رواية خطفتي قلبي الفصل العاشر 10 - بقلم زهرة البستان

فستانها زهري ضيق من عند الصدر ونازل بوسع. مي ورندا: شافوا شغلهم وكانوا رافضين أي واحدة تدخل عليهم أو واحدة منهم تبص في مراية لحد ما يخلصوا. وفعلاً حطوا لهم ميك أب رقيق وسيمبل كده، وحطوا اللمسات الأخيرة. ولفوا لهم الطرحة وكل واحدة منهم لبست التاج وكانوا ملكات بمعنى الكلمة يعني. مي ورندا: إحنا كده خلصنا، بسم الله ما شاء الله عليكم زي القمر. ريم ونور: بصوا لبعض وحضنوا بعض وبصوا لنفسهم في المراية وشكروا مي ورندا ومشوا.

أم نور: دخلت على نور وريم وزغرطت زغروطة طلعت من قلبها. ميار: دخلت كانت لابسة فستان جولد وعليه طرحة ستان وكانت قمر وهي أصلاً كيرفي. أم نور: حضنت ريم ونور وميار. أحمد: جه من بره وبص على 3 ملكات وفرح جداً وحضن نور وميار وسلم على ريم. فارس: راح لزين ويوسف وحازم وجهز معاهم فينشات الخطوبة. والشباب دخلوا يلبسوا ويظبطوا نفسهم. لارا: لبست فستان أسود طويل وفيه ورد أبيض ولمت شعرها ونزلت قصة. وأرتيست حطت لها ميك أب خفيف أوي.

أمل: كانت بتشرف على الأكل بنفسها وطلعت لبست طقم كلاسيك يليق بأم زين ويوسف الشرقاوي. حازم وزين ويوسف وفارس راحوا عشان يجيبوا ريم ونور وأحمد وميار وسهيلة. يوسف ساق لزين العربية. فارس ساق لحازم العربية. وجابوا عربية كمان بسواق زين. وراحوا لحد بيت نور بزفة. زين وحازم طلعوا يجيبوا ريم ونور وفعلاً انبهروا بجمالهم، كل واحد انبهر بحبيبته. أحمد حضن زين وحازم وبارك لهم. ميار باركت لهم. أم نور زغرطت وباركت لهم.

كل واحد أخد عروسته ونزل. ميار ركبت جنب يوسف مع زين ونور في العربية. خال ريم ركب مع فارس وحازم وريم. العربية الثالثة بسواق زين ركب معاهم أحمد وأم نور. وفضلوا يزفوهم لحد فيلا زين وكل واحد فيهم فرحان ومبسوط. وياترى فرحتهم هتكمل ولا لأ. راحوا الفيلا وكان في استقبالهم لارا وأمل اللي انبهروا بريم ونور. وأمل ولارا حضنوا ريم ونور. وفارس مش شايل عينه من على لارا. ويوسف كان بيبص لميار بطرف عينه. لارا أخدت ميار ودخلوا الفيلا.

وبدأ الفرح، الدي جي اشتغل وكلهم رقصوا وكانوا فرحانين. وحازم وزين لبسوا الدبل لريم ونور وكملوا هيصة ورقص. في إيطاليا... في المستشفى تحديداً. الدكتور: يلا يا فندم عشان تعمل الأشعة. الممرضة: سندته ودخلوا الأشعة. المريض: عمل الأشعة والممرضة دخلته أوضته تاني. الدكتور: مين اللي بيدفع له حق المستشفى؟ الممرضة: واحد بيجي كل فترة يدفع ويمشي. الدكتور: سايب رقم تليفون أو عنوان؟ الممرضة: سايب تليفون بس طول عمره مبيردش.

الدكتور: تمام. المريض اللي جوة عنده فقدان ذاكرة مؤقت ومش هيفتكر أي حاجة خلال 5 سنين من اللي فاتوا. بس كويس إنه فاكر القديم وده هيقدر يساعدنا نعرف هو مين. بس سيبه يرتاح وياخد علاجه في مواعيده. الممرضة: تمام يا دكتور. في فيلا زين... أول رقصة سلو بينهم. أول كابلز "زين ونور" رقصوا على أغنية تسمحيلي بالرقصة الأولى. وهمس لها بحبك. نور: وأنا كمان. زين: ونتى كمان إيه؟ نور: بحبك. زين: هيييييييييح.

نور: هههههههههه أي واكل نعناع؟ هههههههههه. زين: صدقي يابت مغلطتش لما قولت إنك فصيلة. وخلصت الأغنية. وتاني كابلز كانوا "حازم وريم". وطبعاً ممدوح اللي دمع من فرحته. فريدة بجمود: مبروك. حازم وريم: الله يبارك فيكي. ممدوح حضن حازم وريم وبارك لهم. وبدأوا يرقصوا على أغنية "إنت السند والاحتواء". حازم: تعرفي إن أول مرة شوفتك فيها توهت في بحر عيونك. ريم: وأي كمان؟

حازم: مكنتش معترف بحاجة اسمها حب. بس أول ما شوفتك خطفتيني من أول نظرة. بحبك بحبك أوي. ريم: عينيها دمعت. تعرف أنا كمان عشقتك من أول نظرة. حسيت في عيونك بالأمان اللي مفتقداه. حسيت إنك ممكن تبقي سندي. اليوم اللي جيت قولتلي فيه كنت مصدومة. اللي هو بجد؟ ربنا استجاب لدعائي. حازم بثقة: دا أنا طلعت جنتل بقى. ريم: ولااا متأخدش قلم في نفسك. أنت صعبت عليا قولت أقولك أفرحك بكلمتين. حازم: لا والله.

ريم: آه والله. فاتعدل كده واتلم. حازم: لميني. ريم: هبقى ألمك حاضر. في إيطاليا..... الدكتور: إزيك يا حج عامل إيه؟ المريض: الحمد لله يا ابني. هو إحنا فين وعيالي فين؟ الدكتور: عندك عيال يا حج؟ طيب براحة. اسمك إيه؟ المريض: الشرقاوي. الشرقاوي عايش بس زين ويوسف ميعرفوش. فعلاً وهنعرف مين اللي بيصرف عليه في إيطاليا.

الدكتور: بص يا حج شرقاوي. أنت في إيطاليا وكنت في غيبوبة. أنا بقالي سنة هنا وحضرتك كنت في غيبوبة. ونقول لك مستشفى من ألمانيا لإيطاليا في المستشفى دي. وحضرتك عندك فقدان ذاكرة مؤقت يعني خلال فترة الخمس سنين اللي فاتوا مش هتفتكر أي حاجة حصلت. بس مع العلاج هتبدأ تفتكر. شرقاوي: عيالي طيب عاوز زين وأدم. الدكتور: حاضر يا حج هجبهم ليك من عنيا. شرقاوي: ربنا يبارك لك يا ابني. عند زين في الفيلا. شخص: بيصوب القناص ناحية يوسف.

زين: ميار روحي ناديني يوسف معلش. ميار: حاضر. وراحت. الأستاذ يوسف كلم زين. شخص: ضرب نار.