رواية قلب يونس الفصل الرابع 4 - بقلم فيروزة

وهو نازل على السلالم قابل تمارا. يونس بصدمة: انتي؟ تمارا بابتسامة: أيوه أنا. وحشتيني أوي يا يونس. وقربت منه وحضنته. يونس ساكت من الصدمة، ومتلخبط مش عارف هو حاسس بإيه. فجر بصوت عالي: الله الله، ما تطلع تريح فوق شوية يا يونس انت والمزة. يونس فاق من الصدمة وبعد عن تمارا. يونس: مالك يا فجر؟ في إيه؟ فجر بصوت عالي وعصبية: ولا حاجة يا بيه، واقف على السلالم وقاعد تحضن في المدام ولا كأنك في أوضة النوم.

يونس بعصبية: فجر، خدي بالك من كلامك واتفضلي اطلعي فوق يلا. فجر بدموع: مش هطلع وأسيبك مع الساحرة الشريرة دي. انت بتاعي أنا لوحدي، ومستحيل أسيبك لحد تاني فاهم؟ انت ملكي. تمارا بابتسامة خبيثة: في إيه يا حبيبي؟ مين دي؟

في ثانية وقبل يونس حتى ما يرد، كنت فجر اتجمت على تمارا. فجر مسكت تمارا من شعرها ونزلت ضرب فيها. وتمارا كانت بتحاول تدفع عن نفسها بس مش قادرة. فجر الغيرة هي اللي بتحركها. الغيرة وحش لو خرج محدش يقدر يسيطر عليه. يونس بصوت عالي: ابعدي عنها يا فجر. يونس: اسمعي الكلام واطلعي. فجر بصوت عالي: بعينك أسيبها تخرج من هنا على رجله. يونس فضل يحاول يبعدهم عن بعض، وفي الآخر شال فجر بعيد عن تمارا.

يونس بابتسامة: اهدي بقى، كفاية كده واطلعي فوق. فجر بدموع: انت بتحبها؟ تمارا بدموع: الحقني يا يونس. أنا بموت. يونس قرب منها وحاول يمسك إيدها. فجر بدموع مزيفة: يالهوي، الحقني أنا بموت. ووقعت في الأرض. يونس ساب تمارا وجري على فجر وشالها. وطلع بيها وحطها على السرير. وجاه ينزل، مسكت إيده. فجر بدموع: بتحبها؟ يونس بابتسامة خبيثة: سيبي إيدي عشان ألحقها. فجر بدموع: مش هسيبك لحد تاني فاهم؟ انت ملكي أنا وبس يا يونس.

يونس خرج من الأوضة بفرحة وراح لتمارا. ونزل معاها لحد تحت. وهم واقفين تحت البيت. يونس: أنا آسف على اللي حصل فوق. تمارا بدموع: ولا يهمك يا حبيبي. أهم حاجة إني شوفتك. يونس: تحبي أوصلك؟ تمارا بدموع: يا ريت عشان تعبانة. يونس: يلا. وقبل يونس ما يكمل كلامه، كانت المياه نزلت عليه هو وتمارا.

فجر من فوق: تستاهل، ولسه اللي جاي. وانت يا شاطرة ابعدي عنه أحسنلك. وأيوة أنا اللي كبيت المياه. ثواني كده. لوووووولي لوووووولي لوووووولي، تعيشي وتاخدي غيرها. يونس: أنا آسف يا تمارا لتاني مرة. اتفضلي انتي. وطلع يجري على السلالم قبل حتى تمارا ما ترد عليه. يونس بصوت عالي: فجر. فجررررر. فجر بدموع مزيفة: نعم يا أبيه. يونس قرب منها: نعم يا أبيه؟ وحياة أبوكي مش من شوية كنت يونس؟ فجر بدموع مزيفة: أنا يا أبيه.

يونس بعصبية: أيوه انتي يا مصيبة. فجر دموعها زادت وقربت من يونس وحضنته. فجر: عملت كده عشان... عشان بحبك. يونس بحب: طيب بس بطلي عياط. كفاية كده. فجر بدموع: لا مش بس. ومش كفاية. سيبني أعيط. سيبني أقول اللي في قلبي. بحبك. وفضلت أحبك. وفضلت مستنية اليوم اللي ترجع فيه علشاني. ترجع ليه أنا وبس. ترجع عشان قلبي. كنت كل ما أكلمك في التليفون أحبك. كل ما أشوف صورتك أحبك أكتر. انت حبي الوحيد. يونس بحب حضنها جامد.

يونس: وانتي قلب يونس. بحبك يا فجر قلبي. فجر بفرحة: انت بتكلم جد؟ يونس بحب: جد الجد كمان. انتي اللي قلب نبض عشانك. انتي اللي القلب والروح بتحبك. بحبك يا قلب يونس. فجر بفرحة: حبك يا قلب فجر. يونس بضحك: كفاية بقى يا بت، عايز أروح أكلم أبوكي. فجر بفرحة: لوووووولي لوووووولي لوووووولي لوووووولي لوووووولي. هتجوز يا ناس. يونس قرب منها وبسها من راسها. يونس: بحبك يا مجنونة قلبي. يونس اتكلم مع أبو فجر (أبو فجر ابن عم يونس)

. وأبو فجر وافق وكان فرحان جداً عشان هيكون مطمن على فجر وهي مع يونس. ويونس فكر في مشروع وقرار يفتح مطعم وكافيه. وبدأ في التجهيزات. وكان مبسوط. وفجر كانت هتطير من الفرحة. في يوم وهو قاعد جاله تليفون. التليفون: الو. الو. يونس معايا؟ يونس: أيوه. مين معايا؟ التليفون: أنا يا حبيبي. مين يعني؟ أنا تمارا. يونس: نعم يا تمارا. تمارا: أنا آسفة على اللي حصل زمان وندمانة وهفضل ندمانة العمر كله. وبجد أنا كمان بحبك.

يونس: وأنا مش بحبك. سلام. نروح عند تمارا. تمارا: بقيت أنا يتقالي كده؟ ماشي يا يونس، انت مش هتكون لحد غيري. يونس رجع البيت لقى فجر قاعدة في البلكونة. فجر بكسوف: يونس. يونس بحب: قلب يونس. فجر بكسوف: عايزة أطلع رحلة مع أصحابي. يونس بضحك: بتتكلمي جد. فجر بابتسامة: أيوه. يونس: لا. فجر بدموع: بس بابا موافق. يونس بحزن: يعني قصدك إيه؟ فجر بدموع: يعني هروح. يونس بحزن: اللي يريحك اعمليه. تصبحي على خير. فجر بدموع: يونس.

يونس بزعل: نعم. فجر بدموع: أنا عايزة أروح بس وانت موافق. يونس بابتسامة: بس أنا خايف عليكي. واصبري شوية ونسافر أنا وانتي. فجر بفرحة: بجد؟ يونس بضحك: بجد. فجر بفرحة: خلاص هروح يومين مع أصحابي. وبعدين أسافر أنا وانت. يونس بابتسامة: روضة. فجر اتعلقت في يونس. فجر: علشاني يا حبيبي. يونس بابتسامة: يومين بس. فجر بفرحة: بجد؟ يونس بابتسامة: بجد. فجر بابتسامة: بحبك. بحبك. بحبك قد البحر وقد السما وقد السمك سمكة سمكة.

وجريت على أوضتها وسابت قلب حب وداب في الحب. الصبح فجر سافرت مع أصحابها ويونس كان قلقان وخايف عليها بطريقة غريبة. بعد يومين لقى التليفون بيرن برقم غريب. التليفون: الو. يونس: ................... التليفون: إزاي ده؟ انت مجنون؟ يونس: ................................... التليفون: أنا هقتلك. يونس: ........................................... التليفون: طيب أنا جاي.

وصل مكان الرحلة وطلع أوضة فجر. فتح الباب لقى فجر نايمة مع واحد والسرير عليه دم. يونس بصدمة. فجر بدموع: أنا.