رواية خارج قانون العشق الفصل السابع 7 - بقلم نور شريف

أنا عارف إن مش هكمل مع الزعيم من الأول، بنت الحلوة أكلت دماغي، كان مالي ومال الشغلانة دي، ما أنا كنت شغال سواق، دلوقت بقيت سايق دماغي. غيث بعصبية: فهد اقف عندك، مش عاجبك شغلك هنا أنقلك تحرس في مكان تاني، أنت بتعصي أوامر الزعيم يا فهد. فهد بتوتر: والله يا زعيم والله هي اللي خرجت وأنا واقف بتابعها، ورفعت السلاح عليها وهي قعدت ترغي زي البومة. غيث بضحكة خفيفة: قصدك إيه؟ أنت بتعصي أوامري؟

بقى كده أنا هاجوزك نور عشان أنت الوحيد اللي شفتها. نور من ورا الباب شهقت بصدمة: يلهوي! أولاد الزعيم هيجوزوني فهد؟ الفهود اللي بتريق عليه؟ حورية كانت بتشرب: شهقت من الضحك، هتتجوزي فهد وطبعًا مش هتقدري ترفضي، وفهد مش هيقدر يرفض. نور بحزن: يعني الزعيم مش بيحبني وهنتجوز. حورية قربت منها وحضنتها: أنتِ عارفة إن الزعيم كان بيحب زينة ومتابعها، وإحنا زي بناته، حولي تحبي فهد ده قمور خالص.

زينة قاعدة تتفرج على الصور اللي في الأوضة ووقعت عنيها على صورة راجل قاعد على كرسي وعنده دقن كبيرة، ركزت في عينيه أوي وخافت، غيث دخل متسحب براحة. غيث بضحك: زينة! أنا هنا، بتعملي إيه عندك؟ زينة بلعت ريقها بخوف: يخربيتك فصلتني، قلبي وقع في رجلي، قولت الراجل اللي شنبه كبير ده طلع لي من الصورة، كنت هقع في مكاني لو قبلته.

غيث سحب إيدها: يلا عشان البنات بتجهز، عشان القصر خلال أسبوع يا زينة، لو القصر مرجعش زي ما كان هتتحبسي مع البنات، مفيش خروج لأبد. زينة بلعت ريقها بخوف: كلامك كويس جدًا، بس أنت ليه مش بتبص في عيني؟ غيث زقها بعيد عنه: متحاوليش تركزي في عيني يا زينة، عشان خاطري ابعدي عنها. زينة بضحك: سؤال، لما دخلت على البنات ليه بعدت عيونك عنهم؟ هل ده غض بصرك؟ أصل أنا قولت إيه الاحترام ده مش معقول. غيث سحب إيدها ونزل بيها على

أول السلم في وسط الظلمة: اقفي هنا وهتقولي كل اللي هقولك عليه يا زينة، بالحرف. زينة بخوف: القصر ظلمة يا غيث، مرعب. غيث بحزن: عايزك تتحملي الأصوات يا زينة، على قد ما تقدري، هو ده الكلام، هتقولي وقلبك مطمئن إن جمبك. البنات بدأت تخرج من الأوضة، وكل بنت مغطية وشها ونازلة على السلم في وسط الظلمة. زينة بصريخ: البنات يا غيث، البنات! غيث بعصبية: اهدي وقولي الكلام، غمضي عينك أو اهدي خالص، حاولي تستحملي يا زينة.

زينة فتحت الورقة، لاقت صورة الراجل اللي كان في الأوضة، بلعت ريقها بخوف وقالت: أيها الزعيم، أنا سيدة القصر، فكل من قتل أنت أخذت روحه، ستحضر الأرواح لتذهب من هذا القصر اللعين، إذا كنت لا تريد الحرق اخرج أنت ولعنتك، لا مكان للشر بيننا. فجأة صوت القصر بدأ يعلى، ونور القصر بيفتح ويقفل، والبنات بترقص وتغني، حتى غيث نزل وسطهم. زينة برعب: مش قادرة أكمل، إيه اللي بيحصل ده؟

بلعت ريقها بخوف وقالت: اقف هذه اللعنة، اخرج أنت ولعنتك، اخرج أنت ولعنتك، لا مكان للشر بيننا، أنا سيدة القصر، لا مكان للشر بيننا. فجأة القصر بدأ يهدأ، والشبابيك فتحت على الآخر، الشمس بدأت تدخل، وغيث فاق وطلع حضنها. غيث بفرحة: كده إحنا حرية، أسبوع بس يا زينة، عندك أسبوع بس والقصر هيقفل تاني، بس الريحة اللي هتتغير، الشبابيك دي مبتفتحش غير بالورقة اللي معاكي، لو ضاعت منك، مستحيل نخرج من القصر لأبد.

البنات حضنت زينة: مش عارفين نقولك إيه يا زينة، إحنا اتحررنا، لاكن متنسيش كلام غيث، خلي بالك من نفسك عشان أنتِ معرضة للأذية. زينة بخوف: بس أنا عايزة أحرر القصر كله من اللعنة دي يا غيث. غيث بعصبية: مستحيل، لو قلبك طاوعك وحاولتي تدوري هتتدخلي في متاهة لا أنا ولا انتي قدها. زينة بجراءة: وأنا قدها وهحرر القصر يا غيث. غيث:****************.