضة وقفلت الباب وعادت وجلست أمام جويرية. -مين جابني هنا؟ -الحكومة. -الحكومة عرفت مكاني منين؟

-بصي أنا مش هفتي عليكي، بس اللي سمعته من الظابط وهو بيتكلم مع اللواء بيقوله، أن كاميرات المراقبة جابت اللي خطفك وهو بيسرق أدوات من المستشفى هنا. اكتشفوا أن الشخص ده هو اللي بيسرق الحالات اللي بتختفي. بدأوا يتتبعوا مسار عينة التحاليل عليها تيكت علشان لو حد حاول يبدلها نعرف العينة فين. أنصدموا أن الشخص ده قريب من المستشفى. أتحركوا ووصلوا ومن حسن حظك لحقوكي. -طب أنا مش قادرة أقوم ليه؟ -ما هو... -ما هو إيه؟ كملي.

-الحرامي ده كان فاتح بطنك وأنتي جيتي هنا بتخلصي. كان باين عايز يسرق أعضائك. بدأت جويرية تبكي، بس الممرضة ظلت تواسي فيها. -ده الإعلام مقلوب عليكي الدنيا. أيش يقولوا أهلها قتلوها؟ وأيش يقولوا هربت من كلام الناس؟ وأيش يقولوا انتحرت والحكومة دارت الخبر؟ وفي الآخر تطلعي مخطوفة يا حبة عيني. هو مفيش غيره الجلاد ده؟ المخرج الشاذ بن الكلب. -الجلاد خلاص مات. انصدمت الممرضة ووقفت مفزوعة هي كمان.

-اومال عمرو أديب قال أن هو هرب بره مصر ليه؟ -موسى دفنه صاحي في الخرسانة المسلح. -اللهم احفظنا. يا سوادي سلام. خرجت الممرضة مرعوبة. دخل الظابط والمقدم معاه للاستجواب. بدأوا يستجوبوها. -أي العلاقة اللي بينك وبين موسى؟ جويرية حاولت تتعدل واتكلمت معاهم عادي جداً. -أظن حضراتكم عارفين أنه مجرم سفاح. هكون بعمل إيه؟ -زمن الاختطاف كان إمتى؟ -من شهر. -إزاي من شهر؟

-موسى كان معاه كتاب، بيفتحوا بيه المقابر وكان ليه شروط وهما الضحايا السبع. قتل ستة منهم، وكنت أنا الضحية السابعة. كان عاوز يقدميني كبش فدا. -ممكن تفاصيل أكتر؟ موسى في الحبس الانفرادي بيصرخ. -فاضل ساعة على التنفيذ. خرجوني. وقف بسرعة واتحرك ناحية الشباك وبدأ ينظر للشمس. -أيها الشمس لا تغربي، لا تغربي. اتحرك بسرعة ناحية الباب وبدأ يخبط. -أبوس إيديكم عايز أخرج. فاضل ساعة على التنفيذ. جلس مكانه يفكر. هيعمل إيه؟

خلاص الوقت قرب ينتهي. -خرجوني من هنااااااااااا. العارف خارج من الدار هو وزوجته. وتم وضع الكلبش في أيديهم. -واخديني على فين يا عزام؟ -النهاية قربت خلاص. الشمس بدأت تدخل في الكسوف. والعارف في سيارته حزين بيلفظ. -خلاص كده. كل اللي بنيته اتهد. موسى كان زي المجنون بينظر من الشباك وبيلفظ بحزن. -لا، لا. لازم أخرج. بدأ يخبط دماغه في الحائط بقوة. جويرية كانت على السرير والنافذة مفتوحة بتشاهد الكسوف وبتسم.

-أنا كده خلاص في أمان. وقفت جويرية وهي مش قادرة تقف. -أنا كده خلاص في أمان. اتحركت ناحية النافذة وهي بتضحك، وبتصرخ من السعادة. -كده خلاص مش هموت. كانت ماسكة بطنها وبتبكي من شدة السعادة. الممرضة دخلت لها وهي مستغربة. -أي اللي قومك من على سريرك؟ -أنا كده خلاص مش هموت. كده خلاص أنا بقيت حية. الممرضة استغربت من كلامها. بعد مرور أيام. جويرية في قناة رامي رضوان على dmc. -طبعاً الكل كان بيسأل جويرية اختفت راحت فين؟

هل ماتت أو انقتلت أو تم تهريبها خارج مصر. وانتشر أخبار كتيرة عن هروب الجلاد بره مصر. بس للأسف كل التوقعات دي خيبت ظننا للأسف. لا جويرية انقتلت ولا الجلاد هرب. أهلاً جويرية منورانا. -أهلاً يا أستاذ. -ممكن نستفسر منك سبب أختفائك؟ **** في اللحظة دي كانت بدرية تشاهد التليفزيون في حجرة فوق السطوح لعمارة مع بناتها. **** -والله يا أستاذ أنا لو حكيت قصتي هنستغربوا، زي ما استغربتوا أخر مرة. بس مش عارفة أبدأ منين.

-طب هسّهل عليكي. ممكن تقوليلنا الجلاد فين دلوقتي؟ -فوق عند اللي خلقه بيتحاسب دلوقتي. -مات إزاي؟ -موسى اللي قتله. -مين موسى؟ -هحكي أهو. من بعد ما خرجت من استديو المذيعة لقيت أبويا واقف مستنيني هو وبكري. حاولت أهرب منهم. لقيت واحد وقف لي بعربية وقالي اركبي. ركبت. بتنتهي جويرية من الحديث وبتقول.

-علشان يفتحوا مقبرة يدمروا حياتي وحياة ناس. مش قادرة أنسي منظر الطفلة اللي قتلها قدامي. يا حرقة قلب أمها عليها. أنا مظلومة يا جماعة والله انظلمت. انظلمت كتير. ودلوقتي متهمة بقتل بكري. مكنتش أعرف أن السكين هتقتله. كنت بدافع عن نفسي. أنا مش عارفة حاجة. -بأذن الله القضاة هيكونوا عادلين معاكي. هنطلع فاصل ونرجع نشوف أهالي الضحايا اللي تم قتل أقاربهم على يد السفاح موسى. وهنعرض لحضراتكم صورة.

-كلمة أخيرة كمان. عاوزه أقول لامي انتي أكيد سمعتي الحلقة كلها، واكيد قاعدة بتشوفيني دلوقتي. وعرفتي أن بنتك مش زانية. والعالم كله شاف الحقيقة وعرفها. وعرفتي أن بنتك كانت شريفة وأنها كانت ضحية من ضحايا الوسخ بكري هو وعزام العارف. وأنهم هما السبب في كل اللي حصلي. عاوزه منك تسامحيني وأشوفك بكرة في المحكمة يا أما. صحيح لو جيتي وسمحتيني مش هرجع معاكي لأن متهمة بقتل بكري واللي عمله فيا. بس كفاية هشوفك قدامي وأنتي مبتسمة. هستناكي يا أما.

بدأت تبكي. وفي نفس اللحظة كانت بدرية أمها بتبكي هي كمان والبنات حواليها. -أي يا ماما؟ -مكان المحكم ده فين؟ -قصدك المحكمة؟ -أي هي. -ننزل ونسأل مش هنتوه. فعلاً في الصباح. أمام المحكمة. وقفت 3 سيارات بالسجن. أمام المحكمة. كان في ناس كتير جداً. ومنظمة حقوق المرأة. وناس كتير جداً زي أهالي الضحايا اللي تم قتلهم. بيهتفوا. -بنطالب بالعدل. بنطالب بالقصاص. حق جويرية واللي زيها لازم يرجع.

أم جويرية كانت وسطهم. بتحاول تصرخ تنادي على جويرية اللي نزلت من السيارة والكلبش في إيدها. وبتبحث على أمها زي التايهة. بس مش شايفة أمها من وسط الناس. أم جويرية هي بناتها كانوا بيصرخوا وبينادوا عليها. بس هي مش سامعة ولا شايفة. اتحركت جويرية وهي حزينة على أمها جداً. اللي فكرت أن هي محضرتش ليها. اتحركت أم جويرية للحرس وقالت ببكاء. -والله أنا أمها. والله أمها يا ولدي. أبوس يدك عديني أشوفها. -مش هينفع.

بدأت تصرخ وتنادي ببكاء. -يا جلابة العار يا بتي. كانت عاوزة تلفت انتباهها بأي طريقة. التفتت جويرية لصوت أمها. -أما. ابتسمت بدرية وضحكت لبنتها علشان تحقق أمنيتها. فرحت جويرية. وكانت عاوزة تجري تحضن أمها. بس الأمن منعها. موسى دخل والناس كانت هتتهاجم عليه تقتله. والعارف و زوجته. ويخرج صوت من داخل المحكمة. -بأجماع الشهود والأدلة حكمت المحكمة بـ:

-حبس جويرية عبدالقاسم عيد رمضان بالسجن 10 سنوات بسبب قتل بكري ظلط مع دفع كفالة قدرها 10000 جنيه. -حبس عزام عبدالغفار المحروس الشهير بالعارف 25 سنة مع التنفيذ. -حبس نعمة سلطان عفيفي زوجة عزام بالسجن 20 عام. -إعدام موسى حجر أبو العوافي صومع. وذلك في يوم 2 -2021. رفعت الجلسة. بعد مرور أسبوع. جويرية داخل الحبس الانفرادي قبل الترحيل تبكي.

-أنا اللي عملت في نفسي كده. لا القاضي راضي يصدق أن كنت بدافع عن نفسي. ولا حد مش مستوعب اللي حصل لي. عشت بره سنة شفت فيها الويل، وهكمل بقيت عمري في السجن. هو ده سنة الحياة اللي الناس بتقول عليها. هو ده العدل اللي موجود. بكري لو مكانش مات مكنتش أنا عايشة. ومكانتش الحكومة عرفت مين موسى. بكري هو السبب في اللي حصلي. وكان يستحق القتل كل ثانية. وقفت واتحركت ناحية الباب ومسكت الحديد بأيدها.

-أشهد يا حديد، في يوم القيامة هستعين بيك وأخليك تشهد على اللي ظلموني. اتحركت ناحية الحائط وبدأت تمسح بأيدها. -حياتي كلها بدأت بخراب. يوم ما اتجوزت واحد أكبر من أبويا. ويوم ما دخلت بينكم. حرب دايرة والموت بيرفرف بين أربع حيطان. جلست مكانها وبدأت تبكي. -اها يا أما تعبت منك يا دنيا. بس الصبر آخره إيه؟ أنا متعلمة وكنت شاطرة يعني علشان اتعلمت وغلبانة يحصلي كده. أبو البلد على اللي عايش فيها. لا العدل ناصف ولا الحكم عادل.

فتحت العسكري الباب. -في زيارة. خرجت جويرية وكنت بتستغرب مين دي. أمها لسه ماشية من عندها من شوية. معقولة طلبت الزيارة تاني. دخلت الحجرة للزيارة وجدت بنت جميلة جداً وشكلها شيك. -مين حضرتك؟ -أنا بسملة حماد علي بطاطا. (اللي مش عارف بسملة مين دي يقدر يشوف الجزء التاني ويعرف قصتها كان بعنوان #لا _تخبريهم كانت طفلة أخوها اغتصبها وربنا جاب حقها) -أنتي بتاعت قضية... -أيوه أنا. اتحركت جويرية وجلست أمامها بتعجب. -خير يا هانم.

-هو خير. أنا وكلت لك أكبر محامي في مصر. وعمل طعن في الحكم. وطمني أن كلها شهر وهيتقبل وهندفع كفالة وتخرجي. -ده بجد؟ -أها بجد. أنا عشت كل لحظة أنتي عيشتيها. علشان كده قولت أساعدك. -بمقابل إيه؟ -هو المقابل هيعجبك. وهو عبارة عن أني فكرت أكتب قصتي وقصة وداد الله يرحمها. (وداد دي اللي عاوز يعرفها يقدر يشوف الجزء الأول بعنوان #بنت _بنوت)

البنت دي عانت كتير وربنا افتكرها بدري قوي. قررت أجيب كاتب ويكتب كتاب بعنوان قضية رأي عام. والترتيب هيبقي قصة وداد قاسم عابدين زين النور (بنت بنوت) . ويكتب قصتي أنا كمان بعنوان لا تخبريهم. ويكتب قصتك انتي كمان. أي رأيك؟ -ده بجد. -أها يا جويرية. وهشتري منك قصتك بمبلغ كبير. تقدري كمان تحققي حلمك لما تخرجي الشهر الجاي بأذن الله. -أنتي بتقولي بجد. -أها والله. تحبي قصتك يبقي اسمها إيه؟

وقفت جويرية وبدأت تتذكر كل اللي حصلها. وقالت بحزن. -كبش فدا. لأنهم كانوا هيضحوا بيا بدون ذنب غير الناس اللي انقتلت ظلم. -حلو قوي. طب بصي. أنا استضافت أمك وأخواتك عندي في الفيلا. متقلقيش عليهم. -ربنا يباركلك يا ست هانم. الله يباركلك. بعد أيام تم تنفيذ الحكم وإعدام موسى. بعد شهر خرجت جويرية من السجن. وتم نشر الكتاب في الأسواق. بأسم المؤلف: محمد عصام. 😅

وبكده ننهي سلسلة قضية رأي عام بثلاث أجزاء. كل جزء مختلف عن التاني. بكل قصة مختلفة. تمت بحمد الله.