رواية خيانة انتقام الفصل الرابع 4 - بقلم حور حمدان

جاسر بتنهيدة طويلة وهو بيبص ليزن اللي من وقت ما كان بيكلمه مش بينطق. جاسر: البقاء لله يا صاحبي، أهي ارتاحت وريحتك. ليتفاجأ جاسر بانهيار يزن وبكائه الشديد وهو بيصرخ باسم قمر. يزن وقع على الأرض وهو بيبكي، وفجأة غاب عن الوعي. أخذوه الدكاترة لأوضة والممرضة أدتله حقنة مهدئ. بعد مرور 3 أيام. كان جاسر قاعد جنب يزن في المستشفى ورجع بذكرياته لوقت ما كان بيكلم يزن. فلاش باك. يزن: الحقني يا جاسر، قمر واقعة على الأرض مش بتتنفس.

جاسر قفل في وشه وركب العربية وطلع على بيت يزن بسرعة. بس لما دخل اتفاجأ إن يزن قاعد على الأرض جنب قمر وبيحاول يفوقها. دخل جاسر بسرعة واشتاال قمر وداها المستشفى. باك. فاق جاسر من سرحانه على صوت الباب وهو بيخبط. جاسر بتنهيدة: اتفضل. دخلت صافي وهي شايلة بوكيه ورد وقالت بدموع مزيفة. صافي: يزن حبيبي، جرالك إيه يا نور عيني. يزن وهو بدأ يسترد وعيه: قـ قمر، قمر فين. لف وشه لجاسر باستفهام. يزن: أنا بعمل إيه هنا وفين قمر.

كل دا تحت نظرات دهشة من صافي. جاسر بحزن: قمر مبقتش موجودة يا صاحبي خلاص. يزن بضحك: إنت بتهزر صح، راحت، راحت إزاي وفين. جاسر: قمر ماتت يا يزن، عايز إيه تاني تعرفه. أنا مستغرب من حاجة، إنت إزاي زعلان عليها وانت بنفسك كنت عايز تبعد عنها. تعرف قمر ماتت بسببك يا يزن. يلا قوم عشان تعيش حياتك مع صافي حبيبتك اللي خربت بيتك عشانها. أنا ماشي يا يزن. قال جاسر آخر كلامه وسابه وخرج. قعدت صافي جنب يزن وقالت بهدوء.

صافي: يزن حبيبي، إنت كويس. فاق يزن من شروده وبصلها وقال: أه كويس، إيه جابك هنا. صافي بدلع: إيه يا بيبي، مكنتش عايزني آجي ولا إيه. يزن بابتسامة: لا يا حبيبتي، على العموم فرحنا الأسبوع الجاي يوم الخميس. صافي بفرحة: اتفقنا يا حبيبي، ويلا قوم بقا عشان نجهز للفرح. يزن: ماشي. صافي: يلا، أنا همشي دلوقتي. يزن: طيب، خلي بالك من نفسك. خرجت صافي واتصلت على شاهندة وقالت. صافي: شاهندة، فرحي أنا ويزن الأسبوع الجاي يوم الخميس.

شاهي باستغراب: إنتي عليكي عفريت سابت، مش قولتي مش هتتجوزيه. صافي: غيرت رأيي، وبما إن مراته غارت ماتت، اتجوزه وأطلع منه بقرشين أحسن. في مكان تاني تحديداً في بيت وسط الصحرا. كان واقف جاسر مع. جاسر: اللي بتعمليه ده مش صح وعواقبه كبيرة أوي. : سيبني أعمل اللي يريحني يا جاسر، والعواقب أنا هتحملها. ولو مش عايز تساعدني مش تساعدني، هتصرف أنا ولوحدي. جاسر بهدوء: يا حبيبتي، مش دي الحكاية بس. حقيقي دا غلط. وع العموم أنا هساعدك.

: حبيبتك. جاسر: أه. : أنا بحبك يا.