يونس بخوف: فجر فجررررررررررر...
يونس كان داخل البحر وبقي يغطس ويطلع يبص عليها وفجر مش ظاهرة.
يونس بخوف وحزن: فجررررررر.. فجررررررر..
يونس فضل يغطس ويطلع يبص ومش ظاهرة. مرة واحدة سمع صوت فجر.
فجر بخوف ودموع: يونس انت فين.. يونس..
يونس رفع رأسه وشاف فجر قاعدة على الشط وبتعيط. يونس خرج بسرعة وفجر أول ما شافت يونس خرج من المياه جريت عليه وحضنته.
فجر بدموع وخوف: كنت فين بدور عليك من بدري.
يونس بقلق: ده أنا.. أنتي اللي كنتي فين؟ أنا بدور عليكي من بدري وفكرتك نزلتِ المياه.. نزلت أدور عليكي.
فجر بفرحة: كنت خايف عليا؟
يونس بضحك: مجنونة.. ده كل اللي همك؟ أيوه كنت هموت من الخوف عليكي.
فجر بعدت عن يونس وبقت تنطط على الرمال: بيخاف عليا.. بيخاف عليا.. بقولك إيه.. هات حضن.
وجرت على يونس اللي كان فاتح إيده وحضنها كأنها الحياة.
يونس بضحك: بحب جنانك.. بس كنتي فين؟
فجر بحب: كنت بجيب آيس كريم.. وبسببك وقع في الأرض.. من خوفي عليك.
يونس بضحك: تعالي أجيب لك غيره.. وبعد كده أوعي تروحي أي مكان من غيري.
فجر بحب: هفضل ماسكة إيدك وقلبك.. طول العمر.
يونس بضحك: يلا يا قدري.
فجر بفرحة: يلا.. بس ممكن طلب؟
يونس بابتسامة: اتفضلي.
في ثانية فجر كانت نطت على ضهر يونس.
فجر بضحك: هو ده.
يونس بضحك: ماشي يا فجر.
فجر بفرحة: ممكن تجري بيه شوية؟ عايزة أحس إني طايرة.
يونس بضحك: بس كده.
يونس بدأ يجري وفجر تضحك. أخيراً الفرحة دخلت قلب يونس.
وبعد مدة أخدها لمحل الآيس كريم.
يونس بابتسامة: ها يا فجر تاخدي إيه؟
فجر بفرحة وضحك: آخد مانجة وشوكولاتة وعليهم توت وكمان حليب.. اممممم.. كده تحفة يا أبيه.
يونس بضحك: ماشي وأنا كمان هاخد زيك.
أخدوا الآيس كريم وطلعوا على البيت. يونس أول ما دخل البيت دخل على أوضته وقعد ياكل الآيس كريم.
فجر فتحت الباب ودخلت: أبيه الآيس كريم بتاعي خلاص.. عايزة حتة منك.
يونس بضحك على شكلها: إيه يا بنتي ده؟ أنتي كنتي بتاكلي بوشك.. تعالي هنا.
فجر قربت من يونس بكسوف.
ويونس قرب منها ومسح وشها بالمنديل: خدي بالك من نفسك يا صغير أنت.
فجر بكسوف طلعت تجري على بره.
يونس قعد شوية وبعدين قرر يروح يقابل مروان ويسأل على تمارا.
بعد مرور ساعة كان يونس قاعد مع مروان.
يونس بابتسامة: بجد وحشني يا مروان.
مروان بضحك: والله وأنت أكتر.. فين أنت وأيام زمان؟
يونس بضحك: اتغيرت.
مروان بابتسامة: أيوه اتغيرت أوي.
يونس بضحك: عندك حق.. حتى أنا ساعات مببقاش عارف نفسي.
مروان بابتسامة: صحيح هتشتغل إيه هنا؟ ولا هتعمل إيه؟
يونس بابتسامة: لسه بفكر.. صحيح كنت عايز أسألك عن تمارا.
مروان بضيق: لسه بتحبها ولا إيه؟
يونس بابتسامة: مش عارف.
مروان: اتجوزت واتطلقت.
يونس بابتسامة: النصيب.. صحيح تعالي اتعشى معايا النهارده.
مروان بابتسامة: خليها يوم تاني.
يونس بابتسامة: اللي يريحك.. تعال في أي وقت البيت بيتك.
قعد يونس ومروان يتكلموا لحد بالليل.
يونس دخل البيت بالليل لقى البيت ساكت يعني الكل ناموا. دخل أوضته وقعد على السرير.
وبعد شوية جاه ينام على السرير لقى حاجة على السرير. نور النور.. لقى فجر نايمة على السرير.
يونس باستغراب: فجر فجر قومي.
فجر بفرحة: أنت جيت.
يونس بابتسامة: أيوه جيت.. يلا روحي على أوضتك.
فجر بدموع: لا.
يونس بقلق: ليه مالك؟
فجر بدموع: خايفة.. حلمت حلم وحش وجيت ليك علشان كنت خايفة.. لقيت الأوضة فاضية خوفت أكتر لتكون سافرت تاني.
يونس قرب منها وحضنها: متخافيش أنا هنا جنبك.
فجر بدموع: بجد هتفضل جنبي؟
يونس بحنان: بجد هفضل جنبك طول الوقت.
فجر بسعادة: وطول العمر.
يونس بابتسامة: طول العمر. يلا بقى روحي أوضتك.
فجر بكسوف: عايزة أنام جنبك.
يونس بابتسامة: مينفعش.. أنتي كبرتي.
فجر بكسوف: عشاني.
يونس بابتسامة: لا.. تعالي نروح أوضتك.
يونس وفجر راحوا الأوضة ويونس رجع أوضته ونام لحد الصبح.
الصبح.. يونس خرج بدري والكل نايمين.
وراح على البحر وفضل قاعد وباصص للبحر كأنه بيقول ليه ولا أعمل إيه.
يونس روح البيت لقى الكل قاعدين وأمه فرحانة.
يونس بابتسامة: في إيه يا أمي؟
أم يونس: فجر جالها عريس.. والخطوبة الأسبوع الجاي.
يونس بصدمة: إزاي؟
أم يونس بابتسامة: زي الناس يا حبيبي.. عقبالك.
يونس: طيب أنا داخل أنام.
يونس دخل أوضته. ومرة واحدة الباب اتفتح.
فجر بدموع: شوفت يا أبيه؟ بابا وافق على العريس والخطوبة الأسبوع الجاي من غير ما ياخد رأيي حتى.
يونس بحزن: متزعليش.. باباكِ شايف مصلحتك فين.
فجر بصدمة: يعني أنت شايف كده؟
يونس بحزن: أيوه.. واتفضلي بقى علشان هنام.
فجر بصدمة: خلاص.. هستناك في الخطوبة الأسبوع الجاي.
فجر خرجت.
ويونس دموعه نزلت.
يونس نام وتاني يوم قرر يعمل حاجة تغير حياته.
خرج.
وهو نازل على السلالم قابل.
يونس بصدمة: أنتي.