رواية قلب يونس الفصل الثامن 8 - بقلم فيروزة

الجرس رن... يونس: ده مين اللي جاي الصبح ده؟ فجر بضحك: بقولك ايه سيب اللي يرن يرن. يونس بضحك: بس يا بت عيب. أنا قايم. فجر بكسوف: يعني هتقوم وتسيبني؟ يونس بضحك: بس يا بت عيب. هقوم أفتح وأجي تاني. فجر بحزن: خد بالك من نفسك. يونس بضحك: هو أنا رايح بلد تانية؟ ده أنا معاكي في نفس الشقة يا مجنونه. دقيقة وهكون عندك. يونس قام علشان يفتح باب الشقة. لقى أمه وأبو فجر. أم يونس بابتسامة: إيه يا ابني كل ده علشان تفتح الباب؟

يونس بضحك: معلش يا ماما، ظروف بقى. أبو فجر: أمال فين فجر؟ يونس بابتسامة: ثواني هدخل أجيبها وأجي. يونس داخل لفجر: فجر يلا البسي فستان طويل. فجر بدلع: ليه؟ يونس بضحك: هو ده وقت دلع. يلا علشان ماما وأبوكي بره وعايزين يشوفكي. فجر بفرحة: بجد؟ ثواني. يونس طلع ليهم. وبعد شوية فجر طلعت. فجر بفرحة جريت على أم يونس: وحشتيني أوي يا تيته. أم يونس بابتسامة: وأنتي أكتر يا قلبي. فجر طلعت من حضنها. وقربت من أبوها وحضنته.

فجر بدموع: وحشتيني أوي يا بابا. أبو فجر: وأنتي أكتر يا حبيبتي. عاملة إيه؟ طمنيني عليكي. فجر بكسوف: أنا كويسة يا حبيبي. طمني أنت عليك. أبو فجر: بخير يا حبيبتي. أم يونس بابتسامة: يلا بقى يا أبو فجر علشان نسيب الكتاكيت لوحدهم. يونس بضحك: والله كلك واجب يا ماما. فجر بكسوف: ما تخليكي اتغدي معنا انتي وبابا. أبو فجر: لا يا حبيبتي. لازم نمشي. ربنا يسعدك ويريح بالك. بعد ساعة. يونس داخل المطبخ: يلا يا فجر تعالي علشان ناكل.

فجر بكسوف: هو أنت متعرفش؟ يونس بضحك: لا معرفش. في إيه؟ فجر بكسوف: أنا مبعرفش أطبخ ولا حتى أعمل أي حاجة أشربها. يونس بضحك: بجد؟ فجر بكسوف: آه وربنا. أنا هبلة طول عمري وكنت بقول عمري ما هتجوز. علشان كده ما فكرتش أتعلم. يونس بضحك: طيب يا حبيبي مش مشكلة. تعالي وأنا أعلمك. فجر بفرحة: بجد؟ يونس بضحك: يلا يا حبيبتي. فجر بفرحة نطت على ضهر يونس: يلا يا حبيبي. يونس بضحك: انزلي يا بنتي. فجر بضحك: لا خليني علشان خاطري.

يونس بابتسامة: يلا يا قلب يونس. يونس داخل المطبخ وهو شايل فجر. وبدأ يعمل الأكل. وكان بيقول لفجر على الطريقة علشان تتعلم. يونس بضحك: يلا يا قلبي علشان تأكلي. فجر بفرحة: يلا. وهم قاعدين على السفرة. فجر بابتسامة: امممممم. لا بجد الله ينور عليك. أجمل أكل داخل قلبي. يونس بضحك: هو الأكل بيدخل قلبك مش معدتك زي الناس؟ فجر بكسوف: إلا الأكل ده بيدخل على قلبي على طول. يونس بضحك: طيب أنا فين؟ لما الأكل في قلبك. فجر قامت

وراحت قعدت على رجل يونس: أنت هنا. (وكنت بتشاور على قلبها) . وهنا كمان. (وكنت بشاور على عقلي) . وهنا كمان في روحي. أنت بقيت روح فجر وقلب فجر وعقل فجر. أنت ملكت فجر. بحبك يا يونس. بحبك قد عمري اللي راح. في بوعدك وقد اللي جاي معاك. وقد اللي فات في هواك. بحبك قد الدنيا وقد السماء وقد البحر. وبحبك قد السمك سمكة سمكة. بموت فيك. يونس بابتسامة: أنا مش قد الكلام ده. وأنا بعشقك يا قلب يونس. وشال فجر. تاني يوم الصبح.

يونس بابتسامة: صباح الورد على عيونك يا قلب يونس. فجر بابتسامة: صباح العسل يا نحلتي. يونس قرب منها وباسها: قلب يونس تحبي نروح شهر العسل فين؟ فجر بكسوف: أحب أروح الصعيد. طول عمري نفسي أروح الصعيد وفي قطار كمان. يونس بضحك: طول عمري أعرف إن الناس تروح شهر العسل شرم الشيخ. ولا إسكندرية. تسافر بره. تروح تركيا. إيطاليا. تروح باريس. وأنتي عايزة تروحي الصعيد. فجر بدلع: أيوه يا حبيبي. يونس بضحك: كده مش هنروح حتة. اتلمي يا بت.

فجر بضحك: لا مش هتلم. بجد نفسي أروح الصعيد. يونس بضحك: حاضر. وبلاش أقولك هيحصل إيه لو متلميتيش. فجر بضحك: هيهيهيي. يونس بضحك: العب. فجر بكسوف: عيب بقى. وقمت علشان أجهز الشنطة. يونس بابتسامة: والله البت دي هبلة. مرة هيهيي. ومرة مكسوفة. ومرة مجنونة. ومرة. وربنا البت دي هتضر بالسلك اللي فاضل في دماغي. منك لي قلبي يا فجر. فجر حضرت الشنط. وفعلًا سافروا الصعيد في القطار. وهم راكبين القطار.

فجر بفرحة: أنا فرحانة أوي أوي يا يونس. كان نفسي من زمان أركب القطار وأروح الصعيد. يونس بضحك: وأنا فرحان علشان انتي فرحانة يا قلب يونس. بعد شوية فجر: يونس أنا زهقت. يونس بابتسامة: طيب أعملك إيه يا قلبي. فجر بكسوف: خدني في حضنك. يونس بضحك: بس يا مجنونه. فجر بدموع: احضني. يونس حضن فجر. فجر بفرحة: احكيلي حدوته بقى. يونس بابتسامة: مبعرفش. فجر بدموع مزيفة: آه يا قلبي. أنا زعلانة. يونس بضحك: طيب خالص هحكي.

وبدأ يونس يحكي حدوته لفجر حتى مطلع الفجر. بعد مدة طويلة وصلوا. وراحوا الفندق. وبعدين خرجوا اتفسحوا في أماكن كتير وفضلوا طول اليوم. فضلوا طول شهر العسل من هنا لهنا. وكان أجمل شهر عسل. بعد مرور شهر العسل. رجعوا البيت. في يوم يونس رجع البيت وملاقش فجر. فضل يدور عليها. واتصل على أبوها مش عنده. اتصل على مامتها مش عندها. فضل كده يدور عليها يوم واتنين وتلاتة. لحد.