رواية خادمتي البريئة الفصل السابع عشر 17 - بقلم أسماء سليم

رغد من غير أي مقدمات مسكت سمر من شعرها وقالت: والله لأوريكي النجوم في عز الظهر. سمر: انتي اتجننتي؟ انتي بتعملي إيه؟ سيبى شعري. رغد: أنا فعلاً اتجننت إني صدقتك واستحملت إهانتك ليا، بس قولت استحمل عشان كريم. لكن إنك تطلعي بتخدعيه، بتكدبي عليه ومعيشاه في الحزن والهم ده كله، ده اللي مقدرش أتحمله. وبعدين سابت شعرها. سمر: لأ انتي شكلك اتجننتي خالص، انتي بتتكلمي عن إيه؟ وخدعت كريم في إيه؟ رغد:

يعني شكلك مش عايزة تعترفي، فأنا هسمعك بنفسي عشان تعرفي. *** **Flash back** رغد: خير يا دكتور؟ حضرتك رنيتي عليا وقلتيلى تعالي ضروري، لي حاجة ولا إيه؟ الدكتورة: خير يا مدام رغد، مفيش حاجة بس قولتلك تيجي عشان نتيجة التحليل بانت وكنت عايزة أقولك النتيجة إيه. رغد بلهفة: خير يا دكتور قولى بسرعة النتيجة إيه. الدكتورة:

النتيجة بينت إن كريم مش عقيم ولا حاجة، بالعكس نسبة الخصوبة عنده عالية وده السبب إن حضرتك حملتي بسرعة. عشان كده عملنا التحليل ده. رغد متفاجأة جداً: بس إزاي حصل ده؟ هو ممكن يكون كام عقيم وخف؟ الدكتورة: ربنا قادر على كل شيء، بس التحليل بيقول إنه سليم وده يعني إن كريم عمره ما كان عقيم أبداً. رغد: بس إزاي؟ وهو قال لي بلسانه هو وسمر إنه عقيم. الدكتورة: وده اللي خلاني أستعجلك عشان تيجي. رغد: قلقتيني يا دكتور. الدكتورة:

بصي، فيه كام احتمال للي حصل ده. الاحتمال الأول: إن كريم عارف إنه مش عقيم وهو اللي زور التحليل، وإن فيه سبب عشانه مش عايز يخلف، وقالكم كده وكان بياخد حاجة أو بيحط لسمر حاجة عشان متحملش. ولكن هو حبك عشان كده خلاكي تحملي. الاحتمال الثاني: إن حد من أعداء كريم زور التحليل.

الاحتمال الثالث: إن سمر هي اللي زورت التحليل ووهمت كريم إنه عقيم، وده لإما هي اللي مش بتخلف أو هي مش عايزة تخلف، وخافت إن كريم يطلقها أو يتجوز، وكمان عشان تخلص من زنه، فقالت له إنه هو اللي عقيم. بس عايزة أعرف ليه هي محاولتش يحط لك حاجة عشان متخليكيش تحملي مدام هي عارفة إن كريم بيخلف عادي. رغد:

عشان هي متعرفش إني أنا وكريم اتجوزنا. إحنا اتجوزنا في السر، وبعد شهر كده كريم قالها على زواجنا، وكان أوقات كتير بينام عندها بس بيجي لي بالليل بعد لما هي بتنام. الدكتورة: تمام كده فهمت، بس لسه مش عارفين السبب إيه، هل كريم عارف هو بيخلف ولا لأ. رغد: طب هنعرف ده إزاي؟ الدكتورة: لازم تراقبي تصرفات سمر وكريم، مع إني عارفة إنك أكيد مش شاكة في كريم، بس احتمال يكون عارف إنه مش بيخلف ومخبي عليك. رغد:

تمام يا دكتور، أنا هعمل اللي أقدر عليه. الدكتورة: وهنكون على تواصل دايماً، ولو أي حاجة حصلت معاكي أو لقيتي حاجة اتصلي بيا علطول. رغد: تمام يا دكتور، شكراً ليكي. **End** تركت عند رغد وسمر. رغد: ومن ساعتها وأنا شاكة فيكي. سمر اتصدمت أن رغد عرفت أن كريم مش عقيم، بس قالت: بس انتي لسه شاكة ومش متأكدة. رغد: معاكي حق في كلامك، بس ده قبل لما أسمعك انتي وحبيب القلب بتتكلموا. **Flash back**

رغد كانت راحة تجيب حاجة من الدور الثاني، فعدت على أوضة سمر وسمعتها وهي بتكلم علي. سمر: تمام يا علي، هحاول أعامل رغد كويس عشان كريم ميشكش في حاجة. علي: معاكي حق، بس انتي محسستيش أو شوفتي عليها أي أعراض للحمل؟ سمر: لأ، مفيش أي أعراض حمل خالص، غير أنها من يومين كده مكنتش قادرة تعمل الأكل. علي: اه تمام، بس لازم لما تلاقي أي أعراض قوليلي. سمر:

متخافش يا روحي، الخطة هتنجح. وطبعاً كريم هيقول أنها خانته مع حد، عشان هو مستحيل يخطر في باله أنه مش عقيم وأني أنا اللي عقيمة وضحكت عليه. علي: تمام، بس خلي عينك عليها علطول. **End** رغد: ومن ساعتها وأنا نفسي أكشفك ليه، بس كله بوقته. سمر بضحك: قصدك أن كريم مش هيصدقك من غير دليل، عشان كده مقولتيش له؟ رغد: أنا بجد مصدومة من بجاحتك، إزاي قادرة يكون ليكي عين تتكلمي كده، وكأنك معملتيش مصيبة. سمر: وميكونش ليا عين ليه؟

أنا عملت كل ده عشان مصلحتي. رغد ضربتها بالقلم وقالت: مصلحتك!!! مصلحتك دي إنك تكدبي على كريم وتخليه شايل هم كبير وحاسس إنه مش راجل زي باقي الرجالة عشان مش بيخلف، ومهما أقول له أن العقم عادي برضه مش قادر يستحمل. وكمان انتي كنتي بتلوميه إنه مش بيخلف لحد ما بقى مكتئب. سمر وهي حاطة إيديها على وشها: بقى بتضربيني يا خدامة؟

أنا سكتلك، وبما أن اللعب بقى على المكشوف، اعملي اللي تعمليه وأعلى ما في خيلك اركبيه و وريني هتعملي إيه. رغد: اعرفي إن حبل الكذب قصير ونهايتك قربت يا سمر، ورغد القديمة انسيها وشوفي بقى رغد الجديدة هتعمل إيه. وعدي بقى أيامك القليلة في البيت ده. وبعدين سابتها ومشيت. *** بعد لما رغد مشيت، سمر كلمت علي. سمر: الحقني يا علي، رغد عرفت الحقيقة. علي بهدوء: عادي، منا كنت حاسس. سمر: يا برودك يا شيخ، أنا بقولك إيه وانت بتقول إيه.

علي: آمال عايزاني أصوت يعني؟ المهم دلوقتي حاولي متخليش كريم يشك فيكي. ومهمة رغد تهددك متخافيش، لأن لو هي معاها إثبات هتروح لكريم، مش هتيجي تقول لك. سمر: ماشي يا علي، سلام. *** في الصالة، كريم بيكلم رغد وفجأة سمر عدت. كريم: مالك يا رغد؟ عايزة تقولي حاجة؟ رغد: آه يا كريم. كريم: قولي يا رغد، مالك؟ رغد: أنا حامل يا كريم. كريم ضربها بالقلم وقال: بتخونيني يا رغد؟