رواية خطفت قلبي بالرماديتين الفصل الثامن عشر 18 - بقلم هدى محمد

الدكتور خرجها هي ومالك بسرعة وفضل يفوق أمها وتلين هت'موت من القلق. عند مراد... بيفكر هيعمل إيه، هو لازم يتجوز ملك عشان يقدر يحميها. مكان بعيد اتنين بيتكلموا: مجهول1: عملت إيه طمني. مجهول2: كله تمام، زمانها في الإنعاش دلوقتي. أنا خوفتهم بس لكن مق'تلتهاش. مجهول1: أيوة مش عاوز د'م دلوقتي. لما أوصل لبنتها وابنها وأمضيهم على التنازل في أقرب وقت، أقتل'ها هي و ولادها. مجهول2: تمام يا باشا، تحت أمرك. نرجع لتلين...

الدكتور خرج وطمنهم إنها كويسة. تلين: ممكن أدخلها يا دكتور؟ الدكتور: طبعاً يا آنسة، بس لما تتنقل في غرفة عادية. تلين: شكراً. الدكتور: العفو. تلين وهي بتكلم مالك: تلين: مالك، أنت كويس؟ مالك: أه تمام، المهم إنتي كويسة؟ حصل إيه؟ احكيلي بالتفصيل الممل وجهزي نفسك عشان هنروح لمراد القسم عشان ياخد أقوالك. تلين: تمام، ماشي. وحكتله كل حاجة. عند ملك... فاقت وفضلت تع'يط. دخلت الممرضة وسألتها: الممرضة: إنتي كويسة؟

ملك: ............ الممرضة: يا آنسة بكلمك. ملك: ............ الممرضة: يا سكر، طيب في حاجة أقدر أساعدك بيها؟ ملك أخيراً اتكلمت: فوني فين؟ الممرضة: مع صحبتك اللي جابتك هنا. ملك: ممكن تناديها؟ الممرضة: أكيد. عند تلين كانت واقفة بتتكلم مع مالك لحد ما الممرضة قالت لها إن ملك عاوزاها. تلين وصلت عند ملك: تلين: لوك، عاملة إيه دلوقتي يا قلبي؟ ملك: تمام، وانتي؟ تلين: الحمد لله.

ملك ببكاء: أنا آسفة، أنا السبب في كل ده. بجد مش عارفة أعمل إيه، أنا تايهة أوي يا تلين، تعبت بجد، مش قادرة أستحمل اللي بيحصل ده كله. تلين حضنتها وقالت لها: اع'يطي وانهار'ي وصر'خي واعملي كل اللي حاسة إنه هيريحك عشان لما تقومي تبقي أقوى. حبيبتي، إنتي مش السبب، إن الله إذا أحب عبدًا ابتلاه، ربنا بيختبر صبرك مش أكتر، والجاي كله خير، رب الخير لا يأتي إلا بالخير.

ملك عيطت جامد في حضن تلين، وتلين فضلت جنبها لحد ما هديت ونامت وسابتها ترتاح. عند مراد قرر يروح يتكلم مع ملك ويقنعها إنه يتجوزها. خد مفاتيحه وموبايله من على المكتب واتحرك على طول وهو بيرتب الكلام اللي هيقوله بتوتر ظاهر. تلين راحت عند أمها وقعدت تتكلم معاها: تلين: وحشتيني يا ست الكل. أم تلين: مش أكتر ما إنتي وحشتيني يا قلبي. عاملة إيه وعملتي إيه في المحضر؟ تلين باستغراب: محضر إيه؟

أم تلين: المحضر اللي عملهولك عشان ضربتي مراته. تلين بصدمة: أنا معرفش أي حاجة عن الكلام ده. الأم: طيب يا حبيبتي، خدي بالك من نفسك ومتروحيش ناحيته يا تلين، مش عاوزة مشاكل يا بنتي الله يكرمك، لحد ما أخرج من هنا، إنتي اللي تاخديني مش أجلك أنا آخدك من القسم. تلين: حاضر يا ماما. الأم: أنا هخرج إمتى من هنا؟ تلين: المفروض بكرة. الأم: إن شاء الله. ملك عاملة إيه ومرات أبوها لسة بتعاملها وحش ولا إيه أخبارها؟ وحشتني البنت دي.

تلين بتوتر: أه كويسة يا ماما الحمد لله. الأم: مالك يا بت بتتكلمي كدا ليه؟ تلين: لا يا حبيبتي عادي. قلتي أنا جعانة أوي. الأم: انزلي يا مفجوعة هاتي أكل ليا وليكي. تلين: من عيوني يا قمر. وباستها في خدها ونزلت. مراد وصل المستشفى. مشي بخطوات بطيئة وتوتر ناحية الاستقبال وسأل عن أوضتها وراح على هناك وهو خايف ترفض. خبط على الباب وملك أذنت بالدخول. مراد: حمد الله على السلامة. ملك: الله يسلمك. مراد: عاملة إيه دلوقتي؟

ملك: الحمد لله بخير، وانت؟ مراد: الحمد لله دائمًا وأبدًا. ملك: يدوم حمدك. مراد: عاوز أتكلم معاكي في موضوع مهم، قادرة تسمعيني ولا نأجله لوقت تاني؟ ملك: اتفضل. مراد: أنا... الباب اتفتح فجأة ودخلت تلين سلمت على مراد وقالت لملك: تلين: أنا هجيب أكل، أجيبلك معايا؟ ملك: ا... مراد بمقاطعة: أه يا ريت، أنا جعان جدًا. تلين: أنا بكلم البت المريضة مش إنت. مراد: يعني أنا لو تعبان هتجيبيلي معاكي؟ تلين: أكيد.

مراد بتمثيل: أه قلبي الصغير لا يتحمل، أكل بسرعة مش قادر، هموت. تلين: هتموت بجد؟ يا مسهل الحال. ملك ضحكت وقالت: على فكرة أنا جعانة، هاتي معاكي ليا ولمراد. تلين: حاضر، يلا باي يا شبااب. ونزلت تلين. ملك: كنت عاوز تقول إيه؟ مراد: كنت عاوز أقولك...... قاطعهم خبط على الباب وملك أذنت بالدخول. دخل مالك. مالك: حمد الله على السلامة. ملك: الله يسلمك. مالك لمراد: مقولتليش إنك جاي.

مراد بغيظ: ممكن تختفي إنت ومراتك، عاوز أتكلم مع البنت بدل ما.... مالك: بدل ما إييييه؟ مراد: بدل ما أقول لأبوك وأمها. مالك بضحك: خلاص ماشي، أنا خارج. وخرج مالك. مراد: بسرعة قبل ما حد يخبط، تتجوزيني؟ ملك بصدمة.........