رواية خطفتي قلبي الفصل الخامس عشر 15 - بقلم زهرة البستان

يوسف: اسكتوا لي كملوا، عاوز أسمعكم. صدقوا انتوا الاتنين لايقين على بعض. سؤال واحد عاوز أسأله، إنتي إزاي عايشة؟ مش المفروض إنك متّي؟ وإنتي مش المفروض إنك قتلتي؟ يوسف بزعيق: انطقوا. سمير ويارا اتنفضوا.

يارا ببجاحة: أنا ما بحبكش ولا عمري حبيتك. أنا كنت واخداك بنك مش أكتر. وأي فلوس إدتهالي أنا كنت بديها لسمير عشان نتجوز أنا وهو. وأي هدية دهب جبتهالي بعتها واديت فلوسها لسمير. وأنا وهو يوم ما الصور اتبعتتلك كانت فوتو شوب. وبعتها لأهلي كمان. وسمير بعت حد يقتلني عشان نسمع الكلام وعشان ما نفتحش أبواب اتقفلت. عشان قضية اتقفلت ضد مجهول. وأنا وسمير اتجوزنا عرفي. وبعد كده سفرني وقعدت فترة برة. شوفتك هناك. وساعتها سمير ما صدقنيش وقال إن ده بسبب إني قاعدة لوحدي.

يوسف ببرود: اممم. يعني إنتي واحدة رخيصة؟ وكنت هظلم بني آدمة بسببك. تفو. وقام مسكها من شعرها وكان هيضر*بها. زين مسك إيده وقاله: "ما بندمّش إيدينا على بنات حتى لو تستاهل القتل". وهنا شدت يارا مسدس يوسف من جيبه وصوبته عليه. سمير: بتعملي إيه يا مجنونة؟ يارا بغل: لازم أقتله وأخلص منه ومنهم كلهم. لازم. يوسف استغل انشغالها مع سمير ومسك المسدس. وفضلوا يشدوا المسدس لحد ما طلعت طلقة. جت في قلب يارا.

للأسف، باعت أهلها ونفسها عشان واحد. وكل حياتها غل وحقد واستغلال. ودي آخرت اللي يبيع أهله ويعيش طول عمره حقود وغلاوي وعنده فلوس رقم واحد. وبيستغل مشاعر ناس عشان الفلوس. عملت فوتوشوب إنها مقتولة. بس للأسف المرادي ماتت بجد. سمير: قومي قومي يا يارا. قومي. مش هسيبك. يا يوسف مش هسسسيبك.

زين: أولاً، ده دفاع عن النفس. ثانياً، أخدت جزأها. وكده كده يارا كان طالع ليها شهادة وفاة. فبالتالي هي عند الحكومة ميتة ومحدش يعرف إنها عايشة غير سمير. يعني ما فيش أي دليل ضدهم. ودفنوا يارا. وسمير مقهور: هو الأول كان بيتسلى بيها. بس بعد كده حبها بجد. وهو حس نفس إحساس يوسف دلوقتي اللي خلاه يعيشها من سنين. بس هو كان معيشها في وهم. بس للأسف سمير عايش في الواقع.

سمير تعب أكتر. مع إن حسام كان بيحط له أكل وشرب. بس هو بقى منعزل. موت يارا أثّر فيه فعلاً. حسام كلم زين وعرفّه. كلهم كانوا عند ميار. حالتها اتحسنت والدكتورة عملت لها إذن خروج. فريدة وممدوح: سافروا يغيروا جو. أو بمعنى أصح شهر عسل من أول وجديد. ريم وحازم: علاقتهم مستفزة. نور وزين: كل يوم بيقربوا من بعض أكتر. يوسف: يعتبر الـ 24 ساعة مع ميار. ميار اتحسنت أكتر بسبب إن نفسيتها اتحسنت من معاملة يوسف ليها. واتأكدت من حبه.

سهيلة: بدأت تسامح يوسف. فارس: بقى بيشتغل معاهم في الشركة. لارا: بقت بتروح الشركة عشان تشوف فارس. حتى لو من بعيد. زين: يوسف، حالة سمير مش مستقرة. يوسف: ماله يعني؟ زين: حالته بتسوق من يوم وفاة يارا. يوسف ببرود: هبقى أشوفه. زين: ما اتفقناش إن حد يموت. هي ماتت غصب عنك. إنما هو مينفعش يموت.

سمير بعياط: وحشتيني يا يارا. أنا السبب في كل ده. إنتي كنتي صح. ما كانش فيها حاجة لو كنتي عرفتيه إنك مش عاوزة تكملي. أنا اللي خاطرت بيكي. أنا السبب في كل حاجة. سامحيني يا حبيبتي. يوسف: نور النور قاعد في ضلمة ليه؟ سمير: أنا آسف يا يوسف. آسف على كل حاجة عملتها. إنت دايماً كنت صح. الغيرة عمتني. أبويا السبب. هو اللي ولّد الكره فيا من ناحيتك. أنا آسف. آسف بجد. يوسف: لعبة جديدة.

سمير: مبقاش فيا حيل ألعب. إنت كنت صح. أنا خسرت كل حاجة بسبب غبائي. مشيت ورا كلام أبويا اللي ماسألش عني لحد دلوقتي. خسرت حبيبتي. وخسرت أهلي. وخسرت صحابي. خسرت نفسي. يوسف: حاسس صادق. بس عاوز يتأكد. يوسف: هديلك 3 مليون مقابل إني مشوفش وشك تاني. سمير: مش عاوز فلوس. مش عاوز ثروة. مش عاوز حاجة. أنا عاوزكم جنبي. محتاجكم. محتاج يارا. يوسف: تاخد 5 مليون. ما تبقاش طماع.

سمير: ليك حق متصدقنيش. اللي أنا عملته ما كانش شوية. بس صدقني. أنا مش عاوز حاجة. عاوزك تسامحني. ويارا تسامحني. وكلكم تسامحوني. وعيط جامد. يوسف: للأسف إنت ابن عمي. وللأسف الدم عمره ما يبقى مايه. مسامحك يا ابن عمي. وقام حضنه. وطلعوا. لقي زين جاي. واتفاجأ إن يوسف وسمير مع بعض. يوسف: ابقى شوف الكاميرا وانت تعرف. يلا بينا دلوقتي. وزين فتح تليفونه وشاف كل حاجة اتسجلت. واتفاجأ. وفعلاً هو كمان سامح سمير.

سمير روح بيته. ودخل أخد دش. ريحته طلعت. يجدع. من تاني بارت وهو محبوس. وطلع اتوضى وصلى. وقعد يعيط. ونوى إنه يتوب. ربنا بيبتلينا عشان نرجع له. ربنا عمره ما وجّع قلبنا. ربنا دايماً بابه مفتوح وبيسامحنا. رحمة ربنا واسعة. لو ما كانش يارا ماتت. ما كانش سمير فاق وتاب ورجع لربنا. خلص صلاة ودعا ليارا. وأخد صورته ونام. صحى الصبح لقي الباب بيخبط. سمير: مين؟ يوسف: أنا يوسف. سمير: فتح. ادخل يا يوسف.

يوسف دخل لقي سمير كان فاتح المصحف. اتأكد فعلاً إنه اتغير. قاله: إنت اللي كنت بتقرا؟ سمير بابتسامة: شايف حد معايا؟ يوسف: لا. إيه السؤال الغبي ده؟ يوسف: قولي يا سمير هتشتغل فين؟ سمير: هدّور على شغل. يوسف: ينفع تدور على شغل وشركة عمك وعيال عمك موجودة؟ سمير: قصدك إيه؟ يوسف: قصدي إنك هتمسك الفرع اللي هيتفتح هنا. ومن النهاردة هتنزل تشرف عليه. سمير: إيشمعنى؟ مش خايف مني؟

يوسف: أول مرة أحس إنك بني آدم فعلاً. وأنا مأمنك يا أخويا. مش ابن عمي. سمير: حضنه. إنت فعلاً سند. ربنا يديمك ليا. يوسف: ولاااا. أنا مش رينبوووو. قوم كده يلا البس. سمير: هههههههههه حاضر. ميار خرجت من المستشفى وروحت البيت. نور وريم معاها: حمد الله على سلامة ميمو الدلوعة بتاعتنا. ميار: الله يسلمك. سهيلة: ارتاحي يا بنتي شوية. عمال ما أحضر لك الغدا. ميار: هيييح. على الدلع. ياريتني اتضربت من زمان.

سهيلة: اخس عليكي. بعد الشر عليكي وعليكم كلكم يا عيالي يا رب. أحمد: أميرتي الصغيرة عاملة إيه؟ ميار: بخير يا بابا. متقلقش. نور: حطت إيدها في وسطها. نعم يا سي بابا. أما هي أميرتك. أما أنا أبقى إيه؟ أحمد: ههههههه. إنتي ملكة قلبي. نور: أيوه كده. ريم: الله يا عمو. وأنا فين؟ أحمد: ههههههه. إنتي برنسيسة. إنتي. سهيلة: الله الله. أما هما كل دول. أما أنا أبقى إيه؟ أحمد: إنتي ست الكل وست الستات كلهم.

نور وميار وريم: شجرة واتنين لمون هنا لو سمحت. الكل: هههههههههه. زين: الو. إزيك يا نوري؟ نور: بخير. وإنت؟ زين: الحمد لله يا قلبي. وحشتيني. نور: وإنت كمان. زين: ميار عاملة إيه دلوقتي؟ نور: بخير الحمد لله. أحسن. زين: يا رب دايماً. هقفل دلوقتي يا قلبي. معايا شغل. نور: ربنا يقويك يا رب. زين: يا رب. ريم: أنا هروح بقي يا نور. ماشي. نور: ليه ما تباتيش معانا؟ ريم: هبات إزاي وفارس موجود يا أذكى إخواتك. نور: آه صح. نسيت.

فارس: طبعاً ما زين باشا أكل عقلك. ريم ونور: يخربيت شكلك. خضتنا. إنت هنا من امتى؟ فارس: من ساعة. ربنا يقويك يا رب. نور: لا والله. اعتبرها غيرة. فارس: أنا أغار منك يا عسل إنت. نور: ماشي. أما أكلم لارا بقي. فارس: حبيبتي إنتي يا نور. ريم: الاه. لارا يا داه يا فارس. عرفنا نقطة ضعفك. فارس: استروا على قرمط. اللهي تنفضحوا. ريم ونور: هات لنا شيكولاتات الأول. حازم: الو يا ريم. يلا انزلي. أنا تحت.

ريم: للأسف هتجيب لنور بس. أنا هنزل. حازم تحت. فارس: أحمدك يا ا. والله الولا حازم ده بيجي في وقته. نور: بس أنا هنااااا. فارس: امتى زين ياخدك ونخلص منك. نور: لييييي. قاعدة على قلبك. روح هات لي الشيكولاتة يا ولا. فارس: علم وينفذ يا حضرت القائد.