رواية خطفت قلبي بالرماديتين الفصل الرابع عشر 14 - بقلم هدى محمد

مراد بمقاطعة: اهدا، هي عندي بكرة نشوف الموضوع دا. مالك: تمام. وقف مالك وقال لتلين: متخافيش، هي عند مراد. تلين: الحمد لله. مالك بوقاحة: طيب، إيه؟ تلين بتوتر: إيه؟ مالك: عاوز بوسة زي اللي خدتيها سرقة. تلين اتكسفت وبصت للأرض. مالك بعصبية مصطنعة: انتي سمعاني ولا لأ؟ تلين بخوف: نعم. مالك: عاوز بوسة.

تلين اتدايقت جدًا واتكسفت وخافت، شوية حاجات مختلطة كده، وقررت تمنعه يقرب منها، بس افتكرت إنه جوزها وده حقه، وفضل في دماغها ألف حاجة مش عارفة تعمل إيه. مالك: انتي يا حاجة. تلين: ها؟ نعم؟ مالك: نعم الله عليكي. تلين: ممكن تخليها لما تبقا جوزي قدام كل الناس؟ مالك بهدوء: تمام، تصبحي على خير. تلين: وانت من أهله. ناموا. .................... نروح لملك ومراد.

ملك أول ما وصلت وشافت الفيلا، كانت مرعوبة من منظر الحرس اللي عليها. ودخلت جوة، وأول ما شافت مراد حسّت بحاجة أول مرة تحسها، أول مرة تحس إنها متأمنة. ملك: سلام عليكم. مراد: عليكم السلام، نورتي. ملك: دا نورك. مراد: في إيه مالك؟ ملك: هو حضرتك جايبني هنا ليه؟ مراد بتوتر: أنا جايبك هنا عشان... مراد: أنا جايبك هنا عشان أحميكي. ملك: من إيه؟ مراد مغيرًا الموضوع: هو انتي كنتي رايحة فين في وقت زي ده؟

ملك بتوتر واضح: ولا مكان، كنت نازلة أجيب حاجة. مراد: حاجة إيه دي اللي نازلة لها في وقت زي ده؟ ملك: بص، هقولك بس متقوليش عليا قليلة أدب أو تظني فيا ظن مش كويس. مراد عارف بس حب يسمع منها: اتفضلي. ملك حكت كل حاجة من غير ما تذكر اسم تلين. مراد: آه، يعني تلين قالت إنها هتبعتلك حد ياخدك؟ ملك باستغراب: وحضرتك عرفت اسم صاحبتي منين؟ مراد بتوتر: انتي لسه قايلة اسمها. ملك: لا مقولتش اسمها.

مراد بتوتر أكبر: لا لا قولتي حالا، انتي شكلك تعبانة، اطلعي نامي، أوضتك التالتة على اليمين. ملك بشك: امممممم، طيب، تصبح على خير. مراد: وانتي من أهله. .............................. Back. مراد نام وملك في أوضتها نايمة. تاني يوم. .................. نروح لتلين ومالك. تلين: ممكن نروح لماما النهاردة؟ مالك: أكيد، هوديكي حاضر. تلين: شكرًا. مالك: على إيه؟

تلين: على تفهمك معايا امبارح، وعلى إنك كنت مستعد تساعد صاحبتي، وعلى كل حاجة، بجد شكرًا أوي. مالك: مفيش حاجة بتيجي بالعافية، وبعدين انتي مراتي، لازم أساعدك، انتي حرم مالك الألفي. تلين معرفتش تقول أي، واكتفت بابتسامة. مالك: هنفطر ولا هنقعد نبص لبعض كده كتير؟ تلين: احم، حاضر، هقوم أحضر فطار. وقامت تجهز الفطار. .................. نروح لأم تلين. نايمة في سرير المستشفى، وفي ممرضة دخلت حطت لها محلول وخرجت.

بعد شوية دخل واحد ومعاه بنت، شكلها مراته. الشكل مألوف ده، ابنها محمد ومراته. محمد دخل: صباح الخير يا ماما. الأم: صباح الزفت على دماغك، إيه جابك هنا؟ محمد: امال فين تلين هانم كده؟ مش شايفها. الأم: انت عاوز منها إيه؟ محمد: أصل الحكومة بتدور عليها، معمول لها محضر. الأم بصدمة: ومين اللي عامل لها محضر وليه؟ محمد: أنا، أصلها اعتدت على مراتي. الأم اتصدمت ومكنتش عارفة تقول إيه، وفجأة جهاز القلب صفر و...