رواية خطفت قلبي بالرماديتين الفصل السادس عشر 16 - بقلم هدى محمد

الدكتور بنظرة إعجاب: متقلقيش يا آنسة، هي كويسة. تلين: طب ممكن أدخلها؟ الدكتور بنفس النظرة: هو مينفعش، بس عشان عيونك ينفع يا قمر. في الوقت ده مالك اتعصب جدًا ومسك الدكتور من رقبته وقال بغضب: مش مالي عينك أنا يا ***. في أي وضربوا في وشه لحد ما نزف من شفايفه، تحت نظر تلين اللي فرحت جدًا لما حست إنه غيران عليها. والأمن بعدوا مالك عن الدكتور وتلين دخلت لمامتها. عند ملك ومراد. ملك: خلاص، فطرنا. يلا عايزة أشوف تلين. مراد:

حاضر، يلا بينا. وقاموا جهزوا وركبوا عربية ومراد اتصل على مالك. مالك: إيه؟ مراد: إيه يا لوكا، عامل إيه؟ مالك: للمرة المليون متقوليش يا زفت. مراد بضحك: خلاص طيب، فين تلين؟ مالك بغيرة: عايزها ليه؟ مراد: ملك بتسأل عليها. مالك: طيب تعالوا على المستشفى. شوية ووصلوا مراد وملك عند المستشفى. وسألوا على غرفة أم تلين وطلعوا على فوق. ملك بتبص لمالك بأستحقار بسبب اللي حكته تلين واللي عملوه معاها. مراد ومالك مستغربين من نظرات ملك.

تلين: أنا هنزل أجيب أكل. حد هياكل معايا؟ ملك: أنا جاية معاكي. مالك حطلها فلوس في الشنطة من غير ما تاخد بالها. تلين وملك نزلوا وجت عربية نزل منها أربع شباب. خدوا تلين وملك وخدوهم في العربية و... وطلعوا بالعربية ووراهم الحرس بتوع مالك. واتصلوا على مالك بس مش بيرد. واضطروا يتصلوا على مراد. مراد: إيه؟ الحارس: مراد، فين مالك باشا؟ مراد: انت عبيط يابني، مانت معانا عند المستشفى. الحارس:

يا فندم، الأنسات اللي معاكم اتخطفوا وإحنا ماشيين ورا العربية وهما شكلهم مسلحين. مراد بقلق: خليك وراهم وخد بالك، أوعى حد يعمل فيهم حاجة، وأنا جاي حالا أنا ومالك. وقفله. مالك: إيه؟ مراد حكاله اللي قاله الحارس ومالك قام زي المجنون جري على العربية هو ومراد، بس مكنش عارف يروح فين. مالك اتصل على الحارس. مالك: إيه؟ الحارس: أيوه يا فندم. مالك: انتوا فين يا بهايم؟ وكنتوا فين وهما بيتخطفوا؟ الحارس:

والله ما لحقنا نعمل حاجة يا باشا. مالك: حسابكم معايا بعدين... انتوا فين دلوقتي؟ الحارس: في ********. مالك: أنا جاي حالا. مالك قال لمراد على المكان وطلعوا بالعربية متجهين للمكان. عند فاطمة. فاطمة: نفذت؟ مجهول: حصل يا هانم. فاطمة بشر: لما نشوف كلام مين اللي هيمشي يا ملك الكلب😈. نروح للحرس بتوع مالك. في ضرب نار متبادل بين الطرفين لحد ما في طلقة جت في تانك البنزين بتاع العربية اللي فيها الحرس بتوع مالك والعربية انفجرت.

وللأسف ماتوا كلهم. والعربية اللي فيها ملك وتلين طلعت بأقصى سرعة ممكنة على مكان مجهول. عند أم تلين. نايمة على السرير وفي حد دخل بيحاول يكتم نفسها بالمخدة وهي بتحاول تقاوم بس مش قادرة وفقدت الوعي. عند مالك. مالك: الموبايلات كلها اتقفلت. مراد: طب هنعمل إيه دلوقتي؟ مالك: مش عارف، أنا حاسس إني عاجز. مراد: طيب أنا هتصرف. نزلني في القسم. واتجهوا للقسم ومراد بدأ يشتغل ويشوف هيوصلهم إزاي. عند تلين وملك (الثنائي البائس)

وصلوا مكان مجهول. تلين فاقت لاقت نفسها مربوطة وملك جمبها. حاولت تفك نفسها عشان تفك ملك ويهربوا بس معرفتش. فضلت تصرخ وتزعق لحد ما في واحد دخل في الوقت ده ملك فاقت وشافته. ملك بصدمة.................