رواية قلب يونس الفصل العاشر 10 - بقلم فيروزة

بدموع صرخت في وش يونس: -هو اللي أنا شايفه ده بجد؟ هو انت بتتجوز عليّ؟ هي عيني شايفاك فعلاً ولا أنا اتعميت؟ يونس بهدوء: -اللي انتي شايفاه ده بجد. تمارا قربت من فجر: -شوفتي بقى في الآخر سبك ورجع لحضني. شوفتي أنا اللي كسبت. فجر بدموع قعدت في الأرض: -يونس طلقني. طلقني. يونس بهدوء: -لأ مش هطلقك. وقعدت تمارا جنبه. فجر قامت وقربت من يونس وبكل قوتها ضربته قلم.

-القلم ده عشان كسرت قلبي. القلم ده عشان تعرف إني مش ضعيفة. القلم ده هيعرفك مين هي فجر. أنا فجر اللي عمري ما اتكسرت ولا أهنت نفسي عشان راجل. خليك عارف مين هي فجر. يونس كان مصدوم، وتمارا نفس الوضع. فجر قربت من تمارا: -أنا هعرفك إزاي تاخدي حاجة مش بتاعتك. وفي اللحظة دي كانت تمارا في الأرض وفجر بتضرب فيها بكل قوتها. فجر كانت بتصرخ بدموع: -أنا مستحيل أسيب حقي بعد النهارده. أنا اتغيرت واتدمرت. أنا بقيت طُحْم إنسان.

كسرتيني والحياة كمان قالت: خدي كمان وكمان. وفضلت تضرب تمارا لحد ما تمارا فقدت الوعي. وكل ده ويونس واقف يتفرج. يونس بهدوء: -خلصتي؟ كده قلبك ارتاح؟ فجر بدموع: -لأ. قلبي بينزف من الوجع اللي فيه. يونس قرب من تمارا وشالها، ومسك إيد فجر بالعافية، وخرج من القاعة. فجر كانت بتصرخ: -سيبني. بقولك سيبني. عايز مني إيه بعد ما اتجوزت عليّ وأنا مخطوفة؟ يونس قرب منها بهدوء بعد ما ركب تمارا العربية وهي فاقدة الوعي: -عايز ده.

(وكان بيشاور على قلبها) لأني عملت كل ده عشانك وعشان ده يفضل ملكي وعشان ده يفضل صافي من أي وجع وأي حزن. فجر بدموع بقت تخبط على قلبها: -عشان إيه؟ سمعني تاني كده. عشان ده يفضل من غير وجع إزاي؟ وانت بتتجوز غيري؟ من غير حزن إزاي؟ وانت بتظلم قلبي اللي حبك؟ آآآه منك وجع بتكسر فيه. وااااه منك حب كسرتني وحطمت اللي باقي من حياتي. هو ده لسه بيحبك ليه وانت قاعد تكسر فيه؟ يونس: -أنا بكرهك. يونس بدموع قرب منها: -وأنا بحبك.

وحضنها أوي. فجر بدموع بقت تزق يونس بعيد عنها: -ابعد عني. حضنك ده مبقاش من حقي دلوقتي. قلبي ده بقى بيكرهك. يونس كان ماسك فجر جامد وحضنها أقوى: -والله كل ده عشانك. والله عشانك. فجر بدموع: -إزاي عشاني؟ إزاي بتتجوز عليّ عشاني وأنا مخطوفة؟ يونس بدموع: -اديني فرصة وأنا أفهمك. فجر بدموع: -آخر فرصة يا يونس. احكي. يونس بدموع: -هو أسبوع. هتعيشي فيه معايا وفي البيت ومعانا تمارا. عشاني دي آخر فرصة. فجر بعدت عن يونس بسرعة:

-انت مجنون؟ عايزني أعيش معاك انت وهي في بيت واحد أسبوع كامل؟ من غير ما أعرف السبب؟ يونس حضنها: -آخر فرصة. عشاني وعشان قلبك. فجر بضعف: -ماشي. آخر فرصة. يونس حضنها: -بحبك. يونس أخد فجر وتمارا وراحوا البيت. فجر دخلت أوضتها هي ويونس. ويونس دخل تمارا أوضة تانية ورش عليها مياه. تمارا بدموع: -شفت يا يونس المتوحشة دي عملت فيا إيه؟ يونس بضحك: -تستاهلي. تمارا بدموع: -أستاهل إزاي؟ هو انت نسيت حبنا؟ يونس بضحك: -حب مين؟

أنا عمري ما حبيت غير فجر. انتي كنتي مجرد وهم. تمارا قربت من يونس وحضنته: -بس أنا حبيتك. يونس بعد عنها: -بقولك إيه؟ في حدود من هنا ورايح في التعامل معايا، فاهمة؟ تمارا بدموع مزيفة: -إزاي؟ هو انت مش جوزي؟ يونس بضحك: -تصدقي ضحكتيني من غير نفس. جوز مين يا ماما؟ انتي نسيتي اتجوزتك ليه وعلشان إيه؟ خليكي دايماً فاكرة انتي هنا ليه وعلشان إيه. تمارا قربت من يونس: -بس أنا بحبك. يونس بضحك: -بس يا تمارا كفاية كدب.

وطلع من الأوضة وقعد في الصالة قدام التلفزيون. فجر وقفت على باب الأوضة تبص على يونس ودموعها بتنزل بصمت. من وجع قلبها ومن وجع روحها على حبيبها. فجر بتحب، فجر بتعشق، فجر بتعشق يونس عشق الأرواح ولا مفر من عشق الأرواح. دق قلب عاشق فلا مفر من الحب إلا إليه. فجر نفسها تجري على حضن يونس وتقول له اللي في قلبها، وأنها مش عايزة من الدنيا غير حضنه، مش عايزة غير كلمة بحبك، مش عايزة حاجة ولا حد غيره. بتحب، والحب وجع، قلب وروح. الحب دموع. وااااه منك حب.

مرة واحد لقت تمارا خارجة من أوضتها ولابسة لبسة من غير هدوم. فجر وقفت مصدومة وساكتة. تمارا قربت من يونس بابتسامة خبيثة: -يونس. يونس. مالك سرحان في إيه؟ يونس: -ولا حاجة. عايزة إيه؟ تمارا قربت من يونس وقعدت على رجله. وفي ثانية كانت في الأرض. يونس بعدها عنه جامد وقعت في الأرض. يونس بغضب: -انتي إزاي تقعدي على رجلي؟ تمارا بدموع مزيفة: -عشان مراتك وبحبك. يونس بعصبية: -ابعدي عني أحسن لك.

في نفس الوقت، جات فجر وكنت لابسة فستان قصير وجميل وقعدت على رجل يونس وحضنته. فجر بدلع: -يونس. يونس بحب: -نعم يا قلب يونس؟ فجر بدلع: -رجلي وجعاني. شيلني لحد الأوضة. يونس بضحك: -حاضر. فجر بفرحة: -يلا. يونس شال فجر وداخل بيها الأوضة، كل ده وتمارا هتموت من القهر. في الأوضة، يونس نزل فجر. يونس بحب: -إيه القمر ده يا ست البنات؟ فجر بغضب: -بلا قمر بلا زفت. يونس قرب منها بحب: -طيب تعالي هنا، واقفة بعيد ليه؟ فجر بغضب:

-اطلع بره عايزة أنام. يونس بضحك: -بجد؟ فجر راحت ناحية الباب: -اتفضل اخرج بره يلا. يونس قرب منها وحضنها جامد: -بس أنا عايز أفضل هنا معاكي. قبل ما يونس يكمل كلامه، كانت فجر بتصوت: -الحقوني يا ناس بيتحرّش بيا. يالهوي. هو مفيش. يونس حط إيده على بوقها: -يخربيت الفضيحة. في إيه يا قلبي؟ فجر بدموع: -كله كلب. يونس بستغراب: -بتقولي إيه؟ فجر بدموع: -قلبك ده يارب يكله كلب. عشان حب غيري. يونس بضحك: -وأهون عليكي؟ فجر بدموع: -آه.

يونس بضحك: -من ورا قلبي يا حلو انت يا حلو. فجر بابتسامة: -يلا اخرج بره عشان هنام. يونس بابتسامة: -وأهون عليكي أروح أنام مع تمارا؟ فجر بتفكير: -نام هنا بس على الأرض. فاهم. يونس بابتسامة: -حاضر. فجر طلعت على السرير ونامت، ويونس نام على الأرض. تاني يوم الصبح فجر صحيت لقيت نفسها في حضن يونس. فجر بكسوف: -انت يا زفت نايم جنبي ليه؟ يونس بضحك: -لسانك طول يا قرده هانم. فجر بعصبية: -أنا؟ يونس بضحك:

-أيوه. وبعدين قومي من جمبي أحسن بتكسف. فجر قامت جري على الحمام ويونس فضل مكانه يضحك. يونس طلع من الأوضة وراح المطبخ. لقى تمارا بتحضر الأكل. تمارا بابتسامة: -صباح الخير يا قلبي. يونس: -صباح النور. فجر بعصبية: -ما تقولها بحبك أحسن قدامي. على بره. تمارا بابتسامة خبيثة: -وفيها إيه لما يقولي يا بحبك؟ مانا كمان مراته. فجر مسكت يونس من إيده وخرجوا من المطبخ. فجر بغيرة: -واقف بتتكلم معاها ليه؟ فاهمني؟ يونس بضحك:

-هو صباح الخير ده كلام؟ انتي بتغيري عليه يا بطة؟ فجر بغضب: -أغير إيه بس. ومشت على أوضته. بعد ساعة خرجت لقيت😳😳 فجر بصدمة. تمارا. يونس.