رواية خطفت قلبي بالرماديتين الفصل التاسع 9 - بقلم هدى محمد

جت ماسدچ على الواتس عند تلين مكتوب على الرقم ابن قلبي وفتحتها محتوى الرسالة (عاملة اي يا توتة وحشتيني اوي نفسي اخد حضن وبوسة ي روحي ياريت تجيلي بكرة عاوز اشوفك) مالك مسكها من شعرها بغضب وقال: انتي يا بنت ال******* مين دااااااااا؟ تلين بهدوء: سيبني لو عاوز تفهم لكن بطريقة الحيوانات بتاعتك دي صدقني مش هتوصل لحاجة. مالك سابها وقعد مستنيها تتكلم. تلين بعتت ڤويس لنفس الرقم.

تلين: وانت كمان وحشتني اوي يا فارس ممكن تبعتلي ڤويس عاوزة اسمع صوتك. ومالك باصص عليها باستغراب. تلين: انا لو بعمل حاجة غلط مكنتش هفتح الماسدج قدامك خليك اذكى من كده يا مالك. مالك: مين ده بردو؟ في الوقت ده وصل ڤويس لتلين وفتحتو وسمعتو لمالك. (يا توتة وحشتيني وعاوز أشوفك انا جبتلك خاتم عشان نتجوز) مالك ابتسم على براءة نبرة الطفل وقالها بهدوء: مين ده؟ تلين: ده طفل في دار أيتام وأنا بصرف عليه وبحبه جداً وهو متعلق بيا.

مالك: ممكن أجي معاكي وإنتي بتشوفي؟ تلين بصدمة: وحضرتك عاوز تيجي؟ مالك: لو هدايقك بلاش. تلين: لا لا مفيش مانع ممكن طبعاً. مالك: أنا آسف. تلين: ليه؟ عادي حقك تفهم غلط. مالك: شكراً على تفهمك. وناموا. ................ تاني يوم. نبدأ من عند ملك. ملك نايمة. وجت فاطمة رشت على وشها ميه. ملك قامت بخضة: في إيه؟ فاطمة: قومي يا *روح أمك نضفي البيت عشان عريسك جاي النهاردة يسلم عليكي وقسمآ بالله لو دايقتي لأكسر عضمك.

ملك بغضب: ولا عريس ولا زفت اطلعي برا أوضتي. فاطمة بصدمة: انتي بتزعقيلي يا بنت ال******* وقربت وكانت هتضربها بس ملك مسكت أيدها ولفتها ورا ضهرها. ملك بنبرة تحذير: اياكي ثم اياكي إيدك تتمد عليا تاني انتي فاهمة. لو حصلت تاني هكسرها. والزفت الجاي ده لو دخل البيت هطردك انتي وهو اللهم بلغت اللهم فاشهد. وسابتها وفاطمة خرجت بخوف وصدمة. ملك لنفسها: إيه ده أنا ازاي قدرت عليها؟ كان عندك حق يا تلين. وافتكرت تلين وقررت تتصل عليها.

ملك: الو يا توتة. تلين: إيه يا لوك عاملة إيه؟ ملك: الحمدلله بس زعلانة منك. تلين: ليه كده بس؟ ملك: خرجت من المستشفى وميهونش عليكي تسألي عليا. تلين: ده أنا حصل معايا قصة كبيرة. ملك: احكي. تلين: لا لازم أشوفك بس عاملة إيه مع الساحرة الشريرة اللي عندك. ملك: تخيلي أنا زعقتلها ولويت دراعها وراها وهددتها ولغيت الجوازة السودة دي. تلين: جبتي القوة دي منين؟ ملك: من عند ربنا. تلين: طيب أنا هقفل وهكلمك تاني عشان نتقابل.

وقفلو وتلين قامت ومالك كان نايم على الكنبة برا وكانت مترددة تصحيه ولا لأ وقررت تصحي. تلين: ... مش عارفه تقولو إيه. تلين: يا أستاذ مالك. مالك..... تلين: يا باشمهندس. مالك ...... تلين: لو سمحت. مالك: إيه يا حاجة انتي بتنادي على واحد من الشارع؟ مانتي عارفة اسمي يا تلين. تلين: ماهو مش عارفه أقولك إيه. مالك بضحك: قوللي يا سي مالك. تلين ضحكت بصوت عالي: وأعمل كده. مالك: دي أهم حاجة. كده دي.

تلين ضحكت بكسوف: طيب يا سي مالك باشا الجارحي. مالك بصلها بوقاحة: دي هدومي صح؟ تلين بحرج: احم آسفة بس مفيش هدوم ليا هنا. مالك: لايقين عليكي أكتر. تلين اتكسفت. Flash back..... تلين بعد ما خلصوا كلام قامت خدت شاور منعش بعد ما خلصت افتكرت أنها مش معاها هدوم تانية. تلين لنفسها: أعمل إيه دلوقتي؟ كان لازم أتزفت دلوقتي يعني. مالك خبط عليها لما حس أنها اتأخرت. مالك: تلين.... انتي كويسة؟ تلين: آه آه كويسة في حاجة؟

مالك: لا بس لقيتك اتأخرتي قولت أشوفك لو عاوزة حاجة. تلين: لا شكراً. مالك: طيب أنا نازل هجيب حاجة عاوزة حاجة أجبهالك معايا؟ تلين: لا شكراً. مالك سابها وكان نازل بس افتكر أنه سايب المحفظة في الأوضة راح قفل الباب ودخل يدور عليها. تلين سمعت الباب اتقفل افتكرته نزل لفت فوطة على جسمها وخرجت على الأوضة. مالك أول ما شافها تنح وبصلها برغبة واضحة وتلين اتكسفت وخافت في نفس الوقت.

مالك قرب منها وهي فضلت تبعد لحد ما لزقت في الحيطة وهو حاوطها بيديه وفضل يقرب منها لحد ما أنفاسهم اختلطت. تلين اتوترت بس هو جوزها وده حقه. سكتت بخوف بس قطع الجو ده مراد وهو بيتصل على فون مالك. مالك رد بغضب: عاوز إيه يا زفت؟ مراد: إيه يا لوكا موحشتكش؟ مالك: نفسي أعرف اتقبلت إزاي في الكلية. مراد: كدهو. مالك: عاوز إيه؟ مراد: شكلي قطعت عليك حاجة مهمة. مالك: آآآه يابني كنت عندي شغل مهم عاوز حاجة ولا بترخم وخلاص.

تلين ضحكت بدون صوت. مراد: لا خلاص خلص شغل وكلمني عشان عاوزك. مالك: طيب تمام. وقفل وبص لتلين. مالك: منك لله يا مراد يا هادم اللذات ومفرق الجماعات. تلين بضحك: ربنا يخليكم لبعض. مالك: تسلمي ياختي.... إيه ده اللي انتي لبساه دا؟ تلين: إيه؟ الجيش بيقولك اتصرف. مفيش هدوم ليا وخدت هدوم من عندك. مالك: انت تاخد اللي انت عاوزه يا قمر..... بس كله بحسابه. تلين: مش فاهمة. مالك: هتعرفي بس مش دلوقتي. تلين: تماااااااام.

مالك خد المحفظة ونزل وجه بعد ساعة لقى تلين نايمة على الكنبة بتعب شالها دخلها على السرير ونام هو على الكنبة. Back.... مالك: قومي يلا عشان نجيبلك هدوم. تلين: ممكن نروح لماما الأول. مالك: حاضر. تلين: وتعدي على فارس وإحنا راجعين. مالك: حاضر. تلين: ونجيبله هدية. مالك: حاضر. تلين: وعاوزة أتعرف على أهلك. مالك: حححححااااااااضضضضضررررر. تلين بضحك: تسلملي.

مالك: إحنا هنتقدم ليكي من الأول كأننا مش متجوزين عشان أهلي ما يعرفوش إني اتجوزت أصلاً. تلين بهدوء: تمام. مالك: قومي حضري الفطار. تلين: حاضر. مالك: وعصير فريش. تلين: حاضر. مالك: وسخني لبن. تلين: حاضر. مالك: وهاتي بوسة. تلين: حا..... وأستوعبت واتكسفت وبصت في الأرض. مالك: أنا جوزك على فكرة. تلين: ممكن بعد ما نخلص من اللي إحنا فيه ونبقى متجوزين قدام كل الناس. مالك: اللي انتي عاوزاه.

وقامت تلين حضرت الفطار وقعدوا يفطروا. نسيبهم ونروح لمراد. في مأمورية واقف بعيد بيراقب أكتر شخص بيكرهه وعاوز ينتقم منه (غول المخدرات) ده قتل أهل مراد. بدأ ضرب نار بين الغول ورجالته مع مراد والعساكر بتوعه لحد ما الغول اتصاب والرحالة اللي معاه خلصت وخدوه على السجن.

مراد طار من الفرحة وقرر يتقدم لملك بس هو ميعرفش بيتها ولا رقمها. وقرر يتصل بتلين ياخد منها العنوان مع أنه ممكن يعرف عنها كل حاجة لوحده بس اتصل عليها وخد العنوان وراح على هناك بس.........