رواية قلب يونس الفصل الثاني عشر 12 - بقلم فيروزة

يونس نزلها وحط إيده على ضهرها، لقى الدم بينزل منها كتير. يونس بدموع وصوت عالي: فجررررررررررررررر! فجر بدموع: هتوحشني. يونس بدموع: أوعي تقولي كده يا قلب يونس، إن شاء الله هتكوني بخير، اهدي وكل حاجة هتكون بخير. يونس شال فجر وجري على العربية، حط فجر على الكرسي وقعد جمبها وبقى ماسك إيدها ودموعه نازلة. يونس بدموع: فجر خليكي معايا، فجر أوعي تقفلي عينك، فجر ردي عليه، فجر كلميني. فجر بصوت ضعيف: أنا معاك.

يونس بدموع: عايزك دايماً معايا، أنا ولا حاجة من غيرك، انتي نور حياتي يا فجر قلبي. فجر بصوت ضعيف وتعب: اتكلم قلبي سمعك، حتى لو صوتي ساكت. يونس بدموع: تعرفي أنا حاسس إيه دلوقتي؟ أنا هكمل كلامي، لأن كلامك بيدخل قلبي، وأكيد كلامي هيدخل قلبك. تعرفي حاسس إيه؟

إن قلبي عايز يخرج من ضلوعي ويكون في إيدك يطمن عليكي، يروح لقلبك يطمني عليه، يخرج ويدخل لحضنك. حاسس بضعف، حاسس بقسوة الحياة على قلبي وقلبك. قلبي وجعني أوي يا فجر حياتي، انتي الفجر اللي دخل بعد سنين عتمة، قررتي تنوري اللي باقي من حياتي. يونس فضل يتكلم مع فجر لحد ما وصل المستشفى. يونس نزل من العربية وشال فجر وبقى يجري، ودموعه بتجري وراه. يونس داخل المستشفى وبقى ينادي بصوت عالي: دكتور! عايز دكتور بسرعة.

في ثانية كانوا الدكاترة عنده، وأخدوا فجر على أوضة العمليات، ويونس وقف قدم باب أوضة العمليات ودموعه نزلت. يونس فضل قاعد، والخوف كان سيد الموقف. الدكتور خرج من أوضة العمليات ويونس قام جري عليه. يونس بخوف: فجر عملت إيه يا دكتور؟ فجر كويسة؟ رد عليا. الدكتور بحزن: العملية نجحت بس المريضة دخلت في غيبوبة، والله أعلم هتفوق منها امتى. يونس بدموع: إزاي؟ خرجوها بس وهي هتكون كويسة، فجر بخير، أنا عارف.

الدكتور طبطب على يونس: اهدي يا بني، إن شاء الله خير، بس انت قول يا رب. يونس بصوت عالي ودموع: يارررررررب، مليش غيرك ياررررب. فجر خرجت من أوضة العمليات ودخلت أوضتها على الأجهزة. يونس للدكتور: ممكن أدخلها دلوقتي؟ الدكتور بحزن: ممنوع، علشان الحالة. يونس بدموع: أبوس إيدك خليني أقعد معاها. الدكتور طبطب على يونس: ادخل. يونس بدموع: إن شاء الله فجر هتفوق وتخرج معايا. يونس دخل الأوضة لفجر وقعد جمبها وماسك إيدها.

يونس بدموع باص إيد فجر: وحشتيني أوي الكم ساعة دول، فجر يا حبيبتي، عايز أخرج أنا وانتي من هنا، عايز آخدك في حضني من تاني، وأسمع كلامك المجنون، نفسي أسمع صوت قلبك، صوت قلبك يعني الحياة ليه، انتي الحياة يا فجر. اتكلمي، أنا عارف إنك سامعة صوتي بقلبك، لأنه خرج من قلبي لقلبك. فجر يا نونة انتي، ردي على يونس قلبك، ردي على اللي عايش بيكي وليكي بس. فجر يا حبيبتي، هروح آخد حقك وأرجع في أسرع وقت، مش هتأخر عليكي، عارف إنك عايزاني دايماً جنبك، زي ما أنا عايزك دايماً في حضني. بحبك.

يونس خرج من الأوضة لقى مامته وأبو فجر. حكى لهم كل اللي حصل. يونس بدموع: خدي بالك منها يا ماما لحد ما أرجع. أم يونس بدموع: حاضر يا حبيبي. أبو فجر بحزن: خليك يا ابني معانا. يونس بحزن: ساعة وأرجع، خير إن شاء الله. يونس خرج من المستشفى، ركب العربية، وكل ده ودم فجر على إيده وهدومه. يونس وصل البيت وفتح الباب وشاف أبشع منظر ممكن يشوفه. شاف تمارا مع مروان في أوضة النوم في وضع. يونس بضحك: هو ده المتوقع من اتنين زيكم.

تمارا بدموع مزيفة: هو اللي دخل وعمل معايا كده بالعافية. مروان بعصبية: كفاية كدب بقى، انتي إيه؟ يونس سقف بإيده: لا راجل. انتو أحقر اتنين على وش الدنيا. يونس اتصل بالبوليس علشان ياخدوا في جريمة شرف. وطلع المسدس وضرب نار على تمارا ومروان. وقعد مستني البوليس. بعد شوية كان في كل حتة وتم القبض على يونس. وبعد أسبوع خرج يونس لأنه كان بيدافع عن الشرف. يونس راح لفجر المستشفى، بس للأسف فجر زي ما هي.

يونس داخل الأوضة لفجر وقعد جمبها ودموعه نزلت. يونس: فجر ردي عليا، ردي على قلبي اللي حبك، ردي على روحي اللي بموت في بعدك. ردي عليا ريحي قلبي الحزين من غيرك. فجر أنا خدت حقك وحقي من الدنيا، ردي عليا ارجعي لحضني خليني أشيلك وأجري بيكي. فاكرة أبي يونس، بقى يونس، وانتي بقيتي قلب يونس. يونس فضل قاعد جمبها لحد ما نام، ويوم ورا يوم ورا يوم وفجر زي ما هي، ويونس قاعد الليل مع النهار جمبها، الكل يروح وييجي إلا يونس.

يونس اتغير كتير، بقى واحد تاني. بقى جسد بلا روح، ولا بياكل ولا بيهتم بنفسه زي الأول. يونس أصبح محطم إنسان. يونس بدموع: فجر أنا تعبت أوي من غيرك، ارجعي ريحي قلبي، ارجعي لقلبي، وحشني حضنك، وكلامك الدفي لقلبي، وحشني صوتك. ارجعي قلبي بيموت من غيرك. فجر سامعة صوت قلبي؟ فجر. يونس حط إيده على قلب فجر: ده مش عايز يسمعني ليه؟ أرجوكي ردي عليه، وانت اسمعني بقى. (كل ده وهو حاطط إيده على قلبها) تعبت، من غيرك، تعبت.

يونس قام من مكانه وخرج من المستشفى بعد مرور خمس شهور. لأول مرة، خرج واحد تاني خالص بدقن طويلة وشعر طويل وجسم نحيل، وبقى ماشي في الشارع ومفيش على لسانه غير فجر ردي عليه، فجر قلب يونس. وفضل ماشي لحد ما وصل عند البحر وقعد.

يونس بيكلم البحر: رد انت يا بحر عليا، طمني، أنا جيلك اتكلم معاك يمكن روحي تهدأ وقلبي يرتاح. عارف يا بحر أنا عمري ما كنت ضعيف زي دلوقتي ولا كنت مكسور غير دلوقتي. وأهم حاجة عرفتها إني مش عايز من الدنيا غير فجر، وإن الدنيا من غير فجر كأنها قبر وأنا الميت. دايماً بحب أجيلك بس وأنا فرحان، أول مرة أجي وأنا مكسور. سلام.

ماشي يونس والدموع بتنزل من عينه. كان الحياة خلصت والنهاية قربت. فضل ماشي لحد ما وصل لمسجد، داخل يصلي وفضل يدعي إن فجر ترجع، لأنها الحياة ليونس. كل ده ودموعه مش عايزة تنشف. وطلع من المسجد على المستشفى. وداخل وقاعد جمب فجر وحط إيده على قلبها: يارب يارب مليش غيرك رجعلي فجر، رجعلي روحي تاني، أنا ميت من غيرها. يارب. يونس نام وهو حاطط إيده على قلب فجر. يونس قام من النوم ساعة أذان الفجر.

يونس بدموع وصوت عالي: يارب بحق أذان الفجر رجعلي فجر، يارب أنا عايز فجر. فجر ردي عليه. وحط إيده على قلبها والإيد التانية ماسك بيها إيدها. فجر، فجر. بحبك. ردي على قلبي. مرة واحدة يونس حس بإيد فجر بتمسك إيده. يونس بدموع وصوت فرحان: فجر، قلب يونس. ردي. فجر فتحت عينها: بحبك. يونس حضنها جامد: وأنا مليش غيرك. بحبك يا قلب يونس. بحبك. فجر بدموع: شيلني. وحشتيني أوي يا قلبي. يونس قرب منها وبصها: وانتي أكتر يا قلب يونس.

بعد أسبوع فجر خرجت من المستشفى، ويونس جاب بيت جديد كبير وقدمه جنينة كبيرة. يونس وصل بالعربية قدام البيت. فجر بفرحة: يونس شيلني. يونس بابتسامة: يلا يا قلبي. في ثانية كانت فجر نطت على ضهر يونس. يونس بفرحة: وحشتيني أوي يا فجر. فجر بحب: وانت أكتر يا قلب فجر. دخلوا البيت وأول ما يونس نزل فجر حضنها، وهي بقت حضنها جامد. يونس بحب: بحبك أوي. فجر بحب: وأنا بحبك قد الدنيا وقد البحر وقد السما. وقد السمك سمكة سمكة.

يونس شال فجر وداخل الأوضة. بعد تسع شهور. فجر ضربت يونس قلم: انت السبب اااااه انت السبب. اااااااااااااااه. يونس بضحك: اهدي يا قلبي، إن شاء الله هتقومي بالسلامة. فجر بقت ماسكة دراع يونس وتعض فيه: اااااه منك لله. يونس بضحك: اااااه يا عضضة. بعد تعب دخلت فجر أوضة العمليات وجابت يحيي، وفيروز، وشمس، وموسي. أيوه جابت أربع أطفال. فجر بعد ما فاقت: يونس. يونس بابتسامة: قلب يونس. فجر بحب: هات حضن. يونس قام وحضنها: بحبك.

فجر بحب: وأنا أكتر. بعد مرور عشرين سنة. النهار ده فرح الأربع قرود. يحيي هيتجوز زينة. فيروز هتتجوز أدم. موسي هيتجوز دهب. شمس هتتجوز نمر. فجر وهي ماسكة إيد يونس. فجر بغيره: يونس. يونس بابتسامة: نعم يا قلب يونس. فجر بغيره: هو انت بتبص على البنت اللي واقفة هناك ليه؟ يونس بحب: عمري ما شفت غيرك يا قلب يونس. فجر بحب: بحبك. يونس بابتسامة: بعشقك يا قلب يونس. انتي أجمل شيء في حياتي. فجر بحب: وانت كل حياتي. تمت.